Ailədaxili münaqişələrin bir neçə əsas səbəbi üzərində nəzəri mübahisə başlayıb

Tarix: 05.11.2014 / 06:47
Bölmə: Sosial

Bahar Qafarova: "Ailədaxili münaqişələri hər zaman ünsiyyət vasitəsilə asanlıqla həll etmək olar"

"Güzəştə getməyin ən önəmli xüsusiyyətlərindən biri..."

Son zamanlar ölkədə ailədaxili münaqişələrin sayında artım müşahidə olunur. Bu barədə gündəlik mətbuatda informasiya verilir. Ailədaxili münaqişələrin artması barədə mütəxəssislər müxtəlif fikirlər səsləndirir. Onların fikrincə, ailədaxili münaqişələrin baş verməsinin səbəbi iqtisadi və sosial problemlərlə bağlıdır.
Amma Milli Məclisin hüquq siyasəti və dövlət quruculuğu komitəsinin sədri Əli Hüseynli bu günlərdə məlum mövzu ilə bağlı maraqlı fikir bildirib. Ə.Hüseynli hesab edir ki, Azərbaycanda son dövrlərdə ailə münaqişəsi, məişət zorakılığı və bu kimi cinayətlərin sayının çoxalması sosial-iqtisadi problemlərlə bağlı deyil. Bu məhz hazırda insanlar arasında mövcud olan davranış problemidir: "Bunun səbəbini çalışacağam bir ifadə ilə izah edim. Bu, insanların bir-biri ilə ünsiyyət problemidir. Bu mədəni davranış probleminin içərisində bir çox komponentlər var. Biz siyasi-iqtisadi islahatlar sahəsində çox böyük uğurlar əldə etmişik. Hesab edirəm ki, mədəni davranış prosesində ciddi inqilabi dönüşlərə ehtiyac var. Bundan sonra cəmiyyət sivil həyat tərzinə üstünlük verməlidir. Bütövlükdə, bu proses həm də Azərbaycanın bütün regionlarını bürüməlidir. Bu bizim gündəlik həyat tərzimizə çevrilməlidir. Onda ümumi mədəni davranışda dəyişiklik baş verəcək. Onda insanlar baş verən konflikti silah, bıçaq yolu ilə deyil, daha çox danışıq yolu ilə həll edəcək".
Ə.Hüseynlinin sözlərinə görə, belə məsələlərdə 5-10 il bundan əvvəl hüquq-mühafizə orqanları ittiham edilirdi. Hazırda bu istiqamətdə adıçəkilən orqanlarda kifayət qədər işlər aparılıb. Səbəb, əvvəllər olduğu kimi, hüquq-mühafizə orqanlarına tutulan irad deyil.
Ekspertlər də Ə.Hüseynlinin fikri ilə razılaşır. Onların zənnincə, ailədaxili münaqişələrin baş verməsi davranış mədəniyyətinin olmamasından irəli gəlir.
Məsələ ilə bağlı fikir bildirən psixoloq Bahar Qafarova "Bakı-Xəbər"ə açıqlamasında qeyd etdi ki, problemləri asanlıqla həll etmək həmişə mümkün olmur, xüsusən də ailə daxilində baş verən münaqişələri: "Çünki ailə elə münasibət, ünsiyyət deməkdir. Ünsiyyətsiz, münasibətsiz ailə ailə deyil. Ona görə də problemləri həll etməyin əsasında ilk olaraq danışıq, məsələləri aydınlaşdırma durur. Əsəbləşmədən, heç bir artıq ifadəyə yol vermədən, dava salmadan qarşılıqlı söhbət etmək problemin həllini asanlıqla tapmağa xidmət edir, eyni zamanda, tərəflər arasında mövcud olan etibar hissini möhkəmlədir və gələcək problemlərin qarşısını qismən almış olur.
Ailə daxilində tərəflərin bir-birinə güzəştə getmək bacarığının və istəyinin olması da mühüm amillərdəndir. Bəzən tərəflər problemi gördükləri təqdirdə onun həllinə biganə yanaşır, yaxud da heç kim səhvini dərk etmək istəmir və güzəştə getməkdən çəkinir. Bu da təbii olaraq ailə daxilində mübarizənin daha da şiddətlənməsinə, bəzən isə sayının artmasına zəmin yaradır. Güzəştə getməyin ən önəmli xüsusiyyətlərindən biri qarşı tərəfə səhv etmək imkanını tanımaqdır".
B.Qafarova onu da əlavə etdi ki, bəzən qadın, yaxud kişi həyat yoldaşının hər hərəkətini tənqid etməklə onun dəyişəcəyinə ümid bəsləyir: "Qadınlar, adətən: "sən həmişə beləsən, elə bil məni incitməkdən zövq alırsan", yaxud "niyə belə bacarıqsızsan?" ifadələri işlədir. Kişilər isə: "başqasının arvadı sənin kimi deyil, anam daha yaxşı yemək hazırlayır, layiqincə ev işləri görə bilmirsən", yaxud "dostumun arvadı heç nədən yemək bişirir, sən çox bacarıqsızsan" və bu kimi tənbehedici ifadələrə üstünlük verir. Həyat yoldaşının səylərini nəzərə almamaq, ondan həmişə narazı qalmaq əks tərəfdə sizə qarşı aqressiya yaradır. Tərəflərdən birinin həyat yoldaşını başqaları ilə müqayisə etməyə çalışması, başqalarının həyat tərzindən nümunə gətirməsi ər-arvad arasındakı səmimi münasibəti incikliklə əvəz etməklə yanaşı, onların qəlbində kin-küdurət də yaradır. Əksər hallarda həyat yoldaşını başqa qadınlarla müqayisə edən kişi qadınında qısqanclıq, həsəd və s. bu kimi mənfi emosiyaların yaranmasına səbəb olur. Zaman keçdikcə, bu mənfi emosiyalar üst-üstə yığılaraq ailədaxili münaqişələrə gətirib çıxarır. Bəzi xanımlar ardıcıl olaraq başqalarının dolanışığını nümunə göstərir və özləri də bilmədən həyat yoldaşlarını alçaldır. Bu cür tənqid və müqayisələr nəticədə ailədə səmimiyyətin, qarşılıqlı hörmətin aradan getməsinə səbəb olur".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...