Hayastanda yaşayan yezidi kürdlər artıq tamamilə haylara bənzəməkdədirlər. Ömrü boyu haylar tərəfindən milli, dini ayrıseçkiliyə məruz qalan, eyni zamanda da dili, mədəniyyəti, milli kimliyi unutdurulan, haylaşdırılan, millət olaraq əridilən yezidi kürdlər “soyqırım” iddiası ilə ortaya çıxıblar.
İddia edirlər ki, guya 2014-cü il avqustun 3-də İraq İslam Respublikasının Şanqal əyalətində yaşayan yezidi kürdlər “soyqırım” edilib və “12 min günahsız insan öldürülüb”.
Ermənistanın kürd icmasının rəhbəri, parlamentin deputatı Knyaz Həsənov “soyqırım qurbanlarından” danışıb və deyib ki, 2018-ci ilin yanvarında Ermənistan parlamenti yezidilərin “soyqırım”ını tanıyıb. Qondarma erməni soyqırımından da danımağı unutmayan K.Həsənov iddia edib ki, guya 1915-ci ildə Türkiyə tərəfindən bir milyon yarım erməniyə qarşı “soyqırım” törədilib və “bu beynəlxalq ictimaiyyət tərəfindən pislənilsəydi, yezidi kürdlərinin “soyqırmı” baş verməzdi”.
“İslam dövləti” (çıxışının başqa yerində qırğının İŞİD tərəfindən törədildiyini deyib) terror qruplaşmasının 2014-cü il avqustun 3-dən başlayaraq yezidilərin məskunlaşdığı Şanqal bölgəsinə qarşı hücuma keçərək yerli yezidiləri soyqırıma məruz qoyub. Bəli, onlar milliyyətcə yezidi olduqları üçün öldülər və bu bugünə qədər də davam edir...”-deyə iddia edən K.Həsənov digər bir yalan iddianı dilə gətirib, guya bu hadisə Qarabağda təkrarlanır və “120 min insan humanitar böhranla üzləşib”. Azərbaycana və Türkiyəyə qarşı da soyqırım ittihamları irəli sürən K.Həsənov, nədənsə, Suriyada yezidi kürdlərə qarşı tutulan divanı unudur və onu “soyqırım” kimi dilə gətirməyə çəkinir. Halbuki, müsəlman dünyasında heç bir xalqa qarşı soyqırım edilməyib. “İslam” pərdəsi altında gizlənən hansısa terrorçu qrupun isə törətdiyi cinayətləri hansısa dövlətin adına yazmaq olmaz. Ona qalanda Azərbaycan türkləri, Kərkük türkləri dəfələrlə soyqırıma məruz qalıblar, ermənilər türklərə qarşı amansız qətliamlar törədiblər.
“Çox təəssüflər olsun ki, özlərini yezidi kürd kimi təqdim edənlər ermənilərdən heç nə ilə fərqlənmirlər”
Yezidi kürdü icmasının Hayastandakı rəhbərinin fikirlərinə münasibət bildirən AMEA-nın Fəlsəfə və Sosiologiya İnstitutunun aparıcı elmi işçisi, fəlsəfə doktoru, BAO sədrinin müavini, siyasi icmalçı Faiq Ələkbərli “Bakı-Xəbər”ə bildirdi ki, ermənilərin saxta soyqırım iddialarından başqa etnik qruplar da “ilham alıb” qondarma ittihamlarla çıxış edirlər: “Şübhəsiz ki, ermənilərin sözdə “soyqırım” iddiası bəzi etnik qrupları da həvəsə gətirib, onlardan biri də yezidi kürdlər kimi özlərini təqdim edənlərdir. Onlar da hesab edirlər ki, İraqda yezidi kürdlər “soyqırım”a məruz qalıblar. Çox güman ki, o, Suriyada İŞİD tərəfindən problemlərlə üzləşdiklərini demək istəyib. O zaman Suriyada daxili qırğınlar zamanı təkcə orada yaşayan ərəblərə, türkmənlərə deyil, yezidi kürdlərə də ən çox sahib çıxan Türkiyə olub. Çox təəssüflər olsun ki, özlərini yezidi kürd kimi təqdim edənlər ermənilərdən heç nə ilə fəqrlənmirlər. Yezidi kürdlərin haylarla da müəyyən yaxın tərəfləri var. Çünki onlar da özlərini hind-Avropa mənşəli sayır və köklərini aparıb atəşpərəstlərə, günəşə, oda sitayiş edənlərə bağlayırlar. Yəni hər hansısa bir anlamda 2014-cü ildə yezidi kürdlərə qarşı “soyqırım” tördəildiyini iddia etmək və bunu qondarma erməni “soyqırım”ının davamı saymaq cəfəngiyatdır. Əslində 1915-ci ildə ermənilərin çox böyük xəyanətindən sonra işin sürgünlə nəticələnməsi Osmanlının böyüklüyündən irəli gəlirdi. Erməni dəstələri o vaxt ya çar Rusiyası tərəfinə keçib, ya da daxildə xəyanət yolunu tuturdular. Yezidi kürdlər ən çox Türkiyədən, bütövlükdə türklərdən dəstək almalarına baxmayarq, yenə də türkləri, Türkiyəni ittiham etməyə çalışır”.
Mahiyyət baxımından Hayastanda yaşayan yezidi kürdlərin haylardan fərqlənmədiyini deyən ekspert bildirdi ki, onlar da haylar kimidir, xəyanətləri, cinayətləri lazımı şəkildə cəzalndırılmadıqda onlar bu cür əsassız ittihamlarla çıxış edirlər.
İradə SARIYEVA
