Mən bu sətirləri Rasim Balayev haqqında bir neçə gündür ki, yazılanları oxuduqdan sonra geyri-ixtiyarı olaraq qələmə aldım.
Çox istərdim ki, xüsusən müasir gənclik bilsin ki, Rasim Balayev sənətdə çox uca, əlçatmaz bir zirvədir. O, səhnə fəaliyyətində özünə ölməzlik, əbədiyyət qazanmış Vətən oğludur. Onun milli ruhda sənət üçün elədikləri əsrlər, qərinələr boyu yaşayacaq və sevilərək xatırlanacaqdır. O, canlı əfsanədir. Ona dəyər vermək, Sovetlər dönəmində keçdiyimiz ziddiyyətli, kimliyimiz Bizə unutdurulmağa çalışılan, o dövrə xas əzablı milli tariximizi dərindən bilməyən, adicə - “türkəm” deyənin, son məkanı ya Sibir, ya da Qəbir olan tarixi reallığa, az da olsa bələq olmayanların idrakı xaricindədir.
Rasim Balayev niyə qınanır? Ali Baş Komandana əsil Babək sizsiz dediyinə görə. Məgər səhv edib? Oxuyun bu sətirləri. Diqqətlə oxuyun. İlk növbədə Dövlətçiliyimizə müxalif olanlar oxusun. Ermənilər Kür çayına qədər gələcək fikri beyninə hakim olanlar oxusun. Erməni daşnakları və onların havadarlarının 500000 min azəri türkünü qanına qəltan etdiyi Çilovluq, 12000 soydaşımızın öldürüldüyü Mart, 25000 azərbaycanlının qətlə yetirildiyi 21 Azər, 215 azərbaycanlının öldürüldüyü Qudak, 613 həmvətənimizin şəhid olduğu Xocalı və onlarla, yüzlərlə bu kimi soyqırım qurbanlarının yadigarı olan nəvə, nəticə və kötücələri oxusun:
1. Vətən müharibəsini zəfər və qalibiyyətlə başa çatdıran, yuxuda belə xəyalımıza gəlməyən və Bizə dönüşü utopiya kimi görünən ölkə sərhədlərini cəmi 44 günə bərpa edən sərkərdə kim oldu? İLHAM ƏLİYEV.
2. Səfəvilər dövlətinin süqutundan keçən son 500 ildə, Azərbaycanın başında duran hansı sərkərdə (böyük Heydər Əliyevin keçən əsrin 1993-ci ilin dekabr, 1994-cü ilin 6 yanvar tarixinə qədər Füzuli bölgəsində apardığı 22 günlük Horadiz əməliyyatı zamanı azad etdiyi 21 min hektar ərazi istisna olunmaqla; 22 və 44 rəqəmləri heç də təsadüfü deyil, lakin bu ayrıca mövzudur) Vətən torpağının çox yox, bir qarışını azad edə bildi? Dahilər beşiyi olan ŞUŞA başda olmaqla, Vətən torpağını tam azad edən yalnız bir sərkərdə oldu. O da İLHAM ƏLİYEV.
3. Mənəviyyatı sındırılmış fərdə deyil, dünyanın müxtəlif qitələrində yaşayan, sayı 50 milyondan artıq olan böyük Azəbaycan millətinə, onun sındırılmış mənəviyyat və daxili qürurunu kim qaytardı? İLHAM ƏLİYEV.
4. Vətən müharibəsi zamanı, 30 ildən artıq bir müddətdə beynimizə yeridilən “erməni xofu”nu məhv edən əsgərlərin başında duran, həm əsgər, həm zabit, həm də komandan olan kim oldu? Yenə də İLHAM ƏLİYEV.
Bu punktları hələ çox uzatmaq da olar. Lakin düşünürəm ki, Vətənsevərlər üçün bu söylədiklərim də yetərlidir.
Şübhə etmirəm ki, həqiqət bildiyim və zərurətdən yazdığım bu söylədiklərimə müxalif olanlar da olacaqdır. Lakin mənim üçün fərqli insan anlayışı yoxdur. Yalnız bir anlayış var: Vətənin, Millətin və Müstəqil Dövlətini sevənlər anlayışı. Odur ki, əks mövqedə duranlar yazdıqlarımı punktlar üzrə qiddətlə oxusun. Bu punktlar üzrə söylədiklərimin əksinə, hansısa bir əsaslı fakt və ya sübut söylənilərsə, mən vətənə xəyanət maddəsi ilə mühakimə olunmağa hazıram...
Musa Qəniyev
P.S. Qaliblər bütün dövrlərdə haqqdır və mühakimə olunmur, zaman keçdikcə yalnız qalib kimi xatırlanırlar.
