Gürcüstanın azərbaycanlılar yaşayan sərhədyanı kəndlərində kommunal problemlər yaranıb

Tarix: 15.10.2014 / 03:57
Bölmə: Sosial

Gürcüstanın azərbaycanlılar yaşayan sərhədyanı kəndlərində içməli su, qaz və yol problemi var. APA-nın Gürcüstan bürosunun məlumatına görə, bu barədə sərhədyanı kəndlərdə yaşayan və fəaliyyət göstərən məktəb müəllimləri məlumat verib.
Kənd müəllimləri APA-ya açıqlamalarında Ermənistanla 300 metr məsafədə yerləşən Yırğançay kəndində içməli su, təbii qaz, eyni zamanda yol problemi olduğunu bildirib. "Qışda kəndə gedən yolun bərbad vəziyyətdə olmasından, təbii qazın olmamasından, yayda susuzluqdan əziyyət çəkirik. Dəfələrlə əlaqədar təşkilatlara məlumat vermişik, lakin ölçü götürən yoxdur. İndi kənddə soyuqdur. Odun yoxdur ki, alaq. Qışda kərmə yandırırıq. Meşələr bizdən çox uzaqdır. Təbii qazın çəkilişi isə bir müddət çəkəcək". Problemlərlə bağlı Dmanisi rayon icra hakimiyyətinin başçısı Qoqi Barbakadze APA-ya açıqlamasında Ermənistanla sərhəddə yerləşən Yırğançay kəndinin problemləri olduğunu təsdiqləyib: "Biz bu problemləri bilirik. Tezliklə kəndə qaz və yol da çəkiləcək. Biz kənd layihələri proqramından istifadə edib sakinlərin problemlərini həll edəcəyik," icra başçısı bildirib. Azərbaycanlıların kompakt yaşadığı Yırğançay kəndinə təbii qaz çəkilişinin ləngiməyinin səbəbini ARDNŞ-nin Gürcüstanda fəaliyyət göstərən törəmə müəssisəsi "SOCAR Georgia Gas Ltd" şirkətinin rəhbəri Azər Məmmədov da açıqlayıb: "Bütün kəndlər üzrə layihələr hazırlanıb və bu layihələr Gürcüstan Energetika Nazirliyi ilə "SOCAR Georgia Gas Ltd" şirkətinin bağladığı müqavilə əsasında həyata keçirilir. Hazırda 2015-ci ildə çəkiləcək təbii qaz layihələrinin təsdiqini gözləyirik və bu sahədə işlər aparılır. Ümid edirəm ki, Yırğançay kəndində də təbii qaz olacaq", A.Məmmədov vurğulayıb. Gürcüstanın baş nazirinin köməkçisi Savalan Mirzəyev APA-ya açıqlamasında Ermənistanla sərhəddə yerləşən Sadaxlı kəndində əhalinin odunla təmin edilməsində yaranan problemlərin araşdırıldığını və məsələnin həlli ilə əlaqədar Gürcüstanın ekologiya və təbii sərvətlər nazirliyinə məlumat verildiyini bildirib: "Nazirliyin meşə departamentinin Kvemo Kartli regionu üzrə rəhbərinə problemin həll olunması ilə bağlı tapşırıq verilib ki, odun əldə edə bilməyən sakinlərin siyahısı Marneuli rayon icra hakimiyyəti rəhbərliyi ilə birgə hazırlansın, sakinlərin odunla təminatı ən qısa vaxtda təmin edilsin. Problemin tez bir zamanda həll olunması nəzarət altındadır və əlaqədar təşkilatlarla müntəzəm olaraq əlaqə saxlayırıq". S.Mirzəyev qeyd edib. S.Mirzəyev Sadaxlı kəndinə təbii qaz borusunun çəkildiyini və indiyədək 350- dən çox ailəyə qaz verildiyini bildirib: "Bu məsələ ilə də bağlı "SOCAR Georgia Gas Ltd" şirkətinin rəhbəri Azər Məmmədov ilə telefon söhbətimiz olub və o, Sadaxlı kəndindəki evlərə təbii qazın çəkilişi planının Gürcüstanın energetika nazirliyi tərəfindən artıq təsdiqləndiyini və tezliklə kəndə qaz çəkilişini başa çatdıracaqlarını bildirib".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...