Avtobuslarda qəza xəsarətləri almış sərnişinlərin sığorta məsələsi gündəmə çıxdı

Tarix: 28.10.2014 / 02:17
Bölmə: Sosial

Rəsul Cahangirli: "Sərnişinlərin nəzərdə tutulmuş qaydada fərdi qəza sığortası icbaridir"

Bir çox inkişaf etmiş ölkələrdə sərnişin avtobusu qəza törədirsə və bu zaman sərnişinlər xəsarət alırsa, buna görə onlara sığorta pulu ödənilir. Azərbaycanda isə, təəssüf ki, bu kimi məqamlar diqqətdən kənarda qalır və yaxud da buna əməl olunmur. Məsələn, oktyabrın 23-də Bakıda mikroavtobusun yük maşını ilə toqquşması nəticəsində ağır qəza baş verib.
Qəza zamanı mikroavtobusda olan 2 nəfər dünyasını dəyişib, 11 nəfər xəsarət alıb. Hadisə ilə bağlı araşdırma aparılır.
İcbari Sığorta Bürosundan mətbuata verilən məlumata görə, 90 ЖB 642 nömrəli "Ford" markalı yük maşını "AXA MBASK" sığorta şirkətində icbari qaydada sığortalanıb. Mikroavtobus isə sığortasız olub.
Yük maşınının icbari sığortası üzrə müraciət daxil olmayıb. Sığorta şirkətindən bildirilib ki, yük avtomobilinin qəzaya səbəb olduğu dəqiqləşsə, müraciət əsnasında sığorta ödənişi verilə bilər. Əks halda, sərnişinlərə dəymiş ziyan mikroavtobusun sərnişinlərinin icbari fərdi qəza sığortası üzrə təmin edilməlidir.
Maraqlıdır, ümumilikdə bu kimi məsələlər qanunla necə tənzimlənir?
Sözügedən məsələyə aydınlıq gətirən sığorta üzrə ekspert Rəsul Cahangirli "Bakı-Xəbər"ə açıqlamasında bunları dedi: "Sərnişinlərin icbari fərdi qəza sığortası "İcbari Sığortalar Haqqında" Azərbaycan Respublikası Qanununun xüsusi bölməsinin 5-ci fəslində nəzərdə tutulub. Sərnişinlərin icbari fərdi qəza sığortası sərnişin daşımaları xidmətini həyata keçirən hava, su, dəmir yolu və avtomobil nəqliyyatı vasitələrində olan sərnişinlərin həyatına və sağlamlığına sığorta hadisəsi nəticəsində zərər dəyməsinə görə sığorta təminatının verilməsi məqsədilə tətbiq edilir. Sərnişinlərin nəzərdə tutulmuş qaydada fərdi qəza sığortası icbaridir. Digər tərəfdən, sərnişinlərin icbari fərdi qəza sığortası üzrə sığorta məbləğləri hər bir sərnişinə görə 5000 manatdır. "İcbari Sığorta Haqqında" Qanunda bununla bağlı maddələr var. Maddə 5.3.-də göstərilir ki, mülkiyyətində sərnişindaşıma xidmətlərini həyata keçirmək üçün nəqliyyat vasitəsi olan və ya ona faktiki sahibliyi həyata keçirən şəxslər həmin nəqliyyat vasitəsilə bağlı sərnişinlərin icbari fərdi qəza sığortası müqaviləsi bağlamaq üçün sərnişinlərin icbari fərdi qəza sığortası növünün aparılmasına icazəsi olan hər hansı sığortaçını seçməkdə sərbəstdirlər. Maddə 64.1-də göstərilir ki, sərnişinlərin icbari fərdi qəza sığortası sərnişin daşımaları xidmətini həyata keçirən hava, su, dəmir yolu və avtomobil nəqliyyatı vasitələrində olan sərnişinlərin həyatına və sağlamlığına sığorta hadisəsi nəticəsində zərər dəyməsinə görə sığorta təminatının verilməsi məqsədilə tətbiq edilir. Maddə 32-də göstərilir ki, sığortaçı sərnişinlərin icbari fərdi qəza sığortası şəhadətnaməsi üzrə sərnişinlərin sağlamlığına dəyən zərərlə bağlı öhdəliklərini ödəmə qabiliyyətinin olmamasına görə yerinə yetirə bilmədikdə, zərərin əvəzi sığorta olunanın müraciəti əsasında İcbari Sığorta Bürosu tərəfindən kompensasiya ödənişi verilməklə ödənilir.
Yəni qununvericiliklə bu tənzimlənir. Qaldı ki, buna nə dərəcədə əməl olunur, artıq bu başqa mövzunun söhbətidir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...