Naxçıvanın siyasi tarixi yeni baxış bucağında...

Tarix: 15.10.2014 / 03:09
Bölmə: Sosial

Azərbaycan Respublikası yenidən dövlət müstəqilliyi qazandıqdan sonra elmin müxtəlif sahələrində, xüsusən də tarixşünaslıqda yeni inkişaf meylləri müşahidə edilməyə başladı. Uzun illər saxtalaşdıralan tarixi faktlar, kölgədə saxlanan gerçəkliklər müasir tarixçilər tərəfindən üzə çıxarılır, bu gizlinlərlə bağlı cild-cild kitablar yazılır.
Naxçıvanın da tarixi digər ərzilərimiz kimi zaman-zaman erməni əli ilə saxtalaşdırılıb. Lakin həqiqət saxtakarlığın əsl düşməni olduğu üçün üzə çıxa bilib. Təbii ki, qədirbilən alimlərin, tədqiqatçıların köməyi ilə üzə çıxarılan həqiqət dövlətimizə, xalqımıza, elmimizə böyük töhfə olub. Azərbaycan Milli Elmlər Akademiyasının A.Bakıxanov adına Tarix İnstitutunun aparıcı elmi işçisi, tarix üzrə fəlsəfə doktoru Sahibə Budaqovanın böyük zəhmət hesabına araya-ərsəyə gətirdiyi "Naxçıvan diyarının siyasi tarixi" kitabı bu baxımdan qiymətlidir. Dünən Azərbaycan Milli Kitabxanası Mədəniyyət və Turizm Nazirliyi və Tarix İnstitutunun birgə təşkilatçılığı ilə Sahibə Budaqovanın "Naxçıvan diyarının siyasi tarixi" kitabının təqdimat mərasimini keçirdi. Azərbaycanın tanınmış tarixçi alimlərinin, ədəbiyyat adamlarının, nüfuzlu media mənsublarının, ictimai xadimlərin qatıldığı mərasimi Milli Kitabxananın direktoru Kərim Tahirov açaraq bu qiymətli kitaba görə müəllifə təşəkkürünü bildirdi. K.Tahirov bildirdi ki, Azərbaycanın müxtəlif ərazilərinin siyasi, sosial-iqtisadi, mədəni tarixinin yazılmasının böyük dəyəri var. O həmçinin qeyd etdi ki, belə kitablara, ölkəmizdə olduğu kimi, xaricdə də ehtiyac var. Milli Kitabxana direktorunun sözlərinə görə, xarici alimlər də Azərbaycanın gerçək tarixini öyrənməkdə maraqlıdır: "Naxçıvan Azərbaycan üçün hər şeydir. Düzdür, bədnam qonşularımızın əməllərinə görə son illər bir az sıxıntı keçirir... Sahibə xanımın yazdığı bu kitab Naxçıvanın əsl tarixini əks etdirən dəyərli bir kitabdır. Azərbaycan tarixini yazanlar bu kitaba və bu yöndə yazılan digər kitablara istinad edəcək. Şükürlər olsun ki, bu gün biz öz gerçək tariximizi yaza bilirik".
"Naxçıvan diyarının siyasi tarixi" kitabının rəyçilərindən biri, Azərbaycan Milli Elmlər Akademiyasının müxbir üzvü Nərgiz Axundova da S.Budaqovanın kitabı haqda müsbət danışdı. Onun sözlərinə görə, bu kitab Sahibə xanımın xeyli müddətlik elmi araşdırmasının uğurlu nəticəsidir. O bildirdi ki, müəllif kitabı yazarkən çox mötəbər mənbələrdən yararlanıb və Naxçıvanın xanlıq dövründə siyasi vəziyyəti ilə yanaşı, sosial-iqtisadi, mədəni-mənəvi durumundan da bəhs edib: "Naxçıvan Azərbaycanın ən qədim və ayrılmaz ərazilərindən biridir. Vaxtilə Zəngəzur və digər bölgələr onun ərazisi olub. Sahibə xanım xeyli sayda arxiv materiallarından istifadə edib. Düşünürəm ki, "Naxçıvan diyarının siyasi tarixi" kitabı nəinki tarixçilər, hətta siyasətçilər üçün də dəyərli mənbə sayıla bilər".
Kitabın digər rəyçisi professor İradə Bağırova da sözügedən nəşr haqda əhəmiyyətli fikirlər bildirdi. O bildirdi ki, vaxtilə Tarix İnstitutunda tarixi coğrafiya elmi inkişaf edib. Keçən əsrin 80-ci illərindən sonra isə bu sahədə ciddi süstlük yaşanıb. Tarixçiyə görə, Azərbaycan müstəqillik əldə etdikdən sonra bu sahədə də canlanma hiss olunmağa başlayıb: "Sahibə xanım bu kitabı ilə tarixi coğrafiya sahəsinə yeni töhfələr verib. Kitabda Naxçıvanın siyasi tarixi ilə yanaşı, bu qədim diyarın sosial-iqtisadi mənzərəsi də əks olunub".
Qeyd edək ki, "Elm və Təhsil" nəşriyyatında işıq üzü görən "Naxçıvan diyarının siyasi tarixi" kitabının elmi redaktoru Azərbaycan Milli Elmlər Akademiyasının Naxçıvan bölməsinin sədri akademik İsmayıl Hacıyevdir.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...