Uşaq əmziklərinin təhlükəsi barədə çağırışlar var

Tarix: 10.10.2014 / 03:24
Bölmə: Sosial

Evdə körpə uşaq ağlayarkən valideynlərin imdadına əmzik yetir. Valideyn həmin əmzik vasitəsilə uşağını sakitləşdirir. Valideyn öz rahatlığı üçün körpələrini əmzik vasitəsilə susdurur. Müxtəlif növdə, fərqli qiymətlərlə satılan əmziklər körpənin tələblərini ödəməklə yanaşı, bir sıra mənfi cəhətlərə də malikdir.
ABŞ-ın əksər xəstəxanalarında ana südü ilə qidalanmanın faizini artırmağa ümid edərək yeni doğulmuş uşaqlara əmzik verilməsini qadağan ediblər. Oreqon Universitetinin son tədqiqatları bu fikri alt-üst edib. Belə ki, təcrübə məqsədilə tibb bacılarının 2200-dən artıq uşağa əmzik verməməsi ana südü ilə qidalanmanı kəskin şəkildə aşağı salıb, süni yeməklə qidalanan uşaqların sayı isə 10 faiz artıb. Banner Tenderberq Tibb Mərkəzinin neonatoloqu Qreq Millerin fikrinə görə, əgər qadınlar yeni doğulmuş körpələrə dərhal əmzik verməsələr, uşaqlar başqa yolla sakitləşəcək və bu rolu süni yemək şüşəsində olan əmzik oynayacaq.
Millerin sözlərinə görə, ana südü ilə qidalanma uşaqlar üçün həddindən artıq xeyirlidir. Belə ki, ana südü immun sistemini yaxşılaşdırır, allergiya təhlükəsini azaldır, uşağın məntiqi təfəkkürünü möhkəmləndirir və onun boy artımına kömək edir. Buna görə də tibb işçiləri yenicə ana olan qadınlara ana südü ilə qidalanmanın xeyri və burada əmziklərin rolunu başa salmalıdırlar. Məlumata görə, əmziklər həm də yuxuda qeydə alınan uşaq ölümlərinin qarşısını alır.
Baş pediatr Nəsib Quliyevin sözlərinə görə, uşaq əmziklərindən istifadə etməklə analar şüurlu şəkildə körpələrinə ziyan verir. Əmziklər uşaqlarda əmmə aktını pozur. Sonra ana körpəni əmizdirən zaman yorğun əzələlər lazımi səviyyədə işləyə bilmir və uşaq əmmə aktını sona çatdırır. Nəticədə körpə yarıac, yarıtox qalır. Əmziklər həm də infeksiya mənbəyidir. Ətrafda nə qədər bakteriya və mikrob varsa, onlar əmzik vasitəsilə uşağın ağzına keçir. Bu isə körpədə bir sıra xəstəliklərə gətirib çıxarır: "Əmziklərdən istifadə mədə-bağırsaq sistemində cürbəcür yolxucu xəstəliklər törədir. Ağız boşluğunda stomatitlər törədir. Uşaqlarda iştahasızlıq əmələ gətirir. Əmzik, həmçinin, dadbilməyə, həm də nitqin inkişafına mane olur".
Psixoloq Bahar Qafarova bildirdi ki, əmziyin davamlı istifadəsi ağız-diş strukturlarında qalıcı zərərlərə və danışma pozuqluqlarına səbəb ola bilir. Psixoloqun dediyinə görə, əmzik istifadəsinin 2 yaşa qədər buraxılması əhəmiyyətlidir: "Əmziklərin istifadə şəklinə bağlı olaraq ağız və dişlər üzərində mənfi təsirləri ola bilir. Bu vərdiş üst dişlərin önə, alt dişlərin içəriyə doğru getməsinə, damaq quruluşunda daralmağa, alt və üst çənə arasında bağlanış pozuqluqlarına, danışma pozuqluqlarına və estetik problemlərə səbəb olur. Əmzik körpə narahat olduğu vəziyyətlərdə, ya da yalnız yuxuda verilməlidir. Davamlı əmzik istifadə edən uşaqlarda barmaq-dil əmmə və səhv udqunma kimi vərdişlər də müşahidə olunur.
Əmziyin ana südünü kifayət qədər ala bilməyən, uşaq yeməkləri ilə bəslənən, barmaqlarını, ya da geyimlərini davamlı əmmək istəyən, yuxu problemi yaşayan, narahat körpələrdə istifadə edilməsi məsləhətdir. Uşağın ana südünü əmməsini əngəlləməmək üçün əmziyi bir aydan sonra istifadə etmək tövsiyə olunur. Əmzik ümumiyyətlə yuxuya getmək üzrə olan körpəyə verilməli, yuxuya getdikdən sonra ağzından çıxardılmalıdır. Bundan başqa, əmziklərin təmizlənməsinə diqqət göstərilməlidir. Valideynlər, ya da körpənin baxımından məsul kəslər əmziyi təmizləmək üçün əsla öz ağızlarına alıb daha sonra körpəyə verməməlidirlər. Çünki bu vəziyyət körpəyə çürük quruluşlu mikroorqanizmlər daxil olmaqla bir çox mikroorqanizmin yoluxmasına səbəb ola bilər".
Müsahibimiz onu da əlavə etdi ki, köhnəlmiş və yarıqlar meydana gəlmiş əmziklərdən əsla istifadə olunmamalıdır: "0-6 aylıq körpələrə ana döşünə bənzər əmziklər, 6 ay üzərindəki körpələrə isə damaq inkişafını pozmayacaq anatomik başlıqlı əmziklər verilə bilər. Dodaq kənarlarını, çənəni və ağız içərisini qıcıqlandıran əmziklər istifadə olunmamalıdır".

DİGƏR XƏBƏRLƏR

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...