Tibbi arayışı olmayan gənclərin rəsmi nikahı qeydə alınmayacaq

Tarix: 10.10.2014 / 03:02
Bölmə: Sosial

Cəmiyyətin təməlinin sağlamlığı sağlam ailənin hesabına formalaşır. Elə bu səbəbdən də nikaha daxil olan tərəflərə "hə" deməzdən əvvəl hər zaman yüz ölçüb, bir biçmək məsləhət görülür. Sağlamlıq haqqında arayış təqdim etmək isə daha məsləhət mərhələsindən keçib. İndi bu tələb olunacaq.
Artıq Azərbaycanda tibbi müayinədən keçilməsini təsdiqləyən arayışı təqdim etməkdən imtina edən şəxslərin nikah bağlamasına yol verilməyəcək. Milli Məclisdən mətbuata verilən məlumata görə, bu, "Azərbaycan Respublikasının Ailə Məcəlləsində dəyişikliklər edilməsi haqqında" qanun layihəsində qeyd edilib.
Layihəyə əsasən, nikah bağlamaq istəyənlər ərizə ilə yanaşı, müvafiq icra hakimiyyəti orqanı tərəfindən verilmiş və onların tibbi müayinədən keçdiklərini təsdiq edən arayışı da təqdim etməlidir. Nikaha girən şəxslər yaşayış yeri üzrə dövlət və bələdiyyə tibb müəssisələrində pulsuz olaraq müayinədən keçəcək və bundan sonra onlara arayış təqdim ediləcək. Həmin arayış vətəndaşlıq vəziyyəti aktlarının qeydiyyatı orqanlarına təqdim edilir. Müayinənin nəticələri həkim sirridir. Müvafiq icra hakimiyyəti orqanlarının məsuliyyətli şəxsləri nikaha daxil olmaq istəyən şəxslərdən onların tibbi müayinəsinin nəticələrini tələb edə bilməz. Nikaha daxil olan şəxslərdən biri özündə dəri-zöhrəvi xəstəliyinin və insanın immun çatışmazlığı virusunun törətdiyi xəstəliyin olmasını o birindən gizlətdikdə digər tərəf nikahın etibarsız sayılması təklifi ilə məhkəməyə müraciət edə bilər.
Bir çoxları belə fikirləşir ki, ortada sevgi olduqdan sonra gənclərdə hər hansı xəstəlik aşkarlansa belə, onlar sevgilərindən vaz keçməz. Hətta məcburi müayinəni mümkün hesab etməyənlər də var. Amma gələcək nəslin sağlamlığı və artımı ilə bağlı günü-gündən çoxalan problemlərin fonunda məsələnin vacibliyi gözardı edilə bilməz. Ölkədə belə bir qanun olmadığından, günümüzdə həkimlər müayinələrin vacibliyini yalnız məsləhət şəklində çatdıra bilir. Mütəxəssislər hesab edir ki, evlilikdən öncə aparılan müayinələr gələcəkdə daha xoşbəxt ailənin təməlinin qoyulmasına yardımçı olar.
Elə bu səbəbdəndir ki, hazırda Ailə Məcəlləsinə əlavələr və dəyişikliklər edilməsi müzakirə olunur. Əsas diqqət isə ailə quran zaman nikaha daxil olan şəxslərin vətəndaşlıq vəziyyəti aktlarının dövlət qeydiyyatı orqanlarına tibbi müayinədən keçmələri haqqında arayış təqdim etməsinə yönəlib.
Xatırladaq ki, hər il Azərbaycanda nikaha girənlərin sayı təxminən 160 min olur. Onların hardasa yarısı - 70-75 mini bölgələrin payına düşür. Eyni zamanda, qanundankənar nikaha girənlərin sayı təxminən 15 min nəfər olur ki, bu da rəsmi nikaha daxil olanların təxminən 20 faizini təşkil edir. Əgər tibbi arayışla bağlı məsələdə icbarilik nəzərdə tutularsa, o zaman qanundankənar nikaha daxil olanların sayı daha da arta bilər. Ona görə də bir sıra ekspertlər hesab edir ki, daha optimal bir variant tapılmalıdır.
Həkim-ginekoloq Pərvanə Mustafayeva nikahdan əvvəl həyata keçiriləcək müayinələrin gələcək ailə üçün yalnız müsbət nəticələr verə biləcəyini düşünür. Həkimin fikrincə, son illər həm də sonsuzluğun ciddi problem kimi ortaya çıxması qanunvericiliyə dəyişikliyi zəruri edir: "Gənclərin əvvəlcədən müayinə olunması, qeyd olunan məsələ ilə yanaşı, digər problemləri də aradan qaldırmış olar. Hazırda hepatit, QİÇS və bəzi xəstəliklər var ki, bu zaman əvvəlcədən müayinə çox yaxşı olar. Gənclər əvvəlcədən bu barədə bilər və ailə qurmazdan öncə müalicə olunar. Bəzi genetik səbəblər ola bilər ki, bu da qohumla nikaha daxil olan insanların sonradan uşaqlarının olmamasına gətirib çıxara bilər. Ona görə də yoxlamalardan keçmək məsləhətdir".
Həmsöhbətimizin sözlərinə görə, yoxlamalardan sonra gənclərin nə qərar verəcəkləri artıq onların şəxsi işidir: "Nikah bağlamaq istəyən cütlüklərin mütləq arayış təqdim etməsi sevindiricidir. Arayış təqdim etməyən gənclərin nikahının bağlanmaması doğru qərardır".

DİGƏR XƏBƏRLƏR

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...