Bu günlərdə Ermənistan Beynəlxalq Cinayət Məhkəməsinin verdiyi order əsasında Rusiya prezidenti Vladimir Putinin həbsini tələb edəcək dövlətlərin sırasına qoşulub. İrəvanın bu addımı Rusiyada şok effekti yaradıb.
Sözügedən məhkəmə martın ortalarında Rusiya prezidentinin həbsinə order verib. Dərhal bunun ardınca Ermənistanın Konstitusiya Məhkəməsi Roma statutunun ölkə Konstitusiyasına uyğunluğu barədə qərar qəbul edib.
Halbuki, 2004-cü ildə Ermənistanın Konstitusiya Məhkəməsi Roma statutuna dair mövqeyini açıqlayanda onu ölkə Konstitusiyasına zidd adlandırmışdı. 2004-cü ildən bəri Ermənistan Konstitusiyasına iki dəfə düzəlişlər edilib və bununla bağlı Nikol Paşinyanın hökuməti bu məsələni yenidən qaldırıb. Beləliklə, indi Ermənistanın qarşısında Beynəlxalq Cinayət Məhkəməsinin yurisdiksiyasının tanınması üçün heç bir maneə yoxdur. Ermənistanın bu sənədi ratifikasiya etməsi onun üzərinə bir sıra öhdəlikllər, o cümlədən Rusiya prezidenti Vladimir Putinin, Rusiyanın uşaq ombudsmanı Mariya Lvova-Belovanı həbs etmək öhdəliyi qoyacaq. Rusiya prezidentinin mətbuat katibi Dmitri Peskov Rusiya liderinin Ermənistanda həbs olunması təhlükəsinə dair məsələyə şərh verib. Belə ki, Rusiyada teleqram kanallarından biri Peskovdan Ermənistanın bu barədə Rusiyaya izahat verib-vermədiyini soruşub. Peskov suala belə cavab verib: “Hələ ki yox. Bunu partnyorlarımızla müzakirə edəcəyik”. Rusiyalı politoloq Sergey Markov Ermənistan Konstitusiya Məhkəməsinin Beynəlxalq Cinayət Məhkəməsinə qoşulması qərarını şərh edərkən deyib: “Bu, Ermənistandan Rusiyanın üzünə bir şillədir. Bu, şəxsən Paşinyanın həyasızlığıdır. Kimsə bu ölkənin Rusiyanın müttəfiqi olduğunu düşünür? Bu, Rusiyanın müttəfiqi deyil, Rusiyanı satmaqdır. Ermənistan Vladimir Putini həbs etmək istəyən Beynəlxalq Cinayət Məhkəməsinə qoşulub. Onlar qəsdən Beynəlxalq Cinayət Məhkəməsinə qoşulmaq üçün bu məqamı seçiblər. İndi Paşinyan kifayət qədər gülümsəyərək Putinin Ermənistanda hipotetik həbsindən və onu Beynəlxalq Cinayət Məhkəməsinə köçürməsindən danışacaq? Satqınlar.Bu qərar açıq-aydın göstərir ki, Paşinyan Rusiya ilə bütün əlaqələri kəsmək istəyir və onun prezidentinə hörmət etmir. Bu qərar onu da sübut edir ki, Ermənistan Rusiyanın müttəfiqi deyil, xaindir. Rəsmi Moskva buna belə yanaşmalıdır. Rusiya daha əvvəlllər də Ermənistandan satqın hərəkətlər görüb. İndi belə bir qərar Ermənistan-Rusiya münasibətlərinə ciddi zərbə vuracaq. Bu, Rusiya rəhbərliyinin səbrini daşıracaq son damla ola bilər. Bütün bunlar artan xətlə gedir - Aİ missiyasının regiona dəvəti və KTMT əleyhinə bəyanatlar. Bunlardan nəsə Rusiyanın Ermənistana münasibətinin əsaslı şəkildə dəyişməsinə gətirib çıxara bilər. Rusiya mediası Ermənistanda həm Rusiyaya, həm də prezident Putinə qarşı olan belə