Məhərrəmlikdə toy?

Tarix: 03.11.2014 / 07:53
Bölmə: Sosial

Sevinc Əzimbəyli: "Peyğəmbərimizin nəvəsi İmam Hüseyn və silahdaşları bu ayda faciəli şəkildə qətlə yetirildikləri üçün Məhərrəm ayı İslam aləmində matəm ayı kimi qeyd olunur"

Rəşad Ataşov: "Bəli, biz Məhərrəmlik ayında şəhadətə yetirilən İmam Hüseynə matəm saxlayırıq"

Baloğlan Əşrəfov: "Atan öləndə toy edirsən ki, imamlar öləndə də toy edəsən?"

Bir neçə gündür Hicri-qəməri təqvimi ilə Məhərrəm ayı başlayıb. İmam Hüseyn və tərəfdarlarının qətlə yetirildiyi bu ayda insanların şadyanalıq etməsi düzgün deyil. Bu günlərdə ilahiyyatçı Elşad Miri Məhərrəmlik ayı ilə bağlı maraqlı açıqlama verib. E.Mirinin səsləndirdiyi fikirdə deyilir ki, Məhərrəm ayında toy etmək olar: "İslamda hər hansı ayda, gündə toyla bağlı bir qadağa yoxdur.
Əgər qadağa olsaydı, Peyğəmbərimizin 3 qızının, xanımlarının (hansı ki, "Qurani-Kərim"də onlar möminlərin anaları adlandırılıb) vəfat etdiyi gündə, yaxud 124 min peyğəmbərin öldüyü günlərdə toy etməzdik. Yüz minlərlə peyğəmbər və 365 günlük bir təqvim. Onda bizim təqvimimiz ancaq qara olardı. Miladi təqvimdəki yanvar ayı kimi Hicri-qəməri təqvimində də Məhərrəmlik ilin ilk ayıdır. Məhərrəm müqəddəs ay deyil. Bu, İslamdan əvvəl də müsəlman olmayan ərəblərin istifadə etdiyi bir təqvim idi. Sadəcə, Məhəmməd Peyğəmbərin vəfatından sonra 680-ci il Məhərrəm ayının 10-cu günündə, Aşura deyilən həmin vaxtı onun nəvələrindən biri olan İmam Hüseynin (ə) qətlə yetirildiyinə görə toy etmirlər. Ancaq peyğəmbər hətta öz oğlunun ölümü ilə bağlı belə bir qadağa qoymamışdı. Əlbəttə, İmam Hüseyn böyük şəxsiyyət olub, haqsızlığa qarşı vuruşub, amma bununla yanaşı, onun ölümü ilə bağlı toy edilməməsi anlayışı yoxdur. Bizim cəmiyyət hər şeyə kortəbii yanaşır. Məsələn, Ramazan ayı başlayanda hamı müsəlman olur, içmir, islamla bütünləşir. Onlar bilir ki, toylardakı bəzi ənənələr İslama ziddir. Amma həqiqi müsəlman bütün ömrü boyu İslamla bütün olmalıdır, bir ayın xatirinə deyil. İslam hansısa hadisə ilə bağlı, yaxud yaxınını itirən birinin 40 gün saqqal saxlamasını özündə əks etdirən bir din deyil".
Elşad Mirinin fikrincə, belə mərasimlərin ölkəmizdə keçirilməsi İranla bağlı məsələdir: "Zaqatala, Balakən, Qax rayonlarında istər Məhərrəmlikdə, istərsə də Ramazan aylarında toylar keçirilir. Cəmiyyətdə mifik bir fikir formalaşıb ki, guya Məhərrəm ayında kim toy etsə, ya boşanacaq, ya övladı olmayacaq, ya da başqa xoşagəlməz hadisə ilə üzləşəcək. Amma ağlı başında olan bir insan bilir ki, əgər hər hansı genetik xəstəliyi varsa, qanında hansısa virus varsa, sonsuzluq problemi bununla bağlıdır. Əzadarlıq məclislərinə gəldikdə, İslam dinində əzadarlıq anlayışı yoxdur. Allah "Qurani-Kərim"də də buyurur ki, özünüzü öz əllərinizlə təhlükəyə atmayın. Əgər bu deyilibsə, onun verdiyi əmanəti biz necə cəzalandıra bilərik? Əgər həmin insanlar həqiqətən də səmimidirsə, İmam Hüseyn kimi həyat yaşasınlar, onun kimi namaz qılsınlar, onun kimi oruc tutub "Quran"a bağlılıqlarını həyata keçirsinlər. Bütün bunları etməyib yalnız bir "islamçı" olmaq mənə səmimi görünmür".
Elşad Mirinin Məhərrəmlik ayında toy etmək olar fikri cəmiyyət tərəfindən sərt qarşılanıb. Hər bir təbəqənin nümayəndəsi ilahiyyatçının məlum çıxışını tənqid edir.
Elşad Mirinin Məhərrəm ayı ilə bağlı fikirlərinə Quran qarisi Rəşad Ataşov cavab olaraq öz "Facebook" səhifəsində bunları yazıb: "Elə indicə Elşad Mirinin, Məhərrəmlik ayı ilə bağlı və xüsusəndə Hz.Hüseynə əza saxlamağın doğru olub-olmadığı haqqında olan bir yazısını oxudum. İlahiyyatçı Elşad Miri deyir ki, "İslamda hər hansı ayda, gündə toyla bağlı bir qadağa yoxdur".
Elşad bəy, Məhərrəmlik ayında hər hansı bir şadlıq və yaxud toy-düyün edilməsinin Cəfəri məzhəbində qadağa olmasını kim deyir? Bundan əlavə, şiələr nə zaman bunu İslamın "Ruknu" (təməli) hesab ediblər ki, siz də bunu "Üsulid-din"-dən (İslamın əsasları) bilib tənqid edirsiniz?!
