Yas-toy israfçılığı ilə bağlı QMİ-nin çağırışına fəal reaksiyalar var

Tarix: 24.10.2014 / 03:47
Bölmə: Sosial

Seyid Camal Əzimbəyli: "QMİ-nin son bəyanatını yerində atılmış addım kimi dəyərləndirirəm"

"Ölkənin dini mühitində tanınmış insanları bu prosesə cəlb etmək lazımdır"

Qafqaz Müsəlmanları İdarəsi (QMİ) Azərbaycanda dəbdəbəli toy və yas mərasimlərinin keçirilməsi ilə bağlı növbəti müraciət yayıb. Müraciətdə bildirilir ki, söhbət son zamanlar kütləvi informasiya vasitələrində geniş ictimai müzakirəyə çıxarılan və dövlət dairələrində debatlara səbəb olan toy və yas mərasimlərinin təşkili və keçirilməsi qaydalarından, vəqf olunmuş qəbiristanlıq ərazilərində məzar yerlərinin satılmasından, dəbdəbəli qəbirüstü abidələrin ucadılmasından və günümüzün reallığına aid olan bir sıra problemlərdən gedir:
"QMİ-nin Qazılar Şurası və Elmi-Dini Şura ictimaiyyət nümayəndələri ilə birlikdə bu məsələ ilə əlaqədar əvvəlki illərdə bir neçə dəfə öz mövqeyini bildirsə də, çox zaman təklif və tövsiyələrimiz cəmiyyətdə tam tətbiqini tapa bilməyib.
Əksər hallarda guya bu mərasimlərin milli adət və dini ənənələrə müvafiq olduğunu iddia edənlər öz şəxsi mənafeləri naminə dinimizin qayda və qanunlarını təhrif edirlər. İslam dininin təməl özəlliklərinə, Peyğəmbərimiz Məhəmməd salavatullahın aləmlərə örnək olan şəxsi nümunəsinə və hədisi-şəriflərə istinad edən hər bir şəxs bu məsələnin islami qanunlarla məntiqi uyğunsuzluğunu yaxşı bilir.
Hər şeydən əvvəl qeyd etmək lazımdır ki, müsəlmanların övladına toy etməsi və ya mərhumları üçün ehsan verməsi dini baxımdan bəyənilən və təqdir olunan əməldir. Qurani-Kərimin Əraf surəsinin 31-ci ayəsində insanlara: "Gözəl libaslarınızı geyin, yeyin-için, lakin israf etməyin, çünki Allah israf edənləri sevməz!" - hökmü buyurulub. Məhz bu ayənin hökmünə əsasən insanların şənlik və ya matəmlərdə iştirakı dini baxımdan münasib sayılır, yalnız istər toy, istərsə də yas mərasimlərində israfın və ifrat dəbdəbənin Allah tərəfindən bəyənilməyən bir əməl olduğu təsbit olunur".
QMİ-nin yaydığı bəyanatın sonunda bildirilir ki, vahid dini-mənəvi dəyərlər konsepsiyasının tərtibi və təsdiqi zamanı mülahizələrimizin nəzərə alınacağına, cəmiyyətimizdə fikirlərimizin rəğbətlə qarşılanacağına ümid bəslənir: "Əminik ki, təlqin etdiyimiz başlıca fikir - toy və yas məclislərində ifrat və israfdan imtina etmək qərarı cəmiyyətimizin mənəvi tərbiyəsində müstəsna rol oynayacaq, müsbət ictimai fikrin formalaşmasına xidmət edəcək, inşallah!"
Yas və toylardakı dəbdəbənin qarşısının alınması baxımından QMİ-nin bu müraciətini nə dərəcədə əhəmiyyətli saymaq olar?
Tanınmış şərqşünas Seyid Camal Əzimbəyli qəzetimizə açıqlamasında bildirdi ki, mənəvi irsimizə, dinimizə, şüurumuza ziyan vuran istənilən əməlin qarşısı mütləq alınmalıdır: "İsraf-istər toyda olsun, istərsə də yasda, bizi günaha sürükləyir. Mən 15 il bundan əvvəl bu problemin həlli istiqamətində səylər göstərmişəm. QMİ-nin sədri, hörmətli şeyximizlə bir neçə dəfə bu mövzuda fikir mübadiləmiz olub. Həmçinin Dini Komitənin bundan əvvəlki sədrləri ilə də bu barədə söhbətlər etmişəm. Hazırda isə hörmətli Mübariz müəllimə də öz baxışlarımı çatdırmışam. Bu məsələnin həll olunması bütün cəmiyyətimizə lazımdır. Bəzən elə başa düşülür ki, bu işlə ancaq dindarlar məşğul olmalıdır. Yox, təkcə yaslar deyil, toylarda, qəbiristanlıqlarda yaşanan biabırçı israfa son qoyulmalıdır. Ancaq hazırda tətbiq edilən inzibati metodlardan da görünür ki, bu mümkün deyil. Belə üsulları tətbiq etməklə biz insanları ikinci günaha sövq etdirmiş oluruq. Aydınlıq gətirə bilərəm. Bu günlərdə əyalətlərdə olan bir neçə yas yerində monitorinq aparmışıq. Bəlli olub ki, ölü yiyəsi ehsan vermək üçün aparıb bələdiyyə sədrinə 30 manat pul verib ki, o, ehsanın verilməsinə müdaxilə etməsin. Baxın, inzibati amilləri tətbiq edəndə biz heç də zəmanət verə bilmərik ki, ona nəzarət edən şəxslərin hamısı ləyaqətli və vicdanlı olacaq. Bütün bu problemləri biz dini maarifləndirmə yolu ilə aradan qaldıra bilərik. Bu baxımdan da QMİ-nin son bəyanatını yerində atılmış addım kimi dəyərləndirirəm. Bəyanatın tam mətni ilə tanış oldum. Orda da vurğulanır ki, bu işdə media və digər təbliğat vasitələri yaxından iştirak etməlidir. Ölkənin dini mühitində tanınmış sayılan insanları bu prosesə cəlb etmək lazımdır. Yeri gəlsə, gedib qapı-qapı gəzib bu problemin mahiyyətini vətəndaşlarımıza izah etməliyik".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...