qərarın qəbul olunması barədə danışmamağa çalışır. Amma Ermənistan tərəfindən bu cür açıq-aşkar xəyanət olacaqsa, Rusiya Azərbaycanın xeyrinə seçim etməlidir. Rusiya ictimaiyyəti bu qərardan çox qəzəblənib. Ölkəmizdəki erməni diasporunun vətənimizə qarşı bu utanmaz və hiddətləndirici qərarına susacaqlarından qorxuram”. Milli müdafiə” jurnalının baş redaktoru, tanınmış rusiyalı ekspert İqor Korotçenko da məsələyə sərt reaksiya verib və Kremli Bakı ilə İrəvan arasında dəqiq seçim etməyə çağırıb: “Əslində, Ermənistan ikinci Ukraynadır – eyni nankor, millətçi düşüncəli və Qərbin altına uzanmağa hazır! Proses artıq geridönməzdir. Rusiya bu “qulpsuz çemodanı” özü ilə daşımamalıdır, bəsdir artıq!”. O bildirib ki, bu gün qəbul edilən bütün qərarlar yalnız və müstəsna olaraq Rusiyanın milli maraqlarına əsaslanmalıdır, erməni lobbiçilərinin Rusiya Federasiyasında qərar qəbuletmə mərkəzlərinə təsir imkanları tamamilə bloklanmalıdır: “Azərbaycanın ərazi bütövlüyünün təmin olunması Rusiyanın milli maraqlarına cavab verir və Rusiya Federasiyası ilə Azərbaycan Respublikası arasında müttəfiqlik münasibətləri haqqında Bəyannamənin tələbidir”.
Digər rusiyalı politoloq Aleksey Naumov məsələ ilə bağlı qeyd edib: “Ermənistanın Beynəlxalq Cinayət Məhkəməsi haqqında Roma Statutunun öhdəliyini ratifikasiya etmək qərarı bir daha sübut edir ki, Ermənistanla müttəfiqlik Rusiya üçün sərfəli deyil”. Onun sözlərinə görə, bu gün Moskva İrəvanla ittifaqdan heç nə qazanmır, yalnız narazılıq, şikayət eşidir, Rusiyanın Ermənistanın əvəzinə onun xarici siyasətini yürütdüyü deyilir. Ekspert “report”a açıqlamasında vurğulayıb ki, bu qərarla rəsmi İrəvan nə iqtisadi, nə də hərbi perspektivli təsir rıçaqlarına malik olduğu halda, sadəcə olaraq, bütün mümkün vasitələrlə Azərbaycanı cəzalandırmağa və ona təzyiq etməyə cəhd etmək qərarına gəlib: “Son vaxtlar İrəvan min müxtəlif tərəfdaşa min əl uzatmaq kursu götürüb ki, kimsə üçtərəfli sazişlər çərçivəsində üzərinə götürdüyü öhdəlikləri yerinə yetirmək istəməməsi mövqeyinə dəstək olsun. Belə məqamda, adətən, komediya filmlərində olduğu kimi, uyğun an seçilmədi. Əlbəttə, Beynəlxalq Cinayət Məhkəməsi məsələsi Ermənistan-Rusiya münasibətlərində çaşqınlıq və suallar doğurur. Əvvəllər Rusiya ilə heç bir əlaqəsi olmayan bir qərarın bu gün bir çox rusiyalı üçün suallar doğurması komikdir. Onlar düşünür ki, görəsən, Rusiyanın Cənubi Qafqazdakı müttəfiqi niyə atdığı addımın informasiya nəticələri barədə ümumiyyətlə düşünmür”. Politoloq qeyd edib ki, Rusiya Ermənistanla ittifaqdan heç nə qazanmasa da, Bakı ilə birlik Moskva üçün çox sərfəlidir: “Bu ittifaq həqiqətən də iqtisadi cəhətdən sərfəlidir, siyasi cəhətdən əsaslandırılıb və hər iki dövlət arasında əla münasibətlərlə möhürlənib”.
Nahid SALAYEV
.jpg)
