Mühafizəkar xristianların belə rədd etdiyi "Cadugərlər bayramı" Bakının bəzi gecə klubu və barlarında da qeyd olunub

Tarix: 03.11.2014 / 08:07
Bölmə: Sosial

Bayram qeyd etmək, bayram ovqatına köklənmək çox yaxşı haldır. Bayram olanda insan könlünə sevinc, şadlıq hakim kəsilir. Bayramı bayram kimi yaşamaq lazımdır. Amma bəzi yabançı törənlər var ki, ona bayram libası geydirib cəmiyyətə təqdim etmək istəyirlər. Qandan-qadadan, terrordan, qorxudan qaynaqlanan törənə bayram demək olmaz.
Xristian aləmində geniş yayılan "Cadugərlər bayramı" dediklərimizə aiddir. XIX əsrdən başlayaraq hər il 31 oktyabrda qeyd edilən "Cadugərlər bayramı" (Halloween), təəssüf ki, Azərbaycana da əllərini uzadır. Dünyanın bir çox xristian dövlətində lənətlənən və qadağan edilən bu törən müxtəlif sektalar tərəfindən təbliğ edilir. Bu günün iblisə sitayiş edənlərin günü olduğu bəllidir və acınacaqlı hal ondan ibarətdir ki, bura kütləvi olaraq gənclər cəlb edilir. Bir neçə gün əvvəl Bakı metrostansiyalarında qorxunc maska taxan bir neçə gənc gördük. Əvvəlcə elə düşündük ki, onlar aktyorlardır və tamaşadan gəlirlər. Ancaq araşdırma nəticəsində bəlli oldu ki, bu gənclər aktyorlar deyilmiş, "Cadugərlər bayramı"na qatılmağa gedən gənclər imiş. Həmin gün oktyabrın 31-i idi. "Cadugərlər bayramı"nda insanlar qorxunc kostyumlar geyir, dəhşət doğuran aksesuarlar taxır, özlərini "cəhənnəmdən gəlmiş" iblis görkəminə salırlar.
Məlumatımıza görə, "Cadugərlər törəni" Bakının bəzi gecə bar və klublarında gənclərin iştirakı ilə keçirilib. Gənclərimizin yad təsirlərə uyub belə bir törənə maraq göstərməsi həqiqətən də ürək ağrıdan bir faktdır. Uca Yaradan da, müqəddəs Quran da, dinimiz də iblisi, şeytanı lənətləyir, onlara sitayiş edənləri cəhənnəm əzabı gözlədiyini bəyan edir. İnsanlar bunu bilir, amma yenə də şeytana uyub iblisə sitayişdən yan qaçmır.
Bir məsələni də təəssüflə qeyd etmək istəyirik ki, bir sıra sosial şəbəkələrdə, o cümlədən də "facevook"da Bakıda keçirilən "Cadugərlər törəni"ndən şəkillər yayılıb. Əslində, bu böyük bir təbliğatdır. Bu işi məqsədli şəkildə görənlər gəncləri bayram keçirmək adı ilə ovsunlayıb öz sıralarına cəlb etmək istəyirlər. Müsəlman dünyasının və xristian aləminin kəskin şəkildə rədd etdiyi bu törənin belə coşqu ilə qeyd edilməsi yaxşı hal deyil.

"Cadugərlər bayramı" - "Hallowen" nədir?

