Azərbaycanda dərslik çapı proseduru köklü surətdə dəyişdirilə bilər

Tarix: 23.10.2014 / 04:05
Bölmə: Sosial

Məlahət Mürşüdlü: "Azərbaycanda beynəlxalq standartlara cavab verən nəşriyyatlar var"

"Təhsil Nazirliyi nəşriyyata dərsliyin hazırlanması barədə sifariş verməlidir və o da bu işi layiqincə yerinə yetirməlidir"

"Bu gün təhsildə əsas çatışmazlıq yenə də dərsliklərin hazırlanması ilə bağlıdır. Dərsliklərin hazırlanma mexanizmi dəyişdirilməlidir". Bu fikirləri Azərbaycan Təhsil Şurasının sədri, professor Əjdər Ağayev mediaya açıqlamasında deyib. Əjdər Ağayev dərsliklərin hazırlanmasında nəşriyyatların yalnız tərtibata cavabdeh olmasını təklif edib:
"Dərsliyin məzmunu mütəxəssislərə həvalə olunmalıdır. Hazırda Təhsil Nazirliyinin keçirdiyi tenderdə iştirak edən nəşriyyatlar müəllifləri özü tapır və dərslikləri hazırlayır. Tender komissiyası isə əsasən dərsliyin məzmununa yox, tərtibatına, keyfiyyətinə fikir verir. Bu tenderi qazanan nəşriyyat dərsliyi nəşr edərək Təhsil Nazirliyində Dərslikləri Qiymətləndirmə Şurasına təqdim edir. Yeni yanaşmada TQDK da bu qiymətləndirmədə iştirak edir, qüsurları aradan qaldırmaq üçün öz təkliflərini verir. Təhsil nazirinin göstərişinə əsasən, bu dərsliklər bir il ərzində pilot məktəblərdə təcrübədən keçirilir. Dərslik pedaqoji, psixoloji, metodiki, hətta siyasi tələblərə cavab verməlidir. Çünki dərslik Konstitusiya qədər əhəmiyyətli sənəddir. Çox təəssüf ki, xüsusilə ibtidai siniflər üçün hazırlanan riyaziyyat dərsliklərində çoxlu nöqsanlar var. Bu qüsurların əsas səbəbi isə odur ki, metodika zəifdir, məntiqi əlaqə və sistem yoxdur. İbtidai sinif şagirdinə verilən bilik onun anlaq səviyyəsinə, təcrübəsinə, dünyagörüşünə uyğun olmalıdır. Yoxsa heç pedaqoji təcrübəsi olmayan birinin alman kitabını köçürüb dərslik yazması və bununla da uşaqların alman uşaqları kimi yetişəcəyini deməsi pedaqoji baxımdan təcrübəsizlikdir. Çünki bir kitabla uşaqları dəyişmək olmaz".
Ə.Ağayev bildirib ki, uşaq məktəbdə öyrədilməlidir. Dərsliklər hazırlanarkən uşaqların fizioloji xüsusiyyətləri nəzərə alınmalıdır: "Mən öz təcrübəmdən çıxış edərək təklif edirəm ki, dərslik mühüm strateji əhəmiyyətli və çox böyük vətənpərvərlik və vətəndaşlıq hissi aşılayan sənəd kimi, dövlətin təhsil siyasətində əsas standartları ödəyən sənəd kimi hökumət tərəfindən hazırlansın. Təhsil Nazirliyi müsabiqə elan etsin, dərsliklər mütəxəssislər tərəfindən bir neçə variantda hazırlansın, təcrübədən keçirilsin, sonra nəşriyyatlar tenderdə iştirak edərək onu çap etmək hüququ əldə etsin. Onun hazırlanmasına cavabdeh olmasın. Dərsliklərin hazırlanmasına hökumət səviyyəsində nəzarət olunmalıdır. Dərsliyin hazırlanmasında pedaqoji didaktik tələblərdən başqa, ideoloji istiqamət də nəzərə alınmalıdır. Dərsliyi hazırlayan şəxs yüksək səviyyədə ideoloji hazırlığa malik olmalıdır. Çünki dərslik sadəcə material doldurmaq üçün deyil, onun əsas qayəsi bilik vermək deyil. Müəllim biliyi tədricən şagirdə mənimsətməlidir. Burada dərslik istiqamətvericidir. Bizim Azərbaycan tarixi dərsliyi hələ də sistemləşdirilməyib və lazımi səviyyədə deyil. Dərsliyin hazırlanması hökumət səviyyəsində həyata keçirilməlidir".
Dərsliklərin hazırlanması barədə fikir bildirən Azad Müəllimlər Birliyinin sədri Məlahət Mürşüdlü "Bakı-Xəbər"ə açıqlamasında qeyd etdi ki, beynəlxalq təcrübəyə əsasən Təhsil Nazirliyi nəşriyyata dərsliyin hazırlanması barədə sifariş verir. Və sifariş əsasındav dərslik hazırlanır.
M.Mürşüdlünün sözlərinə görə, Azərbaycanda beynəlxalq standartlara cavab verən nəşriyyatlar var: "Zənnimcə, Təhsil Nazirliyi nəşriyyatlar arasında tender elan edib müəyyən meyarları təyin etməlidir. Daha sonra nəşriyyat Təhsil Nazirliyinin sifariş verdiyi kitabı çap etməlidir".
Həmsöhbətimiz bildirdi ki, Təhsil Nazirliyi dərsliyi sifariş verəndir. Qurumun həm sifarişçi, həm də icraçı olması düzgün olmaz: "5-6 il bundan öncə Təhsil Nazirliyi dərslik sahəsində həm sifarişçi, həm də icraçı idi. Həmin ərəfədə nəşr olunan dərsliklərdə çox ciddi nöqsanlar mövcud idi. Buna görə də, düşünürəm ki, sifarişçi ilə icraçı tami fərqli olmalıdır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...