Keyfiyyətsiz qida istehsalçılarının doğum evləri ilə çirkli işbirliyi cəhdləri...

Tarix: 30.09.2014 / 02:48
Bölmə: Sosial

Azərbaycanın baş pediatrı, professor Nəsib Quliyev mətbuata açıqlamasında süni uşaq qidalarının satışı ilə bağlı bir sıra diqqətçəkən məqamlara toxunub.
Onun sözlərinə görə, bu işlə məşğul olan bəzi firmalar həkimlərlə əlaqəyə girərək valideynləri bu qidaları almağa sövq edir: "Süni uşaq qidalarının satışı ilə məşğul olan firmaların nümayəndələri doğum evləri və doğuşa yardım müəssisələrinə gedərək həkimlərlə işbirliyinə girir, buna cəhd edirlər. Bu şirkətlərin qanunsuz təklifi ilə razılaşıb təzə doğulmuş körpələrə ana südü əvəzinə süni uşaq qidaları təyin edən həkimlərə, tibb işçilərinə də tez-tez rast gəlinir. Lakin bununla bağlı məlumat daxil olan kimi tədbir görülür, qarşısı alınır". N.Quliyevin fikrincə, ana südü əvəzsizdir və həkimlərdən tələb olunur ki, yenicə ana olan gənc qadınlara ana südünün üstünlüyü ilə bağlı ətraflı məlumat versinlər: "Lakin süni qida satan firmalar müxtəlif yollarla həkimlərlə "dil tapmağa" cəhd edir, onlara işbirliyi, satışdan gələn gəlirin bölünməsini təklif edirlər. Səhiyyə Nazirliyi isə belə halların qarşısını alır. Süni uşaq qidalarının tərkibi inək südündən ibarətdir. Doğrudur, qidaların hazırlanması üçün tərkibinə müəyyən elementlər qatılır. Ancaq fikir verin, quş, inək, fil və ya dovşan öz balasını öz südü ilə qidalandırır. Lakin şüurlu insan süni qidalara üstünlük verir. Analar bilməlidir ki, bu dünyada onun südü qədər balasına şəfa verən ikinci bir nemət yoxdur". Həqiqətən də bu sahədə bir sıra problemlər var. Müşahidələr göstərir ki, müxtəlif adda süni uşaq qidaları müxtəlif vasitələrlə reklam olunur. Mütəxəssislərin zaman-zaman ana südünün əvəzsizliyi barədə səsləndirdiyi tövsiyələr süni uşaq qidaları ilə bağlı reklamların kölgəsində qalıb. "Körpə və erkən yaşlı uşaqların qidalandırılması haqqında" qanunda süni uşaq qidalarının reklamına qadağa qoyulmasına rəğmən, özəl telekanallar buna tam əməl etmir. Reklamla kifayətlənməyən sözügedən işbazlar həkimləri müxtəlif vasitələrlə ələ almağa çalışır. Bu kimi məsələlərin həll yolunu ekspertlər nədə görür?
Sözügedən məsələ ilə bağlı fikirlərini "Baki-Xəbər"lə bölüşən Azad İstehlakçılar Birliyinin rəhbəri Eyyub Hüseynovun sözlərinə görə, bunun qarşısını almaq üçün bir sıra kompleks tədbirlərin görülməsinə ehtiyac var: "Gərək ölkənin baş pediatrı bunu indi yox, on il bundan əvvəl deyəydi. O zaman bunun daha səmərəli effekti olardı. Məsələ ondadır ki, artıq süni uşaq qidalarının qiyməti 3 dəfə bahalaşıb və faktiki olaraq əhalinin ailə büdcəsinə təsir göstərir. Tələbat artdığı üçün qiymətlər də qalxıb. Bütün bunların nəticəsidir ki, Azərbaycanda uşağın ana südü ilə qidalandırılması səviyyəsi aşağıdır. Qadınlar müxtəlif səbəblərdən bunda maraqlı olmur. Ancaq bunu yaradan başlıca səbəblərdən biri süni uşaq qidaları ilə bağlı aparılan reklam və digər tədbirlərdir. AİB ana südünün təbliği ilə bağlı bir sıra layihələr həyata keçirib. Ancaq tək bizim gördüyümüz işlərlə problem həll olunmur. Problemin qarşısını almaq üçün pediatorlarla süni uşaq qidalarının satışı ilə məşğul olan distribüterlərin əlaqəsini qanunla məhdudlaşdırmaq lazımdır. Uşaq dünyaya gələn kimi, doğum evlərində həkimlərin uşağa süni qida təyin etdikləri barədə bizə şikayətlər daxil olur. Bu azmış kimi, anaya süni qida hədiyyə olunur. Belə hallar çoxdur. Ona görə də bununla məşğul olan pediatrlara qarşı qanunla daha sərt tədbirlər görülməlidir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...