Azərbaycanda kök adamlar təəccüblü şəkildə çoxalır

Tarix: 09.10.2014 / 02:38
Bölmə: Sosial

Hər kəs az da olsa zaman - zaman köklüyündən şikayət edir. Az hərəkətli həyat tərzi yaşayanlar digərlərinə nisbətən çəkinin artmasına daha çox meylli olur. İngiltərə alimlərinin hesablamalarına görə, 1980-ci ildən bu günə qədər piylənmədən əziyyət çəkən insanların sayı 4 dəfə artaraq təxminən 1 milyarda çatıb.
Statistik rəqəmlərə əsasən, Azərbaycanda 60 faizə yaxın əhali artıq çəkidən əziyyət çəkir. Bunların da əksəriyyəti qadınlardır. Dünya əhalisi arasında piylənmədən daha çox əziyyət çəkənlər isə amerikalılardır. Əsas səbəb də bu ölkədə fast - foodlara üstünlük verilməsidir. Ümumiyyətlə, həkimlər elə kökəlmənin əsas səbəblərindən birini düzgün qidalanmamaqda görür.
Həkim-dietoloq Günay Ağayevanın sözlərinə görə, piylənmənin ən birinci səbəbi qida rejiminin pozulmasıdır: "Pasientlərim arasında kökəlmədən əziyyət çəkənlər daha çox evdar xanımlardır. Yaş fərqini götürəndə isə 15-18 yaşlarında olan gənclərin əksəriyyətində də piylənmə geniş yayılıb. Buna səbəb qida rejiminin pozulmasıdır, yəni səhər, günorta heç nə yeməyən insanlar axşam yetərindən artıq yeyirlər. Qida rejiminin pozulması isə, öz növbəsində, maddələr mübadiləsinin pozulmasına səbəb olur və nəticədə piylənmə yaranır. Azərbaycanlı xanımlar həmçinin şirniyyata çox meyllidir, onlarda xolesterinin səviyyəsi çoxdur. Bu da piylənmənin yaranmasına səbəb olur".
Həkim-dietoloq yeniyetmə qızlarla yanaşı, oğlanlarda da piylənmə probleminin yaşandığını deyir: "15-18 yaşında olan oğlanlarda piylənmə çox müşahidə olunur. Ümumiyyətlə, kişilər yağlı yeməkləri daha çox sevirlər. Avropalı güclü cins nümayəndələri bizim kişilərlə müqayisədə həddən artıq arıqdırlar, onların normal bədən forması var".
Həmsöhbətimiz qeyd etdi ki, bu gün həm qadınların, həm də kişilərin 70-80 faizi piylənmədən əziyyət çəkir: "Hətta 18 yaşında olan gənc qızlar belə hazırda bizə müraciət edir. Onların çəkisi 35-40 yaş arasında olan xanımların çəkisinə bərabərdir. Halbuki, bu yaşda olan qadınların normal çəkisi 50-52 kq, 22-28 yaş arasında olan xanımların çəkisi isə 57-58 kq olmalıdır. Amma, təbii ki, burada boy mütləq nəzərə alınır. Məsələn, 160 sm boya malik qadının çəkisi 58 kilodursa, təbii ki, bu, artıq piylənmədir. Belə olduğu təqdirdə xanımın normal çəkisi 52 kq olmalıdır. İnternetdən götürülən arıqlama reseptlərinin istifadəsi düzgün deyil. Hər bir insanın öz qida rejimi olmalıdır. Yanlış reseptlerlə arıqlamada bədəndəki su da gedir, piy isə yenə də yerində qalır. Müəyyən vaxtdan sonra ikiqat piylənmə baş verir".
G.Ağayeva onu da əlavə etdi ki, piylənmə həmçinin genetik, patoloji, qidalanma ilə əlaqədardır: "Bizdə piylənmə daha çox qidalanma ilə əlaqədar olur. İnsanlar sağlam qidalanmaq istəmir. Sağlamlıq üçün ən zərərli qidalar - şəkər, duz, ağ undan imtina etmirlər. Uşaqlar makaron, kartof yediklərinə görə onlar arasında da piylənmə artıb. Erkən yaşda piylənmə isə daha təhlükəli hesab olunur. Nəticədə piylənmə şəkərli diabet, hipertoniya, beyin-qan dövranı pozulması kimi xəstəlikləri də özü ilə birlikdə gətirir. İnsanlar bilməlidir ki, bütün xəstəliklərin əsas səbəbi piylənmədir".
Ekspert onu da bildirdi ki, arıqlamaq üçün fiziki fəallığı artırmaq, qidanın miqdarını azaltmaq lazımdır. Bununla artıq çəkidən xilas ola bilmirlərsə, pəhriz saxlamalıdırlar:
"Pəhriz seçilərkən həmin insanın metobolizması nəzərə alınmalıdır. Bu məsələdə fərdiliyə diqqət edilməsi başlıca prinsipdir. Düzgün istiqamət seçilərsə, müsbət nəticə əldə olunacaq. Kiminsə dediyinə uyğun saxlanan pəhriz çəki itirmənizə səbəb olsa da, ömür boyu əzab çəkəcəyiniz, ya da ölümünüzə səbəb olacaq nəticələr verə bilər. Pəhriz saxlayanlar qidanın miqdarını yox, kalorisini azaldıb, hərəkətliliyi artırsalar, qısa zamanda müsbət nəticə əldə edəcəklər. Təkcə pəhrizlə çəkini azaltmaq mümkün deyil. Bu müvəqqəti ola bilər. Yaz fəsli arıqlamaq üçün ən ideal dövrdür".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...