Universitetlərdə bəzi tələbə borclarının silinməsi təcrübəsi yayıla bilər

Tarix: 30.09.2014 / 02:44
Bölmə: Sosial

Azərbaycan Dövlət İqtisad Universiteti Elmi Şurasının 2014/2015-ci tədris ili üçün ilk iclası keçirilib. İclasda universitetin rektoru, professor Ədalət Muradov ölkədə ilk dəfə yaradılan SABAH qruplarında 7 baza ali təhsil müəssisəsi arasında ADİU-nun I yerdə dayandığını bildirib.
Elmi Şurada ADİU-da kadr potensialını artırmaq məqsədilə görülən işlərdən də danışılıb. Bildirilib ki, universitetin "İşçilərin işə qəbulu və yerdəyişməsi" komissiyasına 309 nəfər müraciət edib. Onlardan 75 nəfərinin vəzifəsi artırılıb, 20 nəfərə yaxın xaricdə təhsil almış ərizəçi işə götürülüb. Bu sahədə işin davam etdiriləcəyi qeyd olunub.
İclasda oktyabrın 1-dən etibarən ADİU əməkdaşlarının əməkhaqlarının 15% artırıldığı bildirilib. Universitetin maliyyə bazası artdıqca əməkhaqlarının daha da yüksələcəyi vurğulanıb. 10 nəfər 75-80 yaşlı dosentin könüllülük prinsipi əsasında təqaüdə çıxacağı təqdirdə birillik əməkhaqlarının həmin gün onlara təqdim olunacağı bildirilib.
Diqqətçəkən məqamlardan biri də ondan ibarətdir ki, şura üzvləri Xüsusi İstedadlar fakültəsinin 74 tələbəsinin 275 min manat həcmində yığılmış təhsil haqqı borcunu da müzakirə ediblər. Qərara alınıb ki, bu borc ADİU-nun vəsaiti hesabına ödənilsin.
Məlumat üçün qeyd edək ki, ADİU son zamanlar bir sıra yenilikləri tətbiq edir ki, bu da müəyyən marağa səbəb olub. Bir müddət əvvəl sözügedən ali məktəbdə daxili intizam qaydalarına edilən dəyişikliklərə əsasən, dərs müddətində mobil telefondan istifadə qadağan edildi. Bu baxımdan tələbələrin təhsil haqqı borcunun silinməsi rəğbətlə qarşılanan humanist bir addımdır. Analoji qərarın digər ali məktəblərdə də tətbiqinə ekspertlər necə baxır?
Sözügedən məsələni dəyərləndirən təhsil sahəsi üzrə ekspert Rafiq İsmayıl hesab edir ki, prinsipcə, digər ali məktəblər də analoji addım ata bilər: "Hesab edirəm ki, belə bir qərarın verilməsi pozitiv bir addımdır. Çünki ali məktəbin ödənişli fakültələrində təhsil alan tələbələrin heç də hamısı rahat şəkildə təhsil haqqını ödəmək imkanına malik deyil. Bəziləri istedadlı olmalarına rəğmən, təhsil haqqını ödəməkdə çətinliklə üzləşir. Nəticədə həmin tələbələrin borcu yığılır. Elə savadlı tələbə var ki, təhsil haqqını ödəyə bilmədiyi üçün təhsilini yarımçıq qoymalı olur. Ona görə də yaxşı olardı ki, digər ali məktəblər də analoji addım atsın. Düzdür, bu məsələdə hansısa ali məktəbi məcbur etmək də olmaz. Yəni belə addım doğru sayılmaz. Ancaq, hər halda, ali məktəbləri buna təşviq etmək lazımdır ki, imkanları daxilində bu addımı atsınlar. Xüsusən də yaxşı oxuyan və maddi durumu çətin olan tələbələrin təhsilə görə yaranan borcunun silinməsi daha məqsədəuyğundur".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...