Azərbaycan məktəblilərinin 53 faizi barədə ictimai rəyə pis rəqəm daxil olub

Tarix: 16.10.2014 / 03:04
Bölmə: Sosial

Keçirilmiş tədqiqata əsasən, məktəblilərin 53 faizi dərs saatlarında smartfon, evdən isə kompyuter və noutbukların köməyilə şəbəkəyə çıxaraq bütün günü internetdə vaxt keçirirlər.
Respondentlərin 22 faizi bildirib ki, onların uşaqları məktəbdən qayıtdıqdan sonra bütün dərslərini edib yalnız internetdə oynayır və ya mesajlaşırlar. Rəyi soruşulanların 9 faizi bu haqda mənfi düşünür. Onların fikrincə, uşaq internetə daxil olmamalıdır. Görünən odur ki, məktəblərdə uşaqların internetə qoşulması onların tədrisinə birbaşa mane olur. Dəfələrlə bu və digər məsələlərlə əlaqədar məktəblərdə şagirdlərin mobil telefondan istifadəsinin qadağan olunması gündəmə gətirilsə də, hələ bununla bağlı nazirlik səviyyəsində qadağa yoxdur. Təhsil Nazirliyindən mətbuata verilən məlumata görə, orta məktəblərdə şagirdlərin mobil telefonlardan istifadəsinə qadağa qoyulması ilə bağlı heç bir təlimat verilməyib. Tədris prosesinə mane olduğu üçün orta məktəblərdə şagirdlərin mobil telefonlardan istifadəsi tövsiyə olunmur. Xüsusilə də dərs zamanı bu mövqe birmənalıdır.
Ancaq paytaxtın bəzi məktəblərində şagirdlərin mobil telefondan istifadəsi qadağan edilib. Qadağaya səbəb telefondan istifadənin dərs prosesinə mane olmasıdır. Hələ ötən ildən paytaxtın 50-yə yaxın məktəbində bu qadağanın tətbiq edilməsi ilə bağlı məlumat yayılmışdı. Lakin hələ də məktəbə mobil telefonla gələn şagirdlər var. Çünki bu məsələdə valideynlərlə məktəb rəhbərliyi ortaq məxrəcə gələ bilmir. Övladını telefonla məktəbə göndərən valideynlər bunu uşaqlarından istədikləri vaxt məlumat ala bilməklə əsaslandırır. Bəzən məktəb evdən uzaq məsafədə yerləşir, xüsusən də işləyən valideynlər uşağın dərsdən çıxması, evə qayıtmasını, repititor yanına getməsini məhz mobil telefonun köməyi ilə öyrənir. Ancaq şagirdlər mobil telefondan yalnız onlarla əlaqə saxlamaq üçün istifadə etmir. Telefonun oyun, çat, foto və video imkanlarından yararlanırlar. Araşdırmalara görə, bütün istifadəçilər üçün zərərli hesab edilən mobil cihazlar uşaqlara daha tez təsir edir. Mobil telefonların təsiri nəticəsində eşitmə və görmə funksiyalarının pozulması ilə yanaşı, beyin xərçənginə tutulmaqda uşaqlar daha çox risq altındadır. Məsələ ilə bağlı konkret qadağanın olmaması problemin həll olunmamasına gətirib çıxarır.
Sözügedən məsələni dəyərləndirən təhsil eksperti Etibar Əliyev hesab edir ki, məsələnin birdəfəlik həlli nazirliyin qərarından asılıdır: "Artıq nazirlik tərəfindən bu məsələ ilə bağlı əmr verilməsinin vaxtı çatıb. Məsələni direktorların nəzarətinə buraxmaq düzgün deyil. Çünki direktorların böyük bir hissəsinin valideynə söz demək ixtiyarı çatmır. Hansı məktəbdə valdeynlərlə münasibət qurulubsa, onlar məsələyə sərt yanaşa bilmir. Bu məsələdə nazirliyin qəti mövqeyi olmalıdır. Yuxarı sinif şagirdləri telefondan daha çox istifadə edir. Şagird dərs zamanı gələn zəngə cavab vermək üçün ya icazə alıb dəhlizə çıxmalı, ya da sinifdə danışmalıdır. Hər iki halda dərs prosesi pozulur. Ona görə də nazirlik bu məsələdən boyun qaçırmamalıdır. Qaydanı pozan şagird mütləq cəzalandırılmalıdır. Bir çox inkişaf etmiş ölkələrdə şagirdlərin telefondan istifadəsinə icazə verilmir. Bundan başqa, bu məsələyə yanaşma spesifik olmalıdır. Şagirdlər telefondan dərsi pozmaq üçün istifadə edirlərsə, ona qarşı da tədbir görülməlidir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...