Qəbir daşları məsələsinin qanuna salınması fikirləri ciddiləşir

Tarix: 02.10.2014 / 04:02
Bölmə: Sosial

Dəbdəbəli yas mərasimlərinə son qoyulması ilə bağlı təklif və fikirlər hələ də ciddi müzakirə mövzusu olaraq qalır. Həmçinin qəbiristanlıqlarda ucaldılan bahalı başdaşları məsələsi də cəmiyyəti, eləcə də dövləti, ziyalıları, ilahiyyatçıları narahat etməkdədir.
Bu günlərdə Dini Qurumlarla İş üzrə Dövlət Komitəsinin sədri Mübariz Qurbanlı mətbuata açıqlamasında bildirib ki, qəbir daşları məsələsi olduqca acınacaqlıdır: "Bəzən elə hallar olur ki, qəbir daşlarının qiyməti bir neçə min manatla ölçülür. Bu ənənə son 50-60 ildə meydana gəlib. Günümüzdə istənilən qəbiristana gedib bunun şahidi olmaq mümkündür. İlahiyyatçılarımız da yəqin bu fikri təsdiq edərlər ki, İslam dininə görə, müəyyən dövr keçdikdən sonra qəbir yerləri itməlidir. Amma bu tendensiya davam edərsə, Abşeron yarımadası bir müddətdən sonra bütünlükdə məzarlığı xatırladacaq, qəbiristanlıqlar isə özü-özlüyündə panteona çevriləcək".
M.Qurbanlının sözlərinə görə, Azərbaycanda qəbir daşları ilə bağlı nizam-intizam yaradılmasına ciddi ehtiyac var: "Bahalı qəbir daşları ilə əlaqədar məsələnin qanunla, yaxud qaydalar formasında tənzimlənməsi zəruriləşib. Bu təkcə Dini Qurumlarla İş üzrə Dövlət Komitəsinin işi deyil, problem müvafiq dövlət qurumları ilə yanaşı, ictimaiyyətin də yaxından yardımı ilə həll olunmalıdır. İstənilən sivil ölkədə qəbiristanlıqlarla bağlı məsələlər konkret müəyyən edilmiş qaydalarla tənzimlənir. Məsələn, qəbirlərin düzülüşü, onların ölçüləri konkret qaydalar əsasında aparılır. Bu qaydalara əsasən, qəbirlər bir-birindən kəskin fərqlənməməlidir".
Komitə sədri vurğulayıb ki, hazırda belə layihə üzərində iş gedir: "Qəbiristanlıqların yaradılması, onların idarə olunması, dəfn və məzarların qeydiyyatı məsələləri, eləcə də qəbir daşlarının eyni ölçüdə və formada hazırlanması qaydalarla tənzimlənməlidir. Belə olan halda heç kim bahalı məzar daşları, heykəllər qoya bilməyəcək. Qəbir daşları vəfat etmiş insanın sosial statusunu, varlı, yaxud kasıb olmasını müəyyənləşdirən meyara çevrilməməlidir. Bütün məzarlar standart ölçüdə olmalıdır. Heç kəs qəbiristanlıqlarda əlavə yerləri hasara alıb zəbt etməməlidir. Məzar yerləri sıra şəklində qeydiyyat nömrələrinin ardıcıllığına uyğun olaraq ayrılmalıdır. Düşünürəm ki, bu qanun qəbul ediləndən sonra biz məsələni nizamlaya bilərik. Lakin qanunların geriyə tətbiqi mümkün olmadığına görə bu qaydalar yalnız yeni salınan məzarlıqlara və yaxud mövcud qəbiristanlıqlardakı boş yerlərə şamil oluna biləcək".
Millət vəkilləri və ictimai xadimlər qəbir daşı və məzar yeri məsələsinin nizamlanmasının tərəfdarıdır. Onlar məlum məsələ ilə bağlı qanun layihəsinin hazırlanması və qəbul olunmasını dəstəkləyirlər.
Milli Məclisin Sosial siyasət komitəsinin üzvü, millət vəkili Musa Quliyev sözlərinə görə, dəfn işi və qəbiristanlıqlar haqqında qanunun qəbuluna ehtiyac var: "Bu qanun layihəsinin hazırlanmasında Rusiya və Türkiyə təcrübəsindən yararlanmaq olar. İnsan dünyasını dəyişdikdən sonra onu məzarlıqda belə fərqləndirmək əslində çox ağılsız bir fikirdir. Əslində məzar daşı bir nişanədir. Onu dəbdəbəli hazırlatdırmaq, bahalı daşdan sifariş verməyin nə mərhuma, nə də onun yaxınına heç bir xeyri yoxdur. Ölünün üstündə mavzoley tikmək, sərdabə ucaltmaq artıq xərcdir. Ona görə də bu məsələ qanunla tənzimlənsə yaxşı olar".
M.Quliyevin sözlərinə görə, bu məsələdə icra başçıları, millət vəkilləri digər insanlara nümunə olmalı, yaxınlarının məzar daşlarını bahalı, dəbdəbəli yox, sadə etməlidirlər.
Şərqşünas Seyid Camal Əzimbəyli də qəbir daşları haqqında qanunun qəbul olunmasının tərəfdarı olduğunu dilə gətirdi. Onun sözlərinə görə, bu gün məzarlıqlarda iki növ qəbir daşlarına rast gəlinir: "Sadə və təmtəraqlı qəbir daşları. Təmtəraqlı qəbir daşlarını əsasən qara mərmərdən hazırlayırlar. Bunun qiyməti yüksəkdir. Hətta qəbir daşının üzərinə şeir yazdıranlar da az deyil. Şeirin yazılmasının öz qiyməti var. Bu səbəbdən də, düşünürəm ki, qəbir yerləri və qəbir daşları haqqında qanun tərtib olunmalıdır. Həmin qanun layihəsində də qəbrin standart olması xususi qeyd olunmalıdır. Tutduğu təbəqədən asılı olmayaraq hər kəsin qəbri eyni olmalıdır. Bu səbəbdən də məzar yeri və qəbir daşları məsələsinin qanunvericiliklə nizamlanmasının tərəfdarıyam".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...