Marşrut avtobuslarının Bakıda daha bir təhlükəli hərəkəti öz həllini gözləyir

Tarix: 03.11.2014 / 02:08
Bölmə: Sosial

Azər Allahverənov: "Bu məsələdə sürücülər məsuliyyətə cəlb edilməklə yanaşı, sərnişin dolu avtobusu qəbul edən..."

"İctimai qınağın olmaması da müəyyən rol oynayır"

Sərnişinlə dolu avtobusun yanacaqdoldurma mənətəqəsinə daxil olması yolverilməz olsa da, faktiki olaraq sürücülər buna əməl etmir. Baxmayaraq ki, avtobus sürücüsü ilk növbədə sərnişinin təhlükəsiz, daha sonra rahat mənzil başına çatmasına cavabdehdir.
Ancaq yanacaqdoldurma məntəqəsinə içərisində sərnişin dolu avtobus daxil olur. Özü də adi hal alıb. Bunu sərnişinlər də təsdiqləyir.
Bakı Şəhər Baş Dövlət Yol Polisi İdarəsinin ictimaiyyətlə əlaqələr şöbəsinin rəhbəri Vaqif Əsədovun mətbuata verdiyi açıqlamasına görə, il ərzində bu cür 30 fakt aşkarlanıb: "Həmin sürücülər də məsuliyyətə cəlb olunub. Avtobus və yaxud da nəqliyyat vasitəsi əvvəlcədən xüsusi yaradılmış yer üzrə yanacaqla təmin edilməli, ondan sonra təyin edilmiş xətt üzrə hərəkət etməlidir. Əks halda sərnişinlərlə dolu nəqliyyat vasitəsinin yanacaqdoldurma məntəqəsinə daxil olub yanacaq götürməsi bu sürücünün məsuliyyətə cəlb edilməsi deməkdir".
Müşahidələr göstərir ki, belə hallar azalmaq bilmir. Bunu xüsusilə mərkəzdən Bakıətrafı qəsəbələrə işləyən avtobuslarda daha çox görmək mümkündür. Qanun qadağan etsə də, aidiyyəti qurumlar mübarizə apardıqlarını desələr də, nədənsə, sürücülər özlərinin və sərnişinlərin həyatını belə formada təhlükəyə atmaqda davam edir. Bədbəxt hadisə baş verməmək şərti ilə buna yol verən sürücülər barəsində 3 bal və 60 manat məbləğində cərimə nəzərdə tutulur. Ancaq bütün bunlar hələ də istənilən nəticəni verməyib. Sərnişinlə dolu avtobusun yanacaqdoldurma mənətəqəsinə daxil olmasına yenə rast gəlinir və dəfələrlə bu məsələ gündəmə gətrilsə də, istənilən nəticə yoxdur.
Məsələyə münasibət bildirən ekspert Azər Allahverənovun fikrincə, bu cür hadisələrin baş verməsində təkcə sürücü məsuliyyətsizliyi deyil, ictimai qınağın olmaması da müəyyən rol oynayır: "Avtobus sürücüsü yanacaqdoldurma məntəqəsinə daxil olursa, sərnişinlər dərhal öz etirazlarını bildirməlidilər. Yaxud da qaynar xəttə zəng və ya yaxınlıqda olan dövlət yol polisinə müraciət etsinlər. Burada yanacaqdoldurma məntəqəsinin də üzərinə müəyyən məsuliyyət düşür. Ona görə də bu məsələdə sürücülər məsuliyyətə cəlb edilməklə yanaşı, sərnişin dolu avtobusu qəbul edən yanacaqdoldurma məntəqəsinin rəhbərliyi də cərimə edilməlidir. Müəyyən edilməlidir ki, yanacaqdoldurma məntəqəsi konkret olaraq hansı şirkətə məxsusdur və həmin yanacaqdoldurma məntəqələrinin rəhbərləri qarşısında bu məsələni qaldırmaq lazımdır.
Onlar da öz işçilərindən tələb etməlidir ki, yanacaqdoldurma məntəqəsinə sərnişinlə dolu hər hansı bir avtobus daxil olarsa, ona xidmət göstərilməməlidir. Bütün növ ictimai nəqliyyat vasitələrinin sərnişinlə dolu vəziyyətdə yanacaqdoldurma məntəqəsinə daxil olması qanunla qadağandır. İctimai nəqliyyat vasitələri ən son vəziyyətdə sərnişinləri boşaldıb, yanacaqdoldurma məntəqəsinə daxil ola bilər".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...