10/08/2020 20:29
728 x 90

Paşinyandan ölkəsinin başını yerə soxan növbəti rüsvayçı açıqlama - bədnam korona liderliyi və 30 faiz ölüm...

Asif İbrahimov: “Dövlətin əhaliyə, biznes subyektlərinə yardım etmək imkanları yoxdur ”

img

Ermənistanda koronavirus pandemiyası yeni-yeni əyalətləri əhatə etməkdədir. Bu ölkə virusa yoluxma sayına görə dünyada lider mövqeyə yüksəlib. Bütün bunların fonunda ölkə rəhbərliyi bəyan edir ki, könüllü özünütəcridə üstünlük verməkdə davam edəcək, təkrar karantin olmayacaq.  

Koronavirusla bağlı vəziyyətin acınacaqlı olmasını bir müddət əvvəl Paşinyan maraqlı statistika ilə izah etmişdi. O bildirmişdi ki, Ermənistan 1 milyon əhaliyə düşən koronavirusa yoluxma hallarının sayına və gündəlik yoluxma sayına görə dünyada ilk yerlərdən birini tutur. Bunun ardınca, koronavirusla bağlı vəziyyətin son izahında Paşinyan daha bir rüsvayçı statistika açıqlayıb. Ermənistan KİV-nin verdiyi məlumata görə, o bildirib ki, Ermənistanda koronavirusa yoluxmuş 650 pasiyentin vəziyyəti ağır və ya həddindən artıq ağırdır: “Hazırda bizim 10,9 min aktiv koronavirus xəstəmiz var. Onlardan 2106-sı xəstəxana şəraitində müalicə olunur. 536-nın vəziyyəti ağır, 117-nin vəziyyəti isə həddən artıq ağırdır. 1730 nəfərə pnevmaniya diaqnozu qoyulub”.

Paşinyan bildirib ki, ötən ilin iyun ayı ilə müqayisədə cari ilin iyununda ölkədə ölüm səviyyəsi 30% artıb:

“Əlbəttə, statistikadakı dəyişiklik tamamilə koronavirusla əlaqəli deyil, ancaq COVİD-19-la bağlı vəziyyətin də bu faktora təsiri var”. Qeyd edək ki, Ermənistanda martın 16-dan iyulun 13-dək fövqəladə vəziyyət elan edilib. Ölkədə koronavirusa yoluxanların sayı 26 mindən çoxdur. 453 nəfər isə dünyasını dəyişib.

Ermənistanda korona ilə bağlı acınacaqlı vəziyyətin Paşinyan tərəfindən izahı nəyi deməyə əsas verir?

Beynəlxalq standartlaşma üzrə ekspert Asif İbrahimov “Bakı-Xəbər”ə açıqlamasında bildirdi ki, Ermənistanın vəziyyətinin niyə belə acınacaqlı olduğunu izah etmək o qədər də dərin analiz tələb etmir:“Məlumdur ki, pandemiya dünya iqtisadiyyatına ciddi ziyan vurub. Hətta dünyanın ən aparıcı ölkələri belə, iqtisadiyyatlarının acınacaqlı vəziyyətə düşdüyündən gileylənirlər. Ermənistanın iqtisadiyyatı pandemiyadan əvvəlki dönəmdə də pis vəziyyətdə idi. Həmin ölkə işğalçı siyasəti səbəbindən özünü təcrid vəziyyətinə salıb. Təbii ehtiyatları o qədər də zəngin olmayan ölkənin həm də bütün regional layihələrdən kənarda qalması onların iqtisadiyyatını dilənçi kökünə salıb. Məhz bunun nəticəsidir ki, Ermənistanın son demoqrafik göstəriciləri də bərbad vəziyyətdə olub. Əhali dözümsüzlük şəraitinə görə ölkəni tərk edib. Bu cür parametrlərə malik olan ölkənin qlobal pandemiya ilə mübarizə aparması mümkün deyil.  Əhali sayına görə regionda ən aşağı yerdə qərarlaşan Ermənistan Qafqaz və Mərkəzi Asiyada koronavirus pandemiyası və xəstəlik sayına görə lider mövqeyə yüksəlib. Lakin epidemioloji vəziyyətin ağırlığına baxmayaraq, məmurlar bildirirlər ki, özünütəcrid rejimini bərpa etmək niyyətində deyillər. Ermənistanda restoranlar, barlar, ticarət mərkəzləri, idman zalları və hovuzlar açıqdır. Yeni qaydalara görə, personal üçün maska taxılması zəruridir və restoranlarda stollar məsafə ilə düzülməlidir. Regionun digər dövlətləri karantin tədbirlərini sərtləşdirsələr də, erməni məmurlar onların yolu ilə getmək fikrində deyillər. Buna məcburdurlar. Yoxsa əhalinin vəziyyəti daha da pisləşər. Dövlətin əhaliyə, biznes subyektlərinə yardım etmək imkanları yoxdur. Paşinyanın vəziyyəti daha dramatik təqdim etməsinin bir səbəbi də təşkilat və ölkələrdən pul dilənmək niyyətinə bağlıdır. Bu adla həm də dünyadakı erməni diasporunun diqqətini ölkəyə maddi yardımlar etməyə yönəldillər”.

Görünən budur ki, pandemiya Ermənistanın vəziyyətinin hansı səviyyədə olduğuna növbəti işığı saldı. Təəssüf ki, bu ölkə vətəndaşlarının güzəranını düşünmür. Buna həvəsləri olsaydı, ən azından, işğal faktorundan əl çəkib özlərini təcriddən qurtarardılar.

Məhəmmədəli QƏRİBLİ

Son xəbərlər