Mətləb Salahov: “Digərlərindən fərqli olaraq rəsmi Bakının təşkilatın prinsiplərinə sadiq qalması Azərbaycana olan etimadı və təşkilatdakı təsirini gücləndirir”
“Türk Dövlətləri Təşkilatının Budapeştdəki Zirvə görüşü bir sıra məqamlarla yadda qaldı. İlk müşahidə olunan məsələ təşkilatın əksər üzvlərinin Avropa İttifaqının maliyyə yardımı ilə mövqe dəyişmələrindən və Cənubi Kipri rəsmi şəkildə dövlət kimi tanımalarından sonra sərgilədikləri mövqe oldu. Əlbəttdə, açıq şəkildə olmasa da, Qazaxıstan, Qırğızıstan və Özbəkistanın əvvəlki toplantılardan fərqli olaraq bu dəfəki Zirvə görüşündə formal iştirak sərgiləmələri diqqətdən qaçmadı.” Bu fikirləri jurnalist-ekspert Mətləb Salahov “Bakı xəbər”ə açıqlamasında deyib. O vurğulayıb ki, bir müddət öncə Qazaxıstan, Özbəkistan, Türkmənistan və Qırğızıstan Avropa İttifaqı (Aİ) ilə imzaladıqları və 12 milyard avro həcmində investisiya vədi aldıqları saziş çərçivəsində Şimali Kipr Türk Respublikasını tanımayacaqlarını bəyan etmələri təşkilat üçün şok effekti yaradıb. “Aydındır ki, Təşkilatın prinsiplərinə əks olaraq Cənubi Kipri müstəqil dövlət kimi tanımaq həm də o deməkdir ki, Türkiyəni Kipr adasında təcavüzkar dövlət kimi tanıyırsan. Orta Asiyadakı türdilli ölkələrin bu mövqeyi həm də təşkiatın gələcəyi barədə narahatçılıq yaratmamış deyil. Əlbəttdə, bu vəziyyətdə gözlər Türkiyə və Azərbaycana yönəlib. Lakin rəsmi Bakının təmkinli, TDT-nin prinsiplərinə sadiq mövqe nümayiş etdirməsi təşkilatın gələcəyi üçün nikbin düşünməyə əsas verir. Nəzərə alsaq ki, Cənubi Qafqaz üçün artıq ən mühüm və müəyyəedici iqtisadi, siyasi mövqe ölkəmizə məxsusdur, o zaman Azərbaycanın TDT-dəki söz sahibliyini və təsir imkanlarını təsəvvür etmək çətin deyil.” Namiq Quliyev
