Azərbaycan kimi ölkəyə hansı sayda bələdiyyə lazımdır?

Tarix: 27.10.2014 / 02:02
Bölmə: Sosial

Abil Bayramov: "Birmənalı olaraq yerli özünüidarəetmə orqanlarının effektiv fəaliyyətini onların sayı ilə əlaqələndirmək olmaz"

"Hər halda, bu sahədə ciddi şəkildə qiymətləndirmələrə ehtiyac var"

Məlum olduğu kimi, Azərbaycanda dekabrın 23-də keçiriləcək növbəti bələdiyyə seçkilərində seçiləcək bələdiyyə üzvlərinin sayı açıqlanıb. Mərkəzi Seçki Komissiyasının məlumatına görə, dekabrın 23-də keçiriləcək bələdiyyə seçkiləri zamanı 15 035 bələdiyyə üzvü seçiləcək.
Qeyd edək ki, 2009-cu il dekabrın 23-də keçirilən bələdiyyə seçkiləri zamanı respublika üzrə 1718 bələdiyyəyə 15 682 üzv seçilib. Ancaq ötən dövr ərzində bələdiyyələrin birləşməsi prosesi nəticəsində onların sayı 1718-dən 1607-ə enib. Buna müvafiq olaraq bələdiyyə üzvlərinin də sayı azalıb.
Beynəlxalq təcrübə isə göstərir ki, dünyada yerli özünüidarəetmə orqanlarının formalaşması müxtəlif cür gedib. Hazırda yerli özünüidarəetmə ənənəsinin ən güclü şəkildə mövcud olduğu dövlət İngiltərə hesab edilsə də, 1977-ci ilədək oradakı kimi yerli özünüidarəetmə formasının qarışıq olduğu ikinci bir ölkə tapmaq mümkün deyildi. ABŞ-da hazırda 80 min yerli özünüidarəetmə vahidi var. Ötən əsrin 80-ci illərindən sonra dünyada bələdiyyələrin böyüdülməsi geniş vüsət aldı. Bu zaman həm əhalinin sayı, həm də ərazinin böyüklüyü əsas götürülməyə başladı. Almaniya birləşəndən sonra aparılan islahat nəticəsində orada bələdiyyələrin sayı iki dəfəyə qədər azaldı. Qonşu Türkiyədə 2000-ci ildə islahat başlandı və 4 il sonra bələdiyyə qanunvericiliyinə dəyişikliklər edildi. Bununla da əhalisi 5 mindən az olan ərazilərdə bələdiyyələrin yaradılmasına qanunvericiliklə qadağa qoyuldu. Hazırda Türkiyənin əhalisi Azərbaycandan 10 dəfə çox olsa da, orada cəmi 3100 bələdiyyə var. Aparılan tədqiqatlar göstərir ki, bələdiyyələr nə qədər kiçik olursa, onların resursları bir o qədər çox parçalanır. Bu da bələdiyyələrin səmərəli fəaliyyət göstərməsinə maneçilik törədir. Digər tərəfdən, bu gün bələdiyyə aparatının saxlanması xərclərinin artması bələdiyyənin qarşısında duran əsas vəzifələrin yerinə yetirilməsinə mənfi təsir göstərir.
Ümumilikdə, Azərbaycanda bələdiyyələrin sayı nə qədər olsa bunu optimal hesab etmək olar?
Məsələyə münasibət bildirən ekspert Abil Bayramovun sözlərinə görə, bələdiyyələrin sayı ilə bağlı konkret rəqəm söyləmək çətindir: "Bununla bağlı ciddi hesablamalara ehtiyac var. Birmənalı olaraq yerli özünüidarəetmə orqanlarının effektiv fəaliyyətini onların sayı ilə əlaqələndirmək olmaz. Düzdür, həddən artıq kiçik ölçülü bələdiyyələrin olması effektiv deyil, amma məsələ ondadır ki, o sistemin işləkliyi hansı formada yaradıla bilər. Mümkündür ki, bələdiyyələrin sayı həddən artıq aşağı olsun, amma sistem effektli işləməsin. Yaxud da say indiki kimi qalsın və effektiv idarəetmə sistemi yaradılsın. Yəni birmənalı olaraq bələdiyyələrin effektivliyini saya bağlamaq olmaz. Ona görə də bələdiyyələrin sayı ilə bağlı optimal rəqəm söyləməyə çətinlik çəkirəm. Hər halda, bu sahədə ciddi şəkildə qiymətləndirmələrə ehtiyac var".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...