Kişidən xəbərsiz ailə kəbinini pozan mollanın izi Bakı məscidlərindən birinə çıxdı(?)

Tarix: 23.10.2014 / 02:35
Bölmə: Sosial

Son illər kəbin kəsdirmək üçün yerli məscidlərə müraciətlər geniş miqyas alıb. Bəzi hallarda insanların evlənib boşanması elə məscidlərdə baş verir. Yəni bir insan evlənirsə, gedib mollaya kəbin kəsdirir, boşananlar üçün də talaq "fərman"ını axundlar, mollalar verir. Təəssüf ki, bəzən tərəflər arasında talağa xitam verilməsi məsələsində İslam qaydalarına zidd hərəkətlərə yol verilir.
Məsələn, ərin razılığı olmadan arvad rahat şəkildə boşanır, yaxud arvaddan xəbərsiz ər onun kəbinini geri oxudur...Belə hallardan biri haqqında KİV-lər tərəfindən xəbər yayılıb.
Belə ki, yerli mətbuatın iki-üç gün əvvəl yaydığı məlumata görə, Bakıda mollanın İslam qanunlarına zidd olaraq ərin xəbəri olmadan qadının kəbinini birtərəfli qaydada pozması ilə bağlı Qafqaz Müsəlmanları İdarəsinə (QMİ) məlumat daxil olub. Böyük qalmaqal yaradan bu məsələ ciddi müzakirəyə səbəb olub. Mediada QMİ rəsmilərinə şikayət edən şəxsin adı bütöv qeyd edilməyib, onun adının baş hərfi və soyadı verilib. QMİ sədrinin birinci müavini müfti hacı Salman Musayevin adına yazılan məktub ünvanına şikayətçi İ.İsrafilov imzalı bir vətəndaşın adı ilə daxil olub. Medianın yazdığına görə, o, məktubunda qeyd edib ki, 2011-ci ilin dekabr ayının 30-da Bakıya gəlib və gələcək həyat yoldaşı ilə birlikdə "Nizami" metrosunun yanındakı məscidə gedərək özünün təklifi, sonra isə gələcək həyat yoldaşının razılığı ilə kəbin kəsdiriblər. Amma 2014-cü il sentyabrın əvvəlində onun həyat yoldaşı ərizə yazaraq kəbini birtərəfli qaydada pozdurub. İ.İsrafilovun isə bu əməldən nə xəbəri, nə də kəbini rəsmi şəkildə pozmağa razılığı olub. Yerli media yazır ki, vətəndaş məsələ ilə bağlı QMİ sədrinin 1-ci müavininə 4 sual ünvanlayıb:
"1. Həyat yoldaşımın ixtiyarı varmı ki, mənsiz, tək gedib kəbini pozsun? Bu, qanunsuz deyilmi və günah sayılmırmı?
2. Mollanın ixtiyarı varmı ki, xanım ərinin xəbəri olmadan məscidə talaq üçün gəldikdə, ərdən xəbərsiz o qadının talağını versin? Mənim razılığım olmadan xanımımın talağını vermək din, şəriət qayda-qanunlarını pozmaq deyilmi?
3. Əgər mollanın bu kəbini pozması qanunsuzdursa, onun cəzası nə ola bilər? Çünki molla kəbinimi mənsiz pozub, mənim haqqımı tapdalayıb, mənə ağır zərbə vurub. Mən ürək ağrısından həkimə müraciət etməyə məcbur oldum.
4. Kəbinin pozulmasını ləğv etmək olarmı? Çünki şəxsən mən razı deyiləm kəbinimiz pozulsun. Ailəmin dağılmasına razı deyiləm.
İstəyirəm kəbinim arxivdən geri qaytarılaraq bərpa olunsun. Ailəmin taleyi ilə bağlı nigaranlıq keçirərək, sizdən cavab gözləyirəm".
Vətəndaş İ.İsrafilovun sualına cavab olaraq QMİ sədrinin 1-ci müavini bildirib ki, İslamın şəriət qanunlarına əsasən, kişinin icazəsi olmadan qadın boşana və talaq ala bilməz: "Ona görə də sizin durumunuzda həm talaq oxudan qadın, həm də talaq oxuyan din xadimi günahkardır. Başqa ifadə ilə desək, sözügedən qadın hələ də sizin xanımınız və həyat yoldaşınızdır". Hacı Salman Musayev İ.İsrafilovdan talağı oxuyan din xadiminin adı və soyadı barədə QMİ-yə məlumat verilməsini xahiş edib.
Qeyd edək ki, vətəndaş İ.İsrafilov nə kəbini pozduran həyat yoldaşının, nə də kəbini pozan axundun (molla) adını qeyd edib. Hər ikisinin adı anonimdir. Bu da ortalığa müəyyən araşdırma xarakterli məsələlərin çıxmasını şərtləndirir. Təbii ki, ölkədə birmənalı qarşılanmayan bu məsələ müxtəlif variantlarda araşdırılır. QMİ-nin bu barədə hər hansı bir qərar verəcəyi məlum deyil.
Redaksiyamıza daxil olan məlumata görə, İ.İsrafilovla həyat yoldaşının kəbini bölgə məscidlərindən birində deyil, məhz paytaxt məscidlərindən birinin axundu tərəfindən pozulub.
Araşdırmalar aparırıq.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...