19/09/2020 02:56
728 x 90

Məktəblərdə kütləviliyin və təmas hallarının qarşısının alınması üçün yeni təkliflər verildi...

I, V, IX siniflər üçün həftədə üç, X və XI siniflər üçün dərslər tam onlayn qaydada keçirilsin, bir dərs 35 dəqiqə, tənəffüs müddəti isə 10 dəqiqə olsun...

img

Məktəblərə tədrisin təşkili ilə bağlı Təhsil Nazirliyi tərəfindən heç bir təlimat verilməyib. Bunu Trendə Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

Onun sözlərinə görə, bəzi ictimaiyyət nümayəndələri tərəfindən nazirliyə tədrisin təşkili və məktəblər açılacağı təqdirdə fəaliyyətin təşkili ilə bağlı təkliflər daxil olub.

Bu təkliflərin nazirliyə daxil olmasını ictimaiyyətlə qurulan əks əlaqə mexanizmi kimi dəyərləndirən C.Valehov bildirib ki, məktəblərin hansı formada açılacağı bəlli deyil. Hazırda bununla bağlı müzakirələr aparılır, təkliflər qiymətləndirilir.

Qeyd edək ki, həmin təkliflər də açıqlanıb. Burada orta məktəblərin I, V, IX sinifləri üçün həftədə üç dəfə, ara siniflər üçün həftədə iki dəfə tədrisi nəzərdə tutan cədvəllər hazırlanması, X və XI siniflərdə tədris tam onlayn qaydada təşkil edilməsi təklif olunur. Təkliflərə əsasən, tədris planlarında dərnəklər və fakültətivlərə saat ayrılmasın. Baza və praktiki fənlər (tədris dili, xarici dil, riyaziyyat, kimya, fizika) əyani, digər fənlər onlayn-məsafədən tədris edilsin (qarışıq tədris modeli). Fiziki tərbiyə və həyat bilgisi dərsləri mütləq keçirilsin və həmin dərslərə pandemiya və sağlamlığın qorunması ilə bağlı aktual olan mövzu və idman hərəkətləri daxil edilsin. Bu fənlər, xüsusilə fiziki tərbiyə dərsi əlavə dərs cədvəli müəyyən olunaraq tədris oluna bilər.

Tədris həftəsi müddətində hər məktəbdə bir həkim və ya tibb bacısının olması təmin olunsun. Xəstəliyə yoluxmuş şagirdlərin təhsili məktəblər tərəfindən məsafədən təşkil olunsun.

Kütləviliyin və təmas hallarının qarşısının alınması məqsədilə şagirdlərin məktəb binasına müxtəlif qapılardan daxil olmasının təmin edilməsi üçün mövcud olan bütün giriş qapılarından istifadə qaydaları (fərqli siniflər və fərqli otaqlar) müəyyən edilsin. Məktəb binalarının qarşısında sosial məsafəni gözləmək üçün nişanlayıcı xətlər çəkilsin. Şagirdlərə dərslik komplektləri xüsusi bağlamalarda verilsin. Lazımi elektron avadanlığı olmayan (onlayn dərslər üçün) müəllim və şagirdlər üçün bunlar təmin olunsun.

Məktəb heyəti müvafiq qoruyucu vasitələrlə (lazım olduqda xüsusi geyim, əlcək, üz sipəri, tibbi maska, dezinfeksiya vasitələri) təmin olunsun. Bədən hərarəti yüksək olan şagirdlər məktəbdəki həkimin rəyinə uyğun olaraq məktəbə buraxılmasın. Qapıda termometr və dezinfeksiya aparatı qoyulsun, hər kəs ondan məcburi istifadə etsin.

Təkliflərsdə bu da qeyd edilib ki, məktəblərdə davamiyyət məcburi olmasın. Bir dərs 35 dəqiqə, tənəffüs müddəti isə 10 dəqiqə müəyyən edilsin.

Bir gün ərzində maksimum beş dərs (əyani və ya onlayn) müəyyənləşdirilsin. Onlayn dərslərin uçotu aparılsın. Bununla bağlı qanunverici bazaya müvəqqəti əlavə edilsin.

Təklifləərdə, həmçinin, məktəblərdə davamiyyətin məcburi olmaması, dərs vaxtının 35 dəqiqə, tənəffüs müddətinin isə 10 dəqiqə müəyyən edilməsi nəzərdə tutulur.

Həmçinin qeyd edilir ki, kütləviliyin və təmas hallarının qarşısının alınması məqsədilə şagirdlərin məktəb binasına müxtəlif qapılardan daxil olmasının təmin edilməsi üçün mövcud olan bütün giriş qapılarından istifadə qaydaları (fərqli siniflər və fərqli otaqlar) müəyyən edilsin. Məktəb binalarının qarşısında sosial məsafəni gözləmək üçün nişanlayıcı xətlər çəkilsin. Şagirdlərə dərslik komplektləri xüsusi bağlamalarda verilsin. Lazımi elektron avadanlığı olmayan (onlayn dərslər üçün) müəllim və şagirdlər üçün bunlar təmin olunsun.

Məktəb heyəti müvafiq qoruyucu vasitələrlə (lazım olduqda xüsusi geyim, əlcək, üz sipəri, tibbi maska, dezinfeksiya vasitələri) təmin olunsun. Bədən hərarəti yüksək olan şagirdlər məktəbdəki həkimin rəyinə uyğun olaraq məktəbə buraxılmasın. Qapıda termometr və dezinfeksiya aparatı qoyulsun, hər kəs ondan məcburi istifadə etsin.

Son xəbərlər