Erməni təbliğatının savadsız, məlumatsız üzü açıldlqca arxasından çox eybəcərliklər çıxır. Bir vaxtlar daha çox erməni siyasətçiləri, ziyalıları anti-Azərbaycan təbliğatına, əsassız ərazi iddialarına qoşulmuşdularsa, indi onların əksəriyyəti geri çəkilib, indi ortaya şouçular çıxarılıb. Fiqurların yerini dəyişiblər.
Bir neçə gün əvvəl pornoulduz Kim Kardaşyan və rejissor Erik Esraelyan çıxıb Azərbaycanla bağlı hədyanlar danışırdılar. İndi də rok musiqiçisi və fəal erməni Serj Tankian özünü toy toğlusu kimi ortaya atıb. Serj Tankian X sosial şəbəkəsindəki səhifəsində "Arsaxın" "müstəqillik" "hüququ" məsələsinə toxunaraq iddia edib ki, guya hüquqi baxımdan "Artsax" heç vaxt Azərbaycanın tərkib hissəsi olmayıb. O, hətta başqa bir əsassız iddia da ortaya atmağı unutmayıb. Bizə xitabən iddia edib ki, Bakı da "tarixi Ermənistan ərazidir": "Paytaxtınız Bakı tarixi Ermənistandır. Azərbaycan 1918-ci ilə qədər ölkə deyildi və 1992-ci ilin yanvarına qədər də tanınmayan dövlət idi... "
"Ermənistanın paytaxtı tarixi Azərbaycan şəhəri İrəvandır"
Rokçunun regionun tarixindən xəbərsiz olduğunu deyən yazar-araşdırmaçı Fariz Çobanoğlu "Bakı-Xəbər"ə şərhində bildirdi ki, ermənilər öz tarixlərini qədimləşdirmək üçün Azərbaycan ərazisinə 1828-cu ildən sonra köçürüldüklərini gizlətmək istəyirlər, amma reallıq dəyişmir. "Ermənistanda qeyri-ciddi adamlar həddən artıq çoxdur, ümumiyyətlə onlar ciddi toplum deyil. Onlar qədər əsassız iddiaları olan ikinci bir xalq az tapılar.
Azərbaycan və Ermənistan arasında sülh müqaviləsinin imzalanması barədə qızğın danışıqlar getdiyi bir vaxtda ermənilər arasında sülhə qəsd etmək istəyənlərin sayı artıb. Azərbaycan, Bakı heç zaman ermənilərin olmayıb. Sadəcə, ermənilər bizim ərazidə 1828-ci ildən sonra kütləvi olaraq yaşayıblar, ölkəmizin naz-nemətlərindən gen-boluna istifadə ediblər, sonra da xəyanət yolunu tutublar. Qarabağ Azərbaycanın tarixi ərazisidir, ayrılmaz parçasıdır, suveren torpağıdır. Bakı da Azərbaycanın paytaxtıdır və o heç zaman Ermənistana aid olmayıb. Amma Ermənistanın paytaxtı tarixi Azərbaycan şəhəri İrəvandır, ermənilər bizim ərazimizdə özlərinə dövlət qurublar. Rokçu bunu bilməmiş olmaz, sadəcə, erməni xəstəliyi onun da yaddaşını silib.
Bakı tarixi Azərbaycan şəhəridir və bu şəhərin ermənilərlə heç bir bağlılığı yoxdur. Bakı çoxmillətli, tolerant, multikultural şəhərdir və burada bir çox xalqların nümayəndələri sülh, huzur içində yaşayır. Vaxtilə ermənilər də bizim paytaxtda yaşayıblar, amma onlar sonra Bakıya xəyanət etdilər. Bunu rokçu bilməlidir. Çox təəssüf edirəm ki, 44 günlük Vətən müharibəsindən sonra ermənilərin ağılları başlarına gəlmədi, daha da sərsəmlədilər. Soydaşlarımızın Qərbi Azərbaycana qayıtmaq arzusu onları narahat edir. Eyni zamanda, İrəvan başda olmaqla, indiki Ermənistan ərazisinin Azərbaycan torpaqları olduğu faktı da göz qabağındadır. Ermənilər yenə də yalançı hay-küy salırlar ki, bəlkə onları eşidən oldu"-deyə F. Çobanoğlu vurğuladı.
O qeyd etdi ki, Qarabağla, Bakı ilə bağlı ermənilərin iddiası uydurmadır. "Serj Tankian o qədər savadsızdır ki, Azərbaycan ərazisi barədə yanlış məlumat yayır. 1918-ci ilə qədər də, ondan sonra da Azərbaycan olub, olacaq da. Roker bilməlidir ki, 1918-də Çar Rusiyası və böyük dövlətlər Azərbaycan Xalq Cümhuriyyətinin ərazisində ermənilərə dövlət qurublar, buna qədər bizim bölgədə erməni dövləti olmamışdı".
Müsahibimiz vurğuladı ki, erməni siyasəti iflasa uğrayır və hansısa şou sənətçisinin yalan təbliğatı heç nəyə qadir deyil.
Aytəkin Kərimli
