Teatr xadimlərinin qurultayının qalmaqalı hələ səngiməyib

Tarix: 02.07.2014 / 02:15
Bölmə: Mədəniyyət

Əli Nur: "Teatr Xadimləri İttifaqı bütün aktyorları və rejissorları oraya dəvət etməli idi"

Firəngiz Mütəllimova: "Azər Paşa müəllimdən teatr işçilərinə qayğı, diqqət, məhəbbət gözləyirəm"

Məlum olduğu kimi, ötən ay Teatr Xadimləri İttifaqının qalmaqallı qurultayı keçirilib. Akademik Milli Dram Teatrın yaradıcı heyəti teatrın direktoru İsrafil İsrafilovun iclasını boykot edib. İclasın baykot edilməsi Teatr Xadimləri İttifaqının qurultayında iştirakla bağlı olub. Etiraz edən aktyorlar bəyan edib ki, bu ilin may ayının sonunda İttifaqdan teatra qurultayla əlaqədar məktub daxil olub:
"Məktubda iyunun 15-nə kimi teatrda bununla bağlı iclasın keçirilməsi və qurultay üçün nümayəndələrin təsdiq olunması göstərilib. Baykotun əsas səbəbi də qurultaya seçiləcək nümayəndələrin kimliyi olub. Qurultaya elə nümayəndələr seçilib ki, onlar 20 ildir Akademik Milli Dram Teatra gəlmir. Məqsəd Azər Paşa Nemətovun yenidən saxta yolla Teatr Xadimləri İttifaqına sədr seçilməsidir. Akademik Milli Dram Teatrın yaradıcı heyəti isə bu saxtakarlıqla barışmır. Ona görə də teatrın yaradıcı heyəti İttifaqın bu qurultayında iştirakdan birdəfəlik olaraq imtina qərarını verib".
Teatr Xadimləri İttifaqının yaradıcılıq şöbəsinin müdiri Çingiz Ələsgərli məlum məsələ ilə bağlı bildirib ki, Teatr Xadimləri İttifaqının bütün üzvləri qurultayda iştirak etməli deyildi: "Öncədən nümayəndələrimiz olan təşkilatlara rəsmi məktublar göndərib, nizamnaməyə əsasən, on nəfərdən bir nəfəri seçmişik, yəni 700 adamdırsa, onun haradasa 70-80-i qurultayda nümayəndə kimi iştirak edib. Qurultayın qapalı keçirilməsi nizamnaməyə əsasən olub. Konfransda, həmçinin, mədəniyyət və turizm naziri Əbülfəs Qarayev, digər dövlət və hökumət nümayəndələri, xarici ölkələrdən gəlmiş qonaqlar, tanınmış elm və mədəniyyət xadimləri iştirak edib. Boykota gəlincə, o nümayəndələri axı biz İttifaq olaraq seçmirik. Onlar özləri özlərini seçiblər. Nəyi boykot edirlər? Onlara kim nəyisə qadağa edib? Nümayəndənin seçilməsi kollektivdə olan hörmət və nüfuzdan asılıdır. Mən konkret heç kimin adını çəkmək istəmirəm. Seçim təşkilatın özündə azad qaydada keçirilib".
Onun sözlərinə görə, sədrlik üçün alternativ namizəd qeydə alınmayıb: "Azər Paşa Nemətov böyük səs çoxluğu ilə yenidən İttifaqa sədr seçildi. Onun gördüyü işlər göz qabağındadır. Milli teatr prosesində fəal iştirak edən İttifaq onun rəhbərliyi altında tarixi ənənəsinə sadiq qalaraq, bu gün də mütəmadi şəkildə yaradıcılıq gecələri, görüşlər, xatirə gecələri, müsabiqələr, konfranslar, seminarlar, ustad dərsləri, brifinqlər, mətbuat konfransları və təqdimat mərasimləri keçirir. Kitab nəşr edir, yeni yaradıcılıq başlanğıclarına təkan verərək, gənc istedadların öz yaradıcılıq potensialını nümayiş etdirməsinə imkan yaradır. İttifaqın keçirdiyi teatr festivalları, Yaradıcı Gənclər Laboratoriyası və "Zəfər" teatr studiyasında gənc sənətçilərin iştirakı, bir çox tamaşaların səhnələşdirilməsi buna misaldır".
Akademik Milli Dram Teatrının aktyoru, tanınmış aktyor Anar Heybətov qurultaya dəvət olunduğunu, amma orada iştirak edə bilmədiyini dilə gətirdi: "Budəfəki qurultaya dəvət olundum, amma ailəmdə hüzr mərasimi düşdüyü üçün qatıla bilmədim. Azər Paşa müəllimi təbrik edirəm, ona işlərində uğurlar arzulayıram".
Akademik Milli Dram Teatrının aktyoru, əməkdar artist Əli Nur qurultayın gedişindən narazı olduğunu bildirdi: "Seçim rəsmi şəkildə olmalıdır. Teatr Xadimləri İttifaqı bütün aktyorları və rejissorları oraya dəvət etməli idi, iclas keçirilərdi, protokol bağlanardı, səsə qoyulardı, hamı səs verərdi. Yəni səsvermə yolu ilə seçilərdi. O gün qurultayı boykot etdik. Bilirsiniz, Teatr Xadimləri İttifaqı Akademik Milli Teatrın nəzdində yaranıb. Ora aktyorların evi sayılır. Aktyorların bütün problemləri orada həll olunmalıdır. Qurultay keçiriləndə hamı iştirak etməli, hərə öz fikrini deməli və münasibətini bildirməli idi".
Akademik Milli Dram Teatrının aktrisası, xalq artisti Firəngiz Mütəllimova İttifaqın üzvü olmadığı üçün qurultayda iştirak edə bilmədiyini dedi. O, "Bakı-Xəbər"ə açıqlamasında yeni sədrdən teatr işçilərinə qayğı, diqqət, məhəbbət gözlədiyini dilə gətirdi: "Azər Paşa Nemətov hörmət etdiyim sənət dostum, rejissor, Teatr Xadimləri İttifaqının Həsən Turabovdan sonra sədridir. Şad oldum ki, yenə o seçildi. Amma bunun fərqi yoxdur, çünki bütün tədbirlərinə dəvət edirlər, mən də sevə-sevə iştirak edirəm. Bundan sonra da Azər Paşa müəllimdən teatr işçilərinə qayğı, diqqət, məhəbbət gözləyirəm".

DİGƏR XƏBƏRLƏR

Tarix: 10.10.2026 / 17:17

Mollanəsrəddin lətifələrində memarlıq cizgiləri...

Tarix: 10.10.2026 / 11:07

Yazıçılar Birliyi üzvlük haqqını ödəməyənlərə növbəti dəfə xəbərdarlıq etdi - məsuliyyətli davransınlar...

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...