Təcavüzkar Ermənistanın 1988-ci ildən başladığı haqsız və ədalətsiz müharibə xalqımızın başına çoxmüsibətlər gətirdi. Yüzlərlə günahsız soydaşlarımız işğalçı Ermənistan ordusunun təcavüzünə məruz qaldı. Ermənistanın rəsmi Yerevanda xüsusi təlim görmüş ordusu Azərbaycanda faciələr törətdi, yüzlərlə dinc sakin bu faciənin qurbanına çevrildi.
20 faiz torpağımız işğal olundu, bir milyon soydaşımız doğma yurdlarından didərgin düşdülər. Onların içərisində erməni qətliamlarına məruz qalan çoxlu sayda uşaq, qadın, qoca, xəstə insanlar da vardır. Türk qanına susayan erməni caniləri günahsız azərbaycanlılara qarşı işgəncə davası aparıblar. Əsir düşmüş, girov götürülmüş soydaşlarımız ağır işgəncələrə məruz qalmış, meyitlər təhqir olunaraq tanınmaz hala salınmışdır. Qız-gəlinlərimizin şərəfi və ləyaqəti tapdanmışdır.
XXI əsrdə Allah bəlkə də bizə heç zaman verməyəcəyi bir şans yaratdı. Şans yaratdı ki, biz işğal olunmuş torpaqlarımızı düşmənlərin təcavüzündən xilas edək. Şans yaratdı ki, namərd əli ilə qətlə yetirilən soydaşlarımızın, əsirlikdə-girovluqda olmazın işgəncələlə üzləşən oğullarımızın, alçaldılan, təhqir olunan qadınlarımızın intiqamını ala bilək. Şans yaratdı ki, dünya dövlətləri arasında nəyə qadir olduğumuzu sübut edək. Azərbaycanın rəşadətli ordusu 44 günün içərisində 30 ilə yaxın bir müddətdə düşmənlərin tapdağı altında qalan şəhər və kəndlərimizi işğaldan azad etdi.
30 illik hərbi təcavüzdən sonra Azərbaycanın rəşadətli ordusu öz torpaqlarının sahibi oldular. Bu qələbəni bizə Azərbaycan Respublikasının Ali Baş Komandanının rəhbərliyi altında əsgərlərimiz və zabitlərimiz bəxş etdilər. Qısa vaxt ərzində Azərbaycan ordusu yüz illərlə hərbi təcrübəyə malik olan dövlətlərə öz məharətini nümayiş etdirdi və özünün yenilməzliyini döyüş meydanlarında təsdiqlədi. Azərbaycanın Müzəffər Ali Baş Komandanı dünyanın ən qüdrətli sərkərdəsi olduğunu hərbi-siyasi məkanda göstərdi və özündən müştəbeh Ermənisan ordusuna elə bir zərbə vuruldu ki, çətin ki, onlar ayağa qalxa bilsinlər. Təpədən dırnağa qədər qeyrət mücəssəməsi olan Azərbaycan ordusunun qəhrəman döyüşçüləri erməni təcavüzkarlarının layiqli dərsini verdilər. Müzəffər ordumuz düşmənlərə sarsıdıcı zərbələr vuraraq ərazi bütövlüyümüzü təmin etdi. Bu möhtəşəm qələbə mənim və rəhbərlik etdiyim kollektivin hədsiz sevincinə səbəb oldu. Bu qələbəyə biz milli ordumuzun qətiyyəti, rəşadəti və mətinliyi sayəsində nail olduq. Bu qələbə Azərbaycanın hünər dolu, zəfər dolu tarixində yaddaqalan yeni bir mərhələdir. Qələbənin qazanılmasında xalqımızın yumruq kimi birliyi müstəsna rol oynadı. Məhz bu birliyin, bütövlüyün məntiqi nəticəsi idi ki, düşmən tərəf qarşımızda dayana bilmədi və biabırcasına məğlubiyyətini elan etdi.
Artıq Azərbaycan torpaqlarının işğalçılardan təmizlənməsindən üş il vaxt ötür. Üç il bundan əvvələ kimi “işğal” kəlməsi qulaqlarımızı döyənək etmişdi. Başımızı dik tutub gənclərimizin üzünə baxa bilmirdik. 44 günlük savaşdan sonra Ali Baş Komandanımızın rəhbərliyi altında müzəffər ordumuz “işğal” kəlməsini “Zəfər” kəlməsi ilə əvəzlədi. Hətta Zəfər paradı da keçirildi ki, bu da millətimizin ruhunu özünə qaytardı.
Bu adi qələbə deyildi. Bu möhtəşəm qələbə rəhbərin xalqa inamı, xalqın isə öz rəhbərinə sədaqətinin məntiqi nəticəsi idi. Xalqımız el birliyi, dil birliyi, sel birliyi nümayiş etdirərək bu müharibədən üzüağ, alnıaçıq çıxdı.Bu qələbə milyonlarla soydaşımızın, eyni zamanda qüdrətli türk dünyasının milli ruhunu təzələdi, sabaha inamını gücləndirdi.
Müzəffər Ali Baş Komandanımız Azərbaycanın vətənpərvər, cəsarətli xalq, Azərbaycan Ordusunun isə məğlubedilməz olduğunu dünya ictimaiyyətinə sübut etdi. Sübut etdi ki, Azərbaycan heç bir xarici ölkənin köməyi olmadan öz torpağını rəşadətlə qorumağa, özünün ərazi bütövlüyünü təmin etməyə qadirdir. Sübut etdi ki, türkün torpağı əsarətdə olmamalıdır. Böyük qürur hissi ilə deyə bilərik ki, bu gün Azərbaycanın dünya standartları ilə səsləşən, hər cür hərbi texnika, silah-sursatla təzhiz edilən qüdrətli ordusu var.
Bu qələbənin qazanılmasında Ali Baş Komandanın rəhbərliyi ilə tarix yazan əsgər və zabitlərimizin, canlarını Vətən yolunda qurban verən şəhidlərimizin, qazilərimizin qəhrəmanlığı ölçüyəgəlməzdir. Bu qələbə bizi mənəvi dəyərlərimizə qovuşdurdu. Şəhidlərimizin canı-qanı bahasına qazanılan bu qələbənin dadı min illər boyu damağımızdan getməyəcək.
Elman QASIMOV “Zərdabi Nəşr” MMC-nin direktoru
