Əla məktəb qiymətlərini doğrultmayan şagirdlərə görə məsuliyyəti kim(lər) daşıyır?

Tarix: 03.10.2014 / 02:58
Bölmə: Sosial

Bu il orta məktəbi "5"-lə bitirən məzunların 50 faizindən çoxu attestat qiymətlərini qəbul imtahanlarında doğrulda bilməyib. Tələbə Qəbulu üzrə Dövlət Komissiyasından mətbuata verilən məlumata görə, bu il tam orta məktəbi bütün fənlərdən "3" qiymətlə başa vuran məzunların 97,47%-nin qəbul imtahanlarındakı nəticələri də çox zəif - 0-200 bal intervalında olub.
"5" qiymətlə bitirən məzunların isə yalnız 42,26 faizi attestat qiymətlərini doğrulda bilib. Bu da məktəblərdə verilən aşağı qiymətlərin obyektiv olduğunu, yüksək qiymətlərin isə nisbətən şişirdildiyini göstərir.
Ötən illə müqayisədə bu il qəbul imtahanlarından "2", "4" və "5" qiymət alanların faizi artıb, "3" qiymət alanların faizi isə azalıb. Bu dəyişiklik ali təhsil müəssisələrinə qəbul imtahanlarında iştirak edənlərin sayında da özünü göstərir. 1992-2013-cü illər ərzində ali təhsil müəssisələri üçün ən çox plan yerləri 2013-cü ildə, ən az 1993-cü ildə ayrılıb. Abituriyent ərizələrinin sayı isə ən az 1992-ci ildə, ən çox 2008-ci ildə olub. TQDK hesab edir ki, gələcəkdə ali təhsil müəssisələrinə plan yerləri ayrılarkən mövcud reallıqlar nəzərə alınmalı, qəbul planında kəskin sıçrayışlar edilməməli, gələcək perspektivlər müəyyən edilməli və buna uyğun uğurlu qəbul planı siyasəti aparılmalıdır.
Şübhəsiz ki, məktəbi əla qiymətlərlə bitirən məzunların yarısının qəbul imtahanlarında aşağı göstərici ortaya qoyması olduqca üzücü haldır. O mənada ki, burada söhbət çoxlu sayda belə məzunun olmasından gedir. Məktəbi əla qiymətlərlə bitirib qəbul imtahanlarında aşağı nəticə göstərən şagirdlərin faizi kiçik olsaydı, bunu hardasa başa düşmək olardı. Ancaq bunun 50 faiz olması yetərincə böyük göstəricidir. O baxımdan bu cür aşağı nəticəyə görə kim məsuliyyət daşıyır? Müəllimlər, Təhsil Nazirliyi, yoxsa valideynlər?
Məsələyə münasibət bildirən təhsil eksperti Əjdər Ağayevin sözlərinə görə, bu cür aşağı nəticənin ortaya qoyulmasında hər bir tərəfin üzərinə məsuliyyət düşür: "Xüsusən də məktəblərin. Yəni şagirdlərə şişirdilmiş qiymətlər verildiyi üçün belə hallar yaranır. Şişirdilmiş qiymət problemi kənd rayonlarında özünü daha çox büruzə verir. Etiraf etmək lazımdır ki, bu gün Azərbaycanın təhsil sistemində faydalı islahatlar həyata keçirilir. Bunun nəticəsidir ki, artıq təhsil sahəsində mövcud olan bəzi neqativ hallar aradan qaldırılıb. Ancaq biz bu sahədə tam müsbət nəticədən danışa bilmərik. Çünki təhsil elə bir sektordur ki, burada həyata keçirilən islahatların nəticəsi dərhal hiss olunmur. Güman edirəm ki, "Təhsilin İnkişafı üzrə Milli Strategiya"ya dair mexanizmlər təsdiqini tapdıqdan sonra bu problemlər də aradan qalxacaq. Digər tərəfdən, ölkə Prezidentinin müvafiq göstərişinə əsasən, gələn il yanvarın 1-dən etibarən rayon təhsil şöbələri ləğv olunaraq onların bazasında regional təhsil idarələri yaradılacaq. Bu o deməkdir ki, növbəti ildən təhsil idarələrinin işinə təhsilə aidiyyəti olmayan şəxslər müdaxilə edə bilməyəcək. Yəni sözügedən qurumlar yalnız Təhsil Nazirliyinin göstərişi əsasında fəaliyyətini quracaq. Nəticədə orta məktəblərdə nizam-intizam artacaq, müəllimlər öz işlərinə daha məsuliyyətli yanaşacaq və kimlərinsə xahişi ilə hansısa şagirdə şişirdilmiş qiymət yazmayacaq".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...