Bu törənlə bağlı internetdə axtarış verib onun mahiyyətini öyrənməyə çalışdıq. Nəinki xarici saytlarda, hətta Azərbaycan saytlarında belə, bu günün əsl mahiyyətindən deyil, xoşməramlı törən olduğundan danışılır.
Xristian dünyasında "Hallowen" - yəni "Cadugərlər bayramı"nın simvolu gülən bir balqabaqdır; bunun üçün də bir balqabağın içi boşaldılaraq gülən bir sifət şəklində oyulduqdan sonra içində bir şam yandırılaraq şeytani bir sifət göstərilməyə çalışılır. Uşaqlar qorxunc paltarlar geyərək qapı-qapı gəzir və şəkər toplayır(?).
Bu bayramı bütün xristianlar qeyd etmirlər. Belə ki, mühafizəkar (katolik) xristianlar ümumiyyətlə "Cadugərlər bayramı"nı qeyd etməzlər və bunun səhv olduğunu düşünərlər.
Qədimdə xalq "Cadugərlər bayramı" ("Hallowen") olaraq bilinən bu bayramın 31 oktyabr tarixində yaşayanlar və ölülər dünyası arasında bir keçid yaratdığına inanırdı. Ölülər pis niyyətli və təhlükəli qəbul edilirdi. Yaşanılan problemlərindən, xəstəliklərindən və pis məhsuldarlıqdan ölülər məsul tutulardı.
"Hallowen" festivalında atəşlər yandırılır, qış üçün öldürülən heyvanların sümükləri bu atəşlə yandırılır. Ruhları təqlid edə bilmək üçün maskalar və kostyumlar geyilir.
"Cadugərlər törəni"nin mənfi tendensiyanı daşıdığı məlumdur, böyüklər bir yana, uşaqların da bura cəlb edilməsi sadəcə dəhşətdir. Fikir verin, uşaqlar qorxunc paltarlar geyir, qulyabanı maskaları taxır. Biz həmişə çalışırıq ki, uşaqları qorxunc filmlərə baxmaqdan, dəhşət təbliğ edən cizgi filmlərindən yayındıraq. Səbəb də budur ki, uşaqların psixikası korlanmasın, uşaq normal şəkildə formalaşsın. Ancaq bu törəndə uşaqlar kütləvi olaraq dəhşətin içinə sürüklənir, psixikası zədələnən uşaq isə gələcəkdə potensial cinayətkar ola bilər. Bu qaçılmazdır. İblisin təlimindən də aydındır ki, insan başqa bir insana rəhm etməməlidir, hətta onu öldürüb iblisi sevindirməlidir. Dinimiz isə bunları kəskin şəkildə inkar edir və Allah yaratdığı bəndəni yalnız Allah öldürə bilər fikrini təlqin edir.

İblisə xoş getsin deyə anasını öldürən də olub...

"Cadugərlər bayramı"na qatılan insanlar o qədər qorxunc olur ki, onların siması kimi əməlləri də dəhşətdir. Kim təminat verə bilər ki, qorxunc geyimli, qorxunc görkəmli birisi kütlə arasında böyük həyəcan, səs-küy yaratmaz, yaxud şeytana çevrilib evlər yıxmaz.
Dünya təcrübəsi də göstərir ki, məhz bu törəndə iştirak edən adamlar iblisə uyub öz doğmalarına belə qəsd etməkdən çəkinməyib. "Cadugərlər bayramı"nda ("Haloween") Amerika Birləşmiş Ştatlarında (ABŞ) yaşayan bir gənc anasını öldürüb. Azərbaycan mətbuatının yaydığı məlumata görə, ABŞ-da Nyu-York şəhərinin Lonq İzlənd bölgəsindəki binalardan birində yaşayan 35 yaşlı Derek Vord eyni evdə yaşadığı 66 yaşlı Patrisia Vordun başını kəsərək qətlə yetirib. Qatil oğlu daha sonra başsız cəsədi sürüyərək küçəyə çıxarıb. Qorxunc hadisəni görən ətrafdakılar əvvəlcə baş verənlərin sadəcə bir "Cadugərlər bayramı" zarafatı olduğunu düşünüblər. Lakin həqiqəti öyrəndikdə dəhşətə gəliblər və dərhal polisə məlumat verilib. Hadisə yerinə gələn polis qadının öldüyünü, qatil oğlun isə həyatına qəsd etdiyini müəyyən ediblər.

"Cadugərlər bayramı" necə yaranıb?

