Ermənistanın mina terrorunu hələ davam etdirməsi barədə rəsmi Bakının bəyanatları Irəvanda hədəflərə dəqiq tuşlanmaqla təsirini göstərməkdədir. Ermənistanın "xüsusi tapşırıqlar üzrə səfiri(?)" Edmon Marukyanın Azərbaycan Prezidentinin köməkçisi Hikmət Hacıyev haqqında yazdığı tvit də bunu təsdiqləyir.
Bunu “Bakı-Xəbər” Media Qrupunun rəhbəri, politoloq Aydın Quliyev öz Facebook səhifəsində yazıb.
A.Quliyev daha sonra yazır:
Marukyan Hikmət Hacıyevin Ermənistanın mina terroru barədə sözlərini yalan adlandırır, "tövsiyə verir" ki, "yalan kampaniyadan əl çəkin və bu kampaniya dünyanın diqqətini Azərbaycanın etnik təmizləmə siyasətindən yayındıra bilməyəcək bə sair" ...nağıllar...
- Əvvəla, Ermənistanın mina terroru hələ də davam edən real təhlükədir və bu təhlükə dünyaya tutarlı faktlarla artıq duyurulub. Ərazilərimizdə basdırılmış azı 1 milyon minanın çox cüzi hissəsi zərərsizləşdirilib. Ən əsası odur ki, Ermənistan bu təhlükənin tam aradan çıxarılması üçün real heç nə etmir və üstəlik atılan addımlara mane olmağa çalışır...
2. Hikmət Hacıyevi "yalan mina terroru" kampaniyasında suçlayan Marukyan Hacıyevin yox, məhz özünün yalançı olduğunu bu fikirləri ilə sübut edir ki, "Ermənistan arada etimadın yaranması üçün özündən asılı olan hər şeyi edir"... Yalanın yekəliyinə baxırsız? 10 noyabr sənədinə məhəl qoymayaraq hələ də qanunsuz hərbi dəstələri Xankəndidə saxlatdıran Ermənistan rəsmisi hansı etimad quruculuğundan danışır?! Naxçıvanı düz 31 ildir blokadada saxlayan ölkə rəsmilərinin uydurma " Arsax blokadası" altında beynəlxalq şou düzəltməsi hansı etimaddan xəbər verə bilər?! Müharibədən sonrakı 2.5 il ərzində bircə dənə olmuş olsa da sülh təşəbbüsünə müəlliflik etməmiş ölkənin rəsmilərinə etimad bəsləmək olarmı?!
3. Hikmət Hacıyevi "yalan kampaniyaçılıqda" suçlayan Marukyanın öz yalanını eşidəndə adamın ayaqlarının altında yer-göy oynayır. Yazır ki, biz mina xəritələrini Azərbaycana verdik... Bu yalana bizim kəndçi rəhmətlik Nəbinin klassik leksikonunda cavab verməyin yeri olsa da, Marukyan kimilər üçün önəmi olmayan etik qaydalara sığınmağa məcburam. İndiyə qədər Azərbaycana verilmiş, həm də ayrı-ayrılıqda 3 dövlətin vasitəçiliyi ilə verilmiş xəritələrin yalnız 25 faizə qədəri doğru ünvan göstəribsə, bu necə xəritə verməkdir? Xəritələr verilibsə, hələ də 1 milyon minanın torpaqlarımızda "yatması" nə deməkdir, Marukyan? Siyasəti "o məşhur və qədim peşə" ilə eyniləşdirənlər özləri üçün sübutları məhz Marukyan kimilərin apardığı "siyasətdən" götürürlər.
4. Marukyanın Hikmət Hacıyevə cavab tvitlərində özünün azı 3-cü yalanı ifşa olunur.
Bundan az əvvəl Hikmət Hacıyev Brüsseldə Şarl Mişelin iştirakı ilə Ağdam-Xankəndi yolundan istifadəni məqbul sayan razılaşma olduğunu bildirəndə bu Marukyan (bəlkə Morukyan daha yaxşı səslənir?) demişdi ki, Hikmət Hacıyev düz danışmır və Brüsseldə belə razılaşma olmayıb. Dərhal hər şey sübut olundu ki, yalançı elə Marukyanın özüdür...
Tahir TAĞIYEV
