Bakının çirkab sular kollektorunun müasir tələbatı ödəmədiyi bir daha üzə çıxdı

Tarix: 04.11.2014 / 03:12
Bölmə: Sosial

Anar Cəbrayıllı: "Dünəndən etibarən Xocahəsən-Binəqədi-Xırdalan və Dərnəgül-Qaraçuxur-Zığ-Hövsan kollektorlarının inşasına başlanıb"

"Audi Centre": "Ola bilsin ki, bina tikilən zaman hər hansı bir problem yaşansın"

Əlizadə Nəsirov: "Çalışacağıq ki, bu kimi xoşagəlməz olaylar bir daha yaşanmasın"

Qara Qarakişiyev: "Bu günlərdə biz əlaqədar qurumlar qarşısında kollektorun yenidən təmizlənməsi ilə bağlı məsələ qaldıracağıq"

Srağagün axşamdan başlayan yağış kiməsə romantik hisslər yaşatdısa, bir çoxlarının heç də ürəyincə olmadı. Noyabrın 2-si paytaxta yağan yağış nəticəsində Nizami rayonunun Keşlə, Binəqədi rayonunun Xocahəsən qəsəbələri fəlakətlə üz-üzə qalıb. Adıçəkilən ünvanlarda tikilən evləri su basıb, həyətlər, mənzillərin içərisi gölə çevrilib.
Жurnalist Məhəmmədəli Qəribli öz "Facebook" səhifəsində məlum olayla bağlı qeyd edib ki, Nizami Rayon İcra Hakimiyyəti bu problemə biganə yanaşır:
"Mənim atamgilin evi burdadır. Gecə saat 3-dən sonra bu vəziyyətdir. Yerli icra nümayəndəsindən başqa heç kim sakinlərin problemi ilə maraqlanmır. Sakinlər problemin yaranmasına başlıca səbəb kimi "Audi Centre"in kollektorun üzərində özünə ofis tikməsini göstərir. Жurnalistlərdən xahiş edirəm ki, bu məsələni işıqlandırsınlar. Nizami Rayon İcra Hakimiyyəti bu məsələyə çox biganə yanaşır".
Adıçəkilən ünvanda yaşayan sakinlərin verdiyi məlumata görə,
evlərə su dolmasının səbəbi mərkəzi kollektorun normal işləməməsidir: "Kollektorun Babək prospektindən keçən ərazisində "Audi Centre" özünə maşın satışı ofisi tikdi. Bundan sonra qara günlərimiz başladı. Keçən il də belə vəziyyət oldu, kollektorlara baxan idarədən gəlib dedilər ki, kollektor suyu çəkmir. "Azərsu" isə heç bir tədbir görmədi. İndi də həmin vəziyyətdir. Rayon kanalizasiya idarəsindən balaca bir nasosla gəliblər. Bununla nə etmək olar ki? Biz kollektorlar idarəsinin rəisi Əlizadəyə də zəng etdik. Deyir ki, gecənin bu vaxtı məni narahat etməyin. Axı bu dərəcədə haqsızlıq olmaz. Bütün əmlakımız məhv olur. Keçən il dəyən ziyanı ancaq aradan qaldırmışdıq. Niyə "Audi Centre"in pul qazanması səbəbindən biz belə vəziyyətə düşməliyik? Xahiş edirik bizim səsimizi ölkə başçısı İlham Əliyevə çatdırasınız".
"Azərsu" Açıq Səhmdar Cəmiyyətinin mətbuat katibi Anar Cəbrayıllı məsələ ilə bağlı qəzetimizə açıqlamasında bildirdi ki, Bakı Sukanal İdarəsi və Nizami Sukanal İdarəsinin rəhbərliyi də daxil olmaqla, "Azərsu" ASC-nin əməkdaşları Keşlə qəsəbəsində işləyir: "2 ədəd xüsusi texnika və 2 ədəd pompa ilə ərazidən su çəkilərək kollektora ötürülüb. Onu da deyim ki, dünən Xırdalan, Masazır, Binəqədi, hətta Bakıxanov qəsəbəsinin tullantı və yağış suları Keşlədən keçən kollektorla Hövsana yönəldilib. Tullantı və yağış sularının operativ idarə edilməsi, tam zərərsizləşdirilərək kənarlaşdırılması məqsədilə, Master Plana uyğun olaraq, dünən Xocahəsən-Binəqədi-Xırdalan və Dərnəgül-Qaraçuxur-Zığ-Hövsan kollektorlarının inşasına başlanıb.
Gələcəkdə dediyim ərazilərdə yaranan çirkab və yağış suları bu kollektorlara yönəldiləcək və hazırda müşahidə olunan problemlər köklü həllini tapacaq".
"Audi Centre"nin baş meneceri "Bakı-Xəbər"ə açıqlamasında qeyd etdi ki, şirkət Keşlə qəsəbəsində olan evlərə yağış sularının dolmasından xəbərdardır: "Bildirilir ki, guya kollektorun üzərində "Audi Centre" inşa edildiyi üçün yağış suları evlərə dolur. Ola bilsin ki, bina tikilən zaman hər hansı bir problem yaşansın. Nəzərinizə çatdırım ki, biz bu binanı icarəyə götürmüşük. Kimdən götürməyimiz isə kommersiya sirri olduğu üçün deyə bilməyəcəm".
Bakı Sukanal İdarəsinin rəhbəri Əlizadə Nəsirov "Bakı-Xəbər"ə açıqlamasında qeyd etdi ki, yaranmış vəziyyətlə bağlı Keşlə qəsəbəsində iş gedir: "Dünən səhər saat 07:30-dan etibarən idarənin işçiləri evlərə və həyətlərə dolan suları təmizləməklə məşğuldur.
Almaniyadan gətirilən xüsusi maşınlarla kollektor təmizlənəcək. Düzdür, "Audi Centre" avtomobil şirkəti kollektora yaxın ərazidə tikilib. Yağış səngiyəndən sonra yenidən kollektorun təmizlənməsi istiqamətində işlərimizi davam etdirəcəyik. Çalışacağıq ki, bu kimi xoşagəlməz olaylar bir daha yaşanmasın. Ancaq elə məsələlər var ki, biz onun qarşısında acizik".
Nizami Rayon Keşlə qəsəbəsinin icra nümayəndəsi Qara Qarakişiyev qəzetimizə açıqlamasında bildirdi ki, hadisə baş verən andan etibarən həmin ərazidə olub. Təbii fəlakətin nəticələrinin aradan qaldırılması istiqamətində lazımi işlər görülür: "Yağış doğrudan da çox yağıb. Verilən rəsmi məlumatlarda qeyd olunur ki, gecə yağan yağış aylıq normaya bərabər olub. Yəqin ki, bu günlərdə biz əlaqədar qurumlar qarşısında kollektorun yenidən təmizlənməsi ilə bağlı məsələ qaldıracağıq".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...