Bəli, biz Məhərrəmlik ayında şəhadətə yetirilən İmam Hüseynə matəm saxlayırıq. Amma bu ona əsas vermir ki, şiələr bu matəmi İslamın əsası bilib qeyd edirlər. Əsla! İmam Hüseynə əza saxlamaq bu millətin və bütün müsəlman şiələrin ona verdiyi mənəvi dəyərdən irəli gəlir. İmam Hüseynə ağlamaq məhəbbət və eşq məsələsidir. Onu hüznlə anmaq, zalımlardan yox, məzlumlardan yana olmağın təzahürüdür.
Daha sonra deyirsiz ki, "124000 peyğəmbər ölübsə, belə çıxır ki, onların hər birinə yas saxlamalıyıq?"
Əvvəla xüsusilə vurğulayım ki, bütün peyğəmbərlər İmam Hüseyn kimi vəhşicəsinə qətliamlara məruz qalmayıb. Əgər sizin bu müqayisənizlə yanaşsaq, o zaman mənə deyin görüm niyə Allahu-Təala təxmin edilən 124000 peyğəmbərin qissələrindən Quranda bəhs etmir, yalnız 28-i ilə kifayətlənir? Yaxud niyə Hz. Eyyubun səbri hər zaman digər peyğəmbərlərdən və Hz. Muhəmməd daxil olmaqla, onlardan üstün tutulur? Məgər Allah Rəsulunun dönəmindəki sınaq Hz.Eyyuba verilən sınaqdan azmı idi? Bundan əlavə, Azərbaycan xalqı hər il 1990-cı ildə baş vermiş 20 Yanvar faciəsində şəhid olanları anaraq yad edir. Ancaq nəticə etibarilə 31 mart soyqırımı ondan daha faciəvi olub. Bəs niyə 20 yanvar faciəsi hər il rəsmi qeyd olunur, 31 mart yox? Həmçinin həmin vaxt, yəni 20 Yanvar günü heç bir kəs toy etmir. Sizcə İslama görə həmən ərəfədə toy etmək və ya şadlanmaq haramdırmı? Bəs niyə toy etmirlər əcaba? Hətta doğum günü olanlar belə, o vaxt nə sevinər, nə də əylənər. İndi bu xalqın sayğı və hörmətini İslam ilə uzlaşdırmağın nə adı var?
Deyirsiz ki, "Baş yarmaqdansa qan verin". Çox gözəl təklifdir. Amma bu yeni fikir deyil. Bunu ilk dəfə elə bəyənmədiyiniz şiələr səsləndirib".
R.Ataşov onu da əlavə edib ki, cəfəri məzhəbində doğru-dürüst düşünən beyinlər heç vaxt qəmə vurub baş yarmağın tərəfdarı olmayıb: "Və zərrə qədər də bunu bilməyinizə şübhəm yoxdur. Sizin işiniz mollaları ələ salıb, sətiraltı olaraq, şiə toplumuna sayğısızlıq etməkdir. Sizi hər zaman şiə toplumuna mənsub olan "Mollaların geyimini, İmam Hüseynə yas tutub ağlayanları, QMİ-nin ruhanilərini və s. tənqid etməyinizi gördüm . Amma, nədənsə, qadınların sinəsinə baxıb onların nə qədər ehtiraslı olmasını "Maşallah, sübhənallah" sözü ilə süsləyən Harun Yahya kimi tanınmış Adnan Oktarı, Allahu-Əkbər deyib günahsız insanların başını kəsən murdar İŞİD-i tənqid edən yazılarınıza rast gəlmədim.
Bu olub bitənlərdən sonra Yezidə lənət oxumağın əleyhinə olmanıza, Hüseynə ağlamağı məsğərə etmə halınıza acıyıram. Hüseynə ağlamağı məzəmmət etməkdənsə, öz halınıza ağlaya bilməməyinizi məzəmmət etsəniz daha yaxşı olar...!"
"Yeni Üfüq" İctimai Birliyinin sədri Sevinc Əzimbəyli bizimlə söhbətində bildirdi ki, Məhərrəmlik İslam təqvimində matəm ayı hesab olunur: "Məlum olduğu kimi, Peyğəmbərimizin nəvəsi İmam Hüseyn və silahdaşları bu ayda faciəli şəkildə qətlə yetirilib. Bu səbəbdən də Məhərrəm ayı İslam aləmində hüzr və matəm ayı kimi qeyd olunur, eləcə də matəm mərasimlərinin keçirilməsi tövsiyə olunur. Bu ay ağlayıb-sızlamaq üçün deyil, təşkil edilən mərasimlərdə hadisələrin mahiyyəti insanlara açıqlanmalı, mərasim iştirakçıları elmi cəhətdən zənginləşdirilməlidir. Kərbəla şəhidlərinin xatirəsini əziz tutmaq üçün müsəlmanlar bu ayda şadlıq mərasimlərindən imtina edib". Tanınmüş müğənni Baloğlan Əşrəfov isə bu iddianı qətiyyən qəbul etmədiyini dilə gətirdi: "Biz gözümüzü açandan görmüşük ki, Məhərrəmlik ayında toy, şadyanalıq etmək olmaz. Şəxsən mənim 40 övladım olsun, çatdıra bilməyib, bu halda belə onlara bu ayda toy etmərəm. Atan öləndə toy edirsən ki, imamlar öləndə toy edəsən. İmamlar bizə atalarımızdan da əzizdir. O ki qaldı Elşad Miriyə, Allah onun canını sağ eləsin, ona əcr versin".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...