Tanrının əmrləri ilə ziddiyyət təşkil edən bu törənin geniş miqyas alması dəhşətli bir haldır. Müxtəlif xarici sektalar tərəfindən ilibəil genişləndirilən törənin tarixinə gəlincə, yazılanlara görə, bu, müasir balqabaqlar bayramıdır. Bayram müasir Böyük Britaniya və İrlandiya ərazisində yaşayan Şotland xalqı keltlərin adətləri əsasında hazırlanıb. Başlıca olaraq ABŞ, Böyük Britaniya, İrlandiya, Rusiya, Asiya qitəsində yerləşən Sinqapur, Cənubi Koreya, Yaponiya, okeaniyada yerləşən Avstraliya, Yeni Zelandiya kimi ölkələrdə təntənəli şəkildə keçirilir. Ölkəmizdə də bəzi gənclər əyləncə məqsədilə belə partilərdə iştirak edir. Xristian dünyasında ən qorxulu törən olan bu gün əvvəllər Qael, indi isə "Cadugərlər bayramı" adlanır. Guya yaşayanlar və ölülər dünyası arasında bir bağ mövcuddur. Həmişə ölülərin pis niyyətli və təhlükəli olduğu haqda söhbətlər dolaşıb. Hətta xəstəliklər və məhsulun azlığı kimi problemlər onlarla əlaqələndirilib. Festivalda tonqallar qalanır, qış ehtiyatı üçün öldürülən heyvanların sümükləri bu tonqallarda yandırılırdı. Ruhları təqlid etmək üçün maskalar və kostyumlar geyinilirdi.

Günaha batanlar...

Bəzi xristian ölkələrində kafelərin, restoranların, küçələrin hər biri bəzədilir. İnsanlar öz qorxunc geyimləri ilə fərqlənməyə, ən qorxulu görkəmə sahib olmağa çalışır. Bəziləri Drakula (qədimdə yaşadığına inanılan vampir-qaniçən) kostyumu, bəziləri də yarasa, küpəgirən qarı kostyumları geyinir. Bunların hər birinin də öz mənası var. Məsələn, maskalar Samhain adı verilən qorxunc ruhdan gizlənmək, qapıya qoyulan konfetlər onu doydurmaq, balqabaqlarına çəkilən üzlər isə ona sitayiş etmək mənalarını daşıyır. Samhainin əsrlər əvvəl cəhənnəmə göndərildiyinə və geri gəlib bütün şeytani qüvvələri yuxudan ayıldacağına inanılır. Bir daha qeyd edək ki, mühafizəkar xristianlar bu bayramı günah hesab edir və keçirmir.
Mühafizəkar xristianların da kəskin şəkildə pislədiyi bu törənin məqsəd və məramı aydındır. Onlar insanları qorxu və səksəkə içində yaşatmaq istəyir. Hətta yanlış olaraq iddia edirlər ki, guya həmin gün müxtəlif ayin və caduların köməyi ilə insanlar öz əzizlərinin ruhları ilə görüşür. Həmin ruhların obrazını isə qorxunc maskalı vampir görkəmli insanlar canlandırır. Təsəvvür edin ki, bu törənlə bağlı yayılan fotoşəkillərin böyük əksəriyyətində iştirakçılar vampir görkəmindədir. Ağızlarından qan süzülür. Sanki insan qanı içiblər. Qanın bu şəkildə təbliğ edilməsi yolverilməzdir. Əslində, onlar bununla insan qanına susamış olduqlarını büruzə verir. Düzdür, törənlə bağlı məlumatlarda qeyd edirlər ki, quşlar və heyvanlar qurban verilir, amma insanın dişi qanlı, ağzından qan süzülən vəziyyətdə görüntülənməsi adamları, sözün həqiqi mənasında, dəhşətə gətirir.

Cadugər libaslı insanlara qadağa...

Çin başda olmaqla artıq bir sıra dövlətlərdə qorxunc maskalı insanların ictimaiyyət arasına çıxmasına, xüsusən də bu vəziyyətdə metrodan istifadə etməsinə qadağa qoyulub. Çox istərdik ki, Bakıda da belə insanların şəhərin mərkəzi yerlərinə çıxmasına, ictimai nəqliyyatdan istifadəsinə məhdudiyyət qoyulsun. Fikrimizcə, bununla şeytana uyub iblisə sitayiş edənlərə "dayan" demək olar. Təəssüf ki, bəziləri bu mərasimi insanları əyləndirmək, güldürmək anlamında təqdim etməyə çalışır. Ancaq mahiyyətində şeytani sevgi olan bir törənin gerçək bir bayram olması mümkün deyil. İlbəil əhatəsi genişlənən "Cadugərlər bayramı"nın keçirilən ənənəvi festivallarının da məqsədi insanı insanlıqdan uzaqlaşdırmaqdır. Kökündə, qaynağında humanizm, sevinc, sevgi, qardaşlaşmaq, yardımlaşmaq kimi əzəli müsbət mahiyyət olmayan mərasim işıqlı bir hadisə kimi qarşılana bilməz...

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...