Azərbaycanda eynicinslilərin nişan rüsvayçılığı...

Tarix: 26.09.2014 / 02:43
Bölmə: Sosial

Bir neçə gün öncə paytaxtda ilginc olay baş verib. Belə ki, eynicinslilər nişanlanıb. Eynicinslilərin nişanlanması barədə xəbəri sosial şəbəkə vasitəsilə ictimaiyyətə çatdırıblar. Məlumat üçün qeyd edək ki, nişanlanan cütlüklərdən biri "Nəfəs LGTB" təşkilatının rəhbəri Atilla Caviddir. O, eynicinsli sevgilisilə nişanlanmasını şəxsi "Facebook" səhifəsində elan edib və bunları qeyd edib:
"Biz bunu etdik. Hünəri, cəsarəti olan (?!- red.) hər kəsə qismət olsun. Unutmayın ki, sevginin cinsi yoxdur. Bu hadisəni bəyənməyənlərdən xahiş edirəm ki, fikirlərinizi və dedi-qodularınızı özünüzə saxlayın. Xoşbəxt günümüzə sevinən hər kəsə təşəkkürlər".
Eynicinslilərin Azərbaycanda nişanlanması xəbəri ölkə ictimaiyyətinin bütün təbəqələri tərəfindən sərt qarşılandı.
Bu xəbərə münasibət bildirənlər isə daha çox qınaq nöqteyi-nəzərindən çıxış edir. Müqəddəs kitabımız olan "Qurani-Kərim"in bəzi surələrində cinsi azlıqlar, homoseksuallarla bağlı konkret ayələr var. Müqəddəs kitabda homoseksuallığın çox çirkin bir iş olduğu uca Rəbbimiz tərəfindən dönə-dönə xatırladılır.
Adıçəkilən məsələ daha çox Lut əleyhissalamla bağlı ayələrdə keçir. "Qurani-Kərim"in "Hud", "Əl-Əraf", "Əl-Hicr", "Əl-Ənbiya", "Əş-Şuəra", "Ən-Nəml", "Əl-Qəsəs", "Əl-Ənkəbut", "Əs-Saffat" surələrində Lut peyğəmbərdən və onun tayfasının başına gələn bəladan söhbət açılır. Məlum olur ki, Lut tayfasının kişiləri kişilərlə yaxınlıq edirmiş. Lut peyğəmbər onları bu çirkin işdən uzaqlaşmağa çağırır və Rəbbinin əmrlərini deyir. Onlarsa peyğəmbərə istehza edib öz çirkin əməllərini davam etdirməkdə qərarlı olurlar. Allah-təala tərəfindən

Lut peyğəmbərin yanına elçilər - mələklər göndərilir və mələklər peyğəmbəri bu zalım tayfanın başına gətiriləcək fəlakətdən xəbərdar edirlər. Peyğəmbərə ailəsini götürüb gecə ikən şəhərdən çıxmaq əmr edilir. Peyğəmbər şəhəri tərk etdikdən sonra günahkar, fasiq tayfa məhv edilir. Bu barədə "Əl-Əraf" surəsində belə deyilir: "Bir zaman o öz tayfasına demişdi: Sizdən əvvəl bəşər əhlindən heç kəsin etmədiyi həyasızlığı (kişilər arasında olan cinsi əlaqəni) sizmi edəcəksiniz? Siz qadınları atıb şəhvətlə kişilərin üstünə gəlirsiniz. Siz doğrudan da həddi aşmış bir tayfasınız. Biz Lutu və ailəsini xilas etdik. Yalnız övrəti həlak oldu (öz gizli küfrü səbəbilə). Onların üstünə yağış (kibrit və əzabla yoğrulmuş əzab yağışı) yağdırdıq. Bir gör, günahkarların axırı necə oldu! Lut tayfasının yaşadığı Sədum şəhərinin xarabaları yolun üstündə (Məkkədən Şama gedilən yol) hələ də durmaqdadır". "Hud" surəsində də bu barədə danışılır. Bildirilir ki, mələklər gənc oğlan qiyafəsində gəlirlər. Lut peyğəmbər tayfasının onlara zərər toxunduracağından, onlara qarşı rüsvayçı əməllər edəcəyindən qorxub, gələnləri öz qızları kimi təqdim edir və onlarla şəriətə müvafiq davranmalarını istəyir. "Məni rüsvay etməyin" deyir. Onlarsa "sənin qızlarına heç bir rəğbətimiz olmadığını bilirsən. Nə istədiyimizi də bilirsən", deyirlər. "Lut tayfasının məhvi barəsində əmrimiz gəldiyi zaman o yurdun altını üstünə çevirdik və üzərinə odda bişmiş bir-birinə bitişik bərk daşlar yağdırdıq. Onlara Rəbbinin dərgahında əlamət qoyulmuşdu. Hər daş kimə dəyəcəkdisə, üstünə adı yazılmışdı. (Ya Muhəmməd!) o daşlar sənin ümmətin içərisində olan zalimlərdən də uzaq deyildir".
Quranı Kərimdə eynicinslilərin münasibəti birmənalı olaraq qəbul edilməyib və bunun ən böyük günah olduğu qeyd olunub. Qeyd edək ki, tək dinimizdə deyil, elə Azərbaycan qanunvericiliyində də eynicinslilərin nikah bağlaması qadağandır.
Millət vəkili Musa Quliyevin sözlərinə görə, homoseksuallıqla bağlı heç bir qanunverici akt qəbul olunmayıb: "Bəlkə məhz bunu əsas gətirərək eynicinslilər nikaha daxil olduqlarını bildirirlər. Amma eynicinslilər arasında rəsmi nikah bağlana bilməz, çünki Ailə Məcəlləsində nikaha daxil olan cütlüklər ər və arvad olaraq göstərilir. Eynicinslilərin nikaha daxil olması rəsmi qaydada mümkün deyil. Onlar sadəcə vətəndaş nikahında ola bilər. Vətəndaş nikahı ilə yaşayan nə qədər insan var".
Şərqşünas Seyid Camal Əzimbəyli bizimlə söhbətində qeyd etdi ki, Azərbaycan inkişaf etmiş, dünyaya inteqrasiya edən ölkə olsa da, belə hadisələr bizim ölkə üçün xas deyil: "Ölkə başçısı dəfələrlə vurğulayıb ki, müasir elmlərlə yanaşı