Şou müğənnilərin canlı efirdə doğmaq hoqqası cəmiyyəti hiddətləndirib

Tarix: 01.10.2014 / 02:17
Bölmə: Sosial

Şou-biznes nümayəndələri hər zaman ictimaiyyəti şoka salacaq, mənasız hərəkətlər etməyə davam edirlər. Müğənnilərin bir-birini təhqir etməsi artıq ictimaiyyət üçün adi hala çevrilib. Bu səbəbdən də müğənnilər gündəmdə qalmaqdan ötrü yenilik axtarışında olurlar. Amma onların bu yeniliyi sənətlə bağlı olmur.
Müğənnilərdən biri idarə etdiyi avtomobilin nömrə yerinə öz adını yazdırır, digəri efir zamanı masanın üzərində olan şüşə qabları sındırır. Şou nümayəndələrinin yadda qalmaq üçün əl atdıqları eybəcərliklər bununla bitmir. Bu günlərdə müğənni Rəqsanə telekanallardan birində hər kəsi heyrətləndirəcək ifadə işlədib.
Müğənni övladını canlı efir zamanı dünyaya gətirəcəyini deyib: "Bir-birimizi qırırıq. O toy mənim olsun, bu toy mənim olsun deyirik. Hamımız pul dalınca qaçırıq. Qoy mənim milyonlarım, maşınlarım, villalarım olmasın. Əvəzində təmiz ürəyim var". Haqqında süni mayalanma yolu ilə ana olmağa çalışdığı deyilən sənətçi bunları bildirib: "Sonsuz deyiləm, təbii yolla ana ola bilərəm. Bunu çox istəyirəm. Üçüncü dəfə hamilə qalsam, bəlkə uşağımı efirdə, hansısa verilişdə dünyaya gətirdim. Bu da yenilikdir. Dünyada da belə bir şey var. Hətta türkiyəli müğənni Petek Dinçöz də belə açıqlama verib ki, uşağımı canlı yayımda dünyaya gətirəcəm".
Müğənninin bu açıqlaması ölkə ictimaiyyəti tərəfindən kəskin qınaqla qarşılanır. Ölkə ictimaiyyətinin nümayəndələri Rəqsanənin bu açıqlamasından sonra onun efirə buraxılmamasını tələb edirlər.
Ümumiyyətlə, canlı efirdə övlad dünyaya gətirmək nə deməkdir? Televizor hər bir evdə "dəvətsiz qonaq" kimidir. Uşaqdan tutmuş, böyüyə qədər hər kəs televizora baxır. Televizora baxan adamların efirdə doğuş prosesini görməsi nə dərəcədə doğrudur?
Sosioloq Əhməd Qəşəmoğlu "Bakı-Xəbər"ə açıqlamasında qeyd etdi ki, müğənninin canlı efir zamanı uşaq dünyaya gətirəcəyi barədə ifadə işlətməsi onun əxlaqının hansı səviyyədə olduğunu bir daha sübut edir.
Müsahibimizin sözlərinə görə, hər bir azərbaycanlı öz mənəviyyatını göz bəbəyi kimi qorumalıdır. Hər bir xalqın inkişafında mənəviyyatın hansı səviyyədə olması böyük rol oynayır: "Şərq adət-ənənəsinə görə, əxlaq normaları, daxilinlə ahəng pozulmamalıdır. Türk mədəniyyəti hər zaman bu cür mənəviyyatsızlıqlara qarşı olub. İstər Şərq, istərsə də Qərb ölkələrində ictimaiyyətin qarşısında doğuş prosesini həyata keçirmək mənəviyyatsızlıq kimi qəbul olunur. Azərbaycanı sevməyən qüvvələr müğənninin mənasız çıxışını xoş qarşılayar və belə bir hadisənin bizim ölkədə həyata keçməsi üçün əlindən gələni edər. Amma maraqlıdır, hansı telekanal razı olar ki, orda qadın canlı efir zamanı uşaq dünyaya gətirsin? Müğənninin doğuş prosesini yayımlayacaq telekanalı ilk olaraq mən məhkəməyə verəcəm".
Musiqişünas Telman Ələkbərovun sözlərinə görə, bəzi müğənnilər gündəmdə qalmaq üçün ağızlarına nə gəldi danışırlar: "Yetər ki, mətbuatda, telekanallarda onun haqqında yazılsın, danışılsın. Məncə, danışığını bilməyən, özünü apara bilməyən müğənni efirə buraxılmamalıdır. Hətta bu cür əxlaqsız ifadə işlədən şou nümayəndələri məsuliyyətə cəlb olunmalıdır. Çünki bəzi müğənnilər gənclərin mənəviyyatını pozur. Əgər müğənni efirə çıxıb mən övladımı canlı efir zamanı dünyaya gətirəcəm deyirsə, hansı telekanalda bu ifadəni işlədibsə, qanun çərçivəsində kanala cərimə və ya cəza tətbiq olunmalıdır. Günah müğənnidə deyil, günah onu efirə buraxandadır. Danışığını bilməyən şəxsi efirə buraxmaq düzgün deyil".

DİGƏR XƏBƏRLƏR

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...