Bakıda "Parkomat" pullarının nəzarətçilər tərəfindən mənimsənilməsinin səbəbi tapılıb

Tarix: 23.10.2014 / 02:54
Bölmə: Sosial

Əgər ödəniş sistemi sadə olsa...

İlqar Hüseynli: "Ödəniş sistemi o qədər sadə olmalıdır ki, avtomobil sahiblərinin bundan ötrü kiməsə müraciət etməsinə ehtiyac qalmasın"

Xəbər verildiyi kimi, paytaxtda ödənişli müvəqqəti duracaqlarda avtomobillərin saxlanmasına görə pulu parkomatlara daxil etmək əvəzinə onları mənimsəyən nəzarətçilər cəzalandırılır, işdən çıxarılır, bəziləri isə hətta cinayət məsuliyyətinə cəlb edilir.
Bunu mətbuata açıqlamasında Bakı Şəhər İcra Hakimiyyətinin Xüsusi Təyinatlı Avtonəqliyyat İdarəsi rəisinin müavini Lətif Axundov deyib. Onun sözlərinə görə, bəzi hallarda nəzarətçilər sürücülərdən pulu alıb parkomata daxil etmək əvəzinə özlərinə götürürlər: "Biz bununla bağlı dəfələrlə vətəndaşlara da, işçilərimizə də xəbərdarlıq etmişik. Bununla əlaqədar İdarədə daxili nəzarət qrupu yaradılıb. Onlar əraziləri gəzib belə qanunsuzluqları üzə çıxarırlar. Bir daha vətəndaşlara, sürücülərə bəyan edirik ki, parkomatlara nəzarət edən işçilərə pul verməsinlər. Xahiş edirik, vətəndaşlar zəhmət çəkib ödəməni özləri aparsınlar".
L.Axundov qeyd edib ki, bununla əlaqədar dəfələrlə işçilərə tənbeh və cəzalar tətbiq olunub: "Hətta cinayət tərkibi olan hallarda polisə müraciət olunub. Bəzi işçilərə bir neçə dəfə xəbərdarlıq edilib. Lakin nəticə çıxarmadıqlarına görə işdən azad ediliblər. Belə nümunələr çoxdur. Həftədə ən azı 3-5 belə hal olur".
XTAİ-nin rəis müavini onu da bildirib ki, çox zaman bəzi sürücülər özləri qaydalara məhəl qoymur və ödəmələri həyata keçirməkdən imtina edir.
Ödəməni tələb etdikdə isə nəzarətçilərə qarşı kobud rəftar edirlər. Onların əməllərindən utanması və ictimai qınaq obyektinə çevrilməsi məqsədilə belə şəxslərin adları, avtomobillərinin marka və nömrələri mütəmadi olaraq ictimaiyyətə açıqlanır və bundan sonra da açıqlanacaq.
Ümumilikdə parkomatlardan pulun mənimsənilməsinin qarşısını almaq üçün görülən tədbirləri yetərli saymaq olarmı? Daha hansı işlər görülməlidir ki, mənimsəmə halları yaşanmasın?
Sözügedən məsələ ilə bağlı fikirlərini "Bakı-Xəbər"lə bölüşən ekspert İlqar Hüseynli hesab edir ki, hansısa inzibati tədbirlərlə mənimsəmələrin qarşısını əsaslı şəkildə almaq mümkün deyil: "Parkomatlarda mənimsəmə hallarının qarşısını almaq üçün birinci növbədə bu işdə insan faktorunun rolunu minimuma endirmək lazımdır. Bütün ödənişlər və buna nəzarət mexanizmi müasir texniki vasitələrlə həyata keçirilməlidir.
Əvvəla parkomatlarda ödəniş sistemi elə qurulmalıdır ki, sürücülər pul ödəyərkən çətinliklə üzləşməsin. Yəni ödəniş sistemi o qədər sadə olmalıdır ki, bundan ötrü kiməsə müraciət etməyə ehtiyac qalmasın. Sürücü rahat şəkildə maşını saxlayıb ödəniş aparmalıdır. Həmçinin, həmin ərazilərdə müşahidə kameraları yerləşdirilməlidir. Bu minvalla prosesi tənzimləmək və nəzarət altında saxlamaq olar.
Ödəməni həyata keçirməyən və buna görə nəzarətçilərə hörmətsizlik edən sürücülərə gəldikdə isə, artıq bu, mədəniyyət məsələsidir. Bunun üçün zaman, maarifləndirmə işi aparmaq lazımdır. Görünür, bəzi sürücülərin səviyyəsi ona çatır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...