Brilliant Dadaşovanın ABŞ-da ermənilərdən iri məbləğdə mükafat alması top-tüfəngə tutuldu

Tarix: 06.06.2014 / 04:56
Bölmə: Mədəniyyət

Əli Mirəliyev: "Təşkilatçılar əvvəlcədən Brilliant Dadaşovaya şirkətin təsisçisinin erməni olduğunu deməli idilər"

Zöhrə Əliyeva: "Brilliant Dadaşovanı həmin müsabiqəyə Mədəniyyət və Turizm Nazirliyi göndərməyib"

Bu günlərdə xalq artisti Brilliant Dadaşova Amerikada mötəbər bir mükafata layiq görülüb. Məlumat üçün qeyd edək ki, xalq artistinə "Big Apple Worlds Award" mükafatı verilib. Mükafatla yanaşı, xalq artistinə 30 min dollar da verilib. Bundan başqa, B.Dadaşovaya "Mercedes" markalı avtomobil də hədiyyə olunub.
Yayılan məlumatlara görə, "Big Apple Worlds Award" mükafatını mənfur düşmənimiz olan ermənilər təsis edib. B.Dadaşova ona təqdim olunan hədiyyələri və mükafatı ermənilərdən alıb. Araşdırma zamanı məlum olub ki, "Big Apple Worlds Award" Fondunun Direktorlar Şurasında da hazırda erməni millətindən olan şəxslər təmsil olunur.
Həmin şəxslər bunlardır - Hakop Boyadjian, Edouard Nazarian, Sergey Hakopyan.
Qeyd edək ki, mükafatın təsisçiləri barədə məlumatlar fondun rəsmi internet səhifəsində də əks olunub. Adıçəkilən şəxslərin Amerika erməniləri cəmiyyətində təmsil olunduqları bildirilir. Onu da qeyd edək ki, B.Dadaşova ilə yanaşı, bu mükafatı İlhamə Qasımova da alıb.
Xalq artisti Brilliant Dadaşova aldığı mükafatın erməni tərəfindən ona verilməsinə belə cavab verib: "Bunu ilk dəfə sizdən eşidirəm. Birincisi, ermənilər hər yerdə var. Məni Amerika dəvət edib. Nə etməliyəm? Genlərini yoxlamalıyam? Məni həmin mükafata təşkilatçı Zarina Usubova adlı xanım dəvət etmişdi. Bir də bu məsələdə nəsə problem görmürəm. Bilirdim ki, bu mükafata bir mız qoyacaqlar. Bu əslində bizim musiqimizin uğurudur. Baxın, ermənilər bizim musiqini qiymətləndirir. Məncə, burada qəbahət bir iş yoxdur. Qaldı ki, ermənilərin mənə mükafat verməsinə, onların rəhbərlərinin erməni olmasından bixəbərəm".
Qeyd edək ki, B.Dadaşova "Big Apple Music Awards" mükafatı ilə "Dünya musiqisinə verdiyi töhfələrə" görə təltif olunub.
Xalq artistini nməlum mükafatı ölkə ictimaiyyəti tərəfindən birmənalı qəbul olunmur. Tanınmış siyasətçilər, ziyalılar xalq artistinin mükafatı ermənidən almasını Azərbaycan adına xəyanət kimi qəbul edirlər. Onların fikrincə, Brilliant Dadaşova Azərbaycanın xalq artistidir. Xanım müğənni dəfələrlə vətənpərvərlikdən, Qarabağda şəhid olan əsgərlərdən danışır. Amma sonra ermənidən mükafat alır. Bu düzgün addım deyil.
Mədəniyyət və Turizm Nazirliyi xalq artisti Brilliant Dadaşovanın ermənilər tərəfindən mükafata layiq görülməsi ilə bağlı məsələyə münasibət bildirib. Nazirliyin mətbuat xidmətinin rəhbəri Zöhrə Əliyeva mətbuata açıqlamasında bildirib ki, xalq artistinin Amerika Birləşmiş Ştatlarında "Big Apple Music Awards" mükafatının təqdimat mərasiminə getdiyindən xəbərsiz olublar: "Brilliant Dadaşovanı həmin müsabiqəyə Mədəniyyət və Turizm Nazirliyi göndərməyib. Mən nazirliyin müvafiq şöbəsi ilə də danışdım, bizim nazirliyin o təşkilatla hər hansı bir münasibəti olmayıb".
Z.Əliyeva B.Dadaşovanın mükafat olaraq maşın və pul almadığını dedi: "Brilliant Dadaşovanın mətbuat katibi bildirdi ki, xalq artistinə yalnız yolpulu ödənilib, ona nə maşın, nə də pul verilməyib".
Z.Əliyeva bununla bağlı fotoya dair suala da cavab verib: "Siz heç kiminsə maşınının qarşısında dayanıb şəkil çəkdirməmisiniz? Brilliant xanım da şəkil çəkdirib. Bu maşının mükafat olaraq verildiyini haradan bilirlər?"
Böyük Quruluş Partiyasının sədri, millət vəkili Fazil Mustafa "Bakı-Xəbər"ə açıqlamasında qeyd etdi ki, beynəlxalq tədbirlərdə erməninin azərbaycanlı sənətçiyə mükafat verməsi Azərbaycanın uğurudur: "Çünki xalq artisti Azərbaycan musiqisini dünyaya tanıtdırdığı üçün mötəbər bir mükafata layiq görülüb. Bu mükafatı ona erməni verib. Erməninin azərbaycanlı sənətçiyə mükafat verməsi onun üçün ağırdır. Amma azərbaycanlı müğənni üçün başucalığıdır ki, ölkəsinin, millətinin adını qaldırır".
Azadlıq Partiyasının sədri Əhməd Oruc qəzetimizə açıqlamasında bildirdi ki, beynəlxalq tədbirlərdə azərbaycanlı sənətçilərin ermənilərlə eyni səhnəni bölüşməsi və ya ermənidən mükafat alması milli ruhu öldürür. Belə olan halda gəncləri Qarabağda döyüşə necə aparmaq olar?
Tanınmış müğənni Əli Mirəliyev bizimlə söhbətində qeyd etdi ki, o, xalq artistinin məlum mükafat almasından xəbərdardır. Müğənninin sözlərinə görə, B.Dadaşova Azərbaycan musiqisini dünyada təbliğ etdiyi üçün mükafata layiq görülüb: "Təəssüflər olsun ki, həmin mükafatı ona erməni verib.
Bu işi təşkil edənlər gərək əvvəlcədən Brilliant Dadaşovaya şirkətin təsisçisinin erməni olduğunu deməli idilər. Müğənni də sevinə-sevinə gedib mükafatını alıb gəlir. Və sonra öyrənir ki, bəs bu mükafatın təsisçisi sən demə erməni imiş. İndi o nə mükafatı geri qaytara bilər, nə də qarşı çıxa bilər. Bilsə idi ki, mükafatın təsisçisi ermənidir, bax, onda onu necə lazımdısa ittiham etmək olardı. Amma o da bundan xəbərsiz olduğunu deyir".

DİGƏR XƏBƏRLƏR

Tarix: 10.10.2026 / 17:17

Mollanəsrəddin lətifələrində memarlıq cizgiləri...

Tarix: 10.10.2026 / 11:07

Yazıçılar Birliyi üzvlük haqqını ödəməyənlərə növbəti dəfə xəbərdarlıq etdi - məsuliyyətli davransınlar...

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...