Erkən nikahlara görə ilk məsuliyyət təhsil orqanlarının üstünə düşür

Tarix: 28.10.2014 / 01:48
Bölmə: Sosial

Əliməmməd Nuriyev: "Necə olur ki, indiyə kimi bir nəfər də erkən nikaha görə məsuliyyətə cəlb edilməyib"

"Yerli icra strukturları belə hallara göz yumur ki, hesabatlarda adları hallanmasın"

Prezident Administrasiyasının (PA) rəhbəri, akademik Ramiz Mehdiyev son çıxışında bir çox regionlarda, xüsusilə də cənub bölgəsində azyaşlı qızların təhsildən yayınaraq qeyri-rəsmi ailə qurmasının artıq adi hala çevrildiyini bildirib. Akademik vəziyyətin bu həddə çatması ilə bağlı hüquq-mühafizə, səhiyyə və təhsil orqanlarının da fəaliyyətini ciddi tənqid edib:
"Onlar nə fiziki, nə də mənəvi cəhətdən hazır olmadıqları halda erkən yaşda ana olurlar. Bu məsələ həm səhiyyə, həm təhsil, həm də hüquq-mühafizə orqanlarının diqqətindən necə yayınır? Bəzən böyük ağrı və mənəvi iztirabla özüm-özümə sual verirəm: yəni bu xalqın Sabiri, Mirzə Cəlili, Cəfər Cabbarlısı olmayıb? Yəni "Molla Nəsrəddin" jurnalı bu məmləkətdə çap olunmayıb? Doğrudanmı Üzeyir bəyin vaxtilə gülüş hədəfinə çevirdiyi hallar cəmiyyətimizə yenidən qayıdır? Heç bir sosioloji sorğu aparmadan qətiyyətlə demək olar ki, orta statistik Azərbaycan gənci bu gün arzusundadır ki, onun gözəl evi, bərbəzəkli maşını və kifayət qədər pulu olsun. O, həyatın mənasını ancaq əylənməkdə görür. Bütün bunlara nail olmaq üçün o, min bir vasitəyə əl atmağa, o cümlədən qanunu və əxlaq normalarını da aşmağa hazırdır. Zəhmət çəkməyi, çalışmağı, əziyyətə qatlaşmağı o, ümumiyyətlə, istəmir.
Mənəvi dəyərlərimizin məruz qaldığı belə bir aşınmanın qarşısını biz nə ilə ala bilərik? Kimsə deyə bilər ki, postmodern dövründə ümumən əməyə, əməksevərliyə münasibət dəyişir. Biliklərə əsaslanan iqtisadiyyatda kreativlik əməksevərliyi əvəz edir. Lakin kreativ insan olmaq üçün, ilk növbədə, yüksək təhsil səviyyəsinə malik olmaq lazımdır. Əgər tədris müəssisələrində təhsil mühiti get-gedə belə sürətlə zəifləyirsə, biz buna necə nail olacağıq?
Aydındır ki, bu məsələlər təkcə məni yox, bütün Azərbaycan ziyalılarını narahat edir. Bu narahatlıqdan qurtarmaq üçün lazımi fəaliyyət proqramı işlənib hazırlanmalı və həyata keçirilməlidir.
XX əsrdə Azərbaycan əhalisinin əsas hissəsi kənd yerlərində və ya xırda şəhərlərdə yaşayırdı. İndi bizdə şəhər əhalisi kəskin şəkildə artmaqdadır. Xüsusilə də Bakı şəhəri sürətlə inkişaf edir. Burada cərəyan edən iqtisadi və sosial proseslər gec ya tez təhsil, səhiyyə və mədəni sahələrdə problemlərə çevriləcək. Bunlara hazır olmaq üçün ciddi araşdırmalar aparılmalıdır. Əgər biliklərə əsaslanan iqtisadiyyatın bərqərar olmasının zəruriliyini dərk ediriksə, biz ümumən ölkədə insan potensialının strukturunu kifayət qədər dərindən təhlil etməliyik".
Problemin aradan qaldırılması istiqamətində səhiyyə, təhsil və hüquq-mühafizə orqanları hansı işləri görməlidir?
Konstitusiya Araşdırmaları Fondunun sədri Əliməmməd Nuriyev qəzetimizə açıqlamasında bildirdi ki, Ramiz Mehdiyevin müşavirədə toxunduğu bütün problemlərlə yaxşı tanışdır. Müsahibimizin sözlərinə görə, PA rəhbərinin qaldırdığı bütün problemlər bu gün aktualdır: "Erkən nikahlar cəmiyyətimizin ən yaralı yeridir. Bu elə-belə baş verə bilməz. Əsasən rayonlarda belə hallara çox rast gəlinir. Biz apardığımız monitorinqlərdən də görürük ki, 9 sinifdən sonra qız uşaqları məktəbdə təhsilini davam etdirmək istəmir. Əksəriyyətini də buna valideynlər məcbur edir. Erkən nikahlarla bağlı ilk məsuliyyət təhsilə cavabdeh olan strukturların üzərinə düşür. Çünki təhsildən yayınmadan sonra erkən nikahlar baş tutur. Düzdür, biz layihələrimiz çərçivəsində orta məktəblərin yuxarı sinifləri ilə bunun fəsadları haqda söhbətlər edirik, ancaq cəmiyyətin bütün təbəqələri bu təbliğatın aparılmasında fəal olmalıdır. Bütün belə hallar rayon hüquq-mühafizə orqanlarının gözü qarşısında baş verir. Necə olur ki, indiyə kimi bir nəfər də erkən nikaha görə məsuliyyətə cəlb edilməyib. Axı bu, qanunvericiliklə qadağandır. Yerli icra strukturları belə hallara göz yumur ki, hesabatlarda adları hallanmasın. Hazırda qanunvericiliyə dəyişiklik edilib. Nikaha daxil olarkən tibbi arayış da tələb edilir. Səhiyyə qurumları da erkən nikahın baş tutmasına məsuliyyətlidir. Rayonlarda yuxarı sinifdə oxuyan qızların tədrisə davamiyyətinə fikir verilməlidir. Hesab edirəm ki, bu istiqamətdə Ramiz Mehdiyevin adlarını çəkdiyi qurumlar fəaliyyətini yenidən qurmalıdır".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...