Bəzi Azərbaycan şou-müğənnilərinin ifşa olunmuş daha bir "risovkası"...

Tarix: 04.07.2014 / 01:48
Bölmə: Mədəniyyət

İstirahət mövsümü ilə əlaqədar olaraq artıq şəhər əhlinin bir qismi bölgələrə, bir qismi isə xarici ölkələrə üz tutub. Təbii ki, məşhurlar da bu məsələdə öz fəallığını əsirgəmir. Axı onlar 9 ay "əziyyət" çəkib, xalq üçün "çalışırlar". Məgər 3 ay istirahət etmək onların haqqı deyil? Şou aləmində çalışan şəxslərə yay fəslində müraciət edəndə onların cavabı belə olur: "filan ölkədə istirahətdəyəm".
Şou sənətçilərinin istirahət üçün yollandığı ən yaxın ərazi Türkiyənin Antalya, Bodrum, Çeşmə bölgəsidir. Əksəriyyət şou-biznes nümayəndələri əsasən Avropaya yollandığını bildirir. İspaniya, Almaniya, İtaliya, Yunanıstan, Kipr, Yaponiya, Havay adaları, Malaziya, Braziliya və digər əcnəbi ölkələrdə dincəldiklərini elə-aləmə car çəkirlər. Amma sonra aydın olur ki, müğənnilər hər hansı bir xarici ölkədə deyil, məhz Azərbaycanda istirahət edir.
Tanınmış teleaparıcı Rövşanə Bektaşi bu yaxınlarda bu mövzu ilə bağlı maraqlı açıqlama vermişdi. O bildirib ki, mətbuatdan xalq artistinin hansısa xarici ölkədə istirahət etdiyini oxuyub: "Təsadüfən avtomobillə yol gedərkən xəbərini oxuduğum müğənninin avtomobilinin Bakıətrafı qəsəbədə olan bağ evinin qarşısında dayandığını gördüm. Aparıcısı olduğum verilişin əməkdaşı həmin xalq artistini proqrama dəvət etmək üçün ona zəng etdi. Müğənni cavabında dedi ki, bəs Havay adalarında dincəlirəm. Halbuki, o adam Bakıdakı bağında dincəlir. Adını da qoyurlar ki, guya bunlar xaricdə dincəlir".
Tanınmış müğənni Ramal Əsədzadə "Bakı-Xəbər"ə açıqlamasında belə faktlara tez-tez rast gəldiyini dedi. Onun sözlərinə görə, bəzi müğənnilər özlərini reklam etdirmək məqsədilə yalandan hansısa ölkədə dincəldiyini bildirir: "Yay fəsli başlayan kimi bəzi müğənnilər ya bölgələrimizə üz tutur, ya da Nabrana. Adını da qoyurlar ki, guya onlar xarici ölkədə dincəlir. Mətbuata belə bir açıqlama verməklə özlərini xalqın gözündə aşağı salırlar. Yalandan efirə çıxıb deyirlər ki, Antalya və ya Bodrumda bir ay müddətində istirahət ediblər. Guya oranın tanınmış ərazilərini gəziblər, filan təamları dadıblar. Lap doğru olsa belə, bu düzgün deyil. Xalqın maddi durumu bəllidir. İstirahətə getmək istəyib, lakin maddi durumu buna imkan verməyən ailələr də var. İstər müğənni olsun, istərsə də başqa sahənin nümayəndəsi olsun, açıqlama verərkən əhalinin hər bir kateqoriyasını nəzərə almaq lazımdır".
R.Əsədzadə onu da əlavə etdi ki, bu gün şou-biznes nümayəndələrinin üz tutduğu ölkələr əsasən Türkiyə və Rusiyadır: "Havalar isti keçəndə mətbuat nümayəndəsi həmin müğənniyə hansı ölkədə istirahət etdiniz sualına verəndə müğənni, məsələn, Türkiyənin Bodrum şəhərində dincəldiyini deyir. Amma əslində müğənni ora dincəlməyə deyil, işləməyə gedib. Artıq müqəddəs Ramazan ayındayıq. Toy mövsümü deyil. Bəzi müğənnilər Azərbaycanda Ramazan ayı ilə bağlı toy keçirilmədiyi üçün Rusiyaya gedir. O ölkədə kim nə zaman istəyirsə, o zaman da toy edir. Bizim müğənnilər də həmin ölkələrə iş üçün gedir, qayıdanda deyirlər ki, istiharət edirdilər".
Müğənni onu da əlavə etdi ki, o özü Azərbaycanın gözəl diyarı Quba rayonunda istirahət edib: "Mən bunu danmıram. Bizim gözəl istirahət məkanlarımız var. Hansı ki, o ərazilər əcnəbi ölkələrin istirahət mərkəzlərindən heç də geri qalmır. Orada insanın rahat dincəlməsi üçün hər bir şərait mövcuddur".

DİGƏR XƏBƏRLƏR

Tarix: 14.08.2026 / 14:03

Əfsanədən gerçəkliyə uzanan 5 minillik tarix - Troya

Tarix: 13.08.2026 / 22:41

Macarıstanda Yupiterə həsr olunmuş qurbangah aşkarlandı

Tarix: 13.08.2026 / 18:49

Müharibə aparan ölkələrə "Avroviziya” qadağası - Təşkilatçılar qərar verdi...

Tarix: 13.08.2026 / 16:00

Məşhur rejissorların teatr premyeraları və əfsanəvi tamaşaları Bakı Beynəlxalq İncəsənət Festivalında nümayiş olunacaq

Tarix: 11.08.2026 / 12:34

Pianonun düymələrində saxlanmış bir Vətən: Züleyxa Abdullayevanın səsi insanlara bu cür çatır

Tarix: 10.08.2026 / 12:48

Yunus Oğuz – Tarixi romanın müasir nəfəsi

Tarix: 09.08.2026 / 11:50

50 illik yubileyidir, yoxsa bu da yeni zarafatıdır...

Tarix: 07.08.2026 / 12:34

Türkiyənin UNESCO-nun Dünya İrsinin İlkin Siyahısına daxil edilən unikal tarixi abidəsi - Kadıkalesi

Tarix: 06.08.2026 / 22:08

Azərbaycan Mədəniyyəti sosial platforması Yayfest-də uğurla çıxış edib...

Tarix: 05.08.2026 / 20:10

Rayon teatrlarında direktorlar və müavinlər seçilir, ya təyin edilir...

Tarix: 05.08.2026 / 14:15

Musiqi terapevti soydaşımızdan Türkiyədə unudulmaz sənət gecəsi...

Tarix: 04.08.2026 / 20:47

Xarici sərmayiçilər kinomuza 12 milyon dolları necə yatırıb?...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.08.2026 / 21:44

Ərdoğan “Məkkə sazişi”nin arxasındakı sirri açdı - Ekspertlər şübhə ilə baxır...

Tarix: 13.08.2026 / 20:16

Avropa Birliyinin Naxçıvan dəmir yollarında marağının görünən və görünməyən tərəfləri...

Tarix: 13.08.2026 / 15:30

İrəvanda Azərbaycan təbii qazına qarşı ikitərəfli kampaniya başladı...

Azərbaycanda vətəndaş cəmiyyətinin inkişafında rəqəmsallaşma və innovasiyalar ön plana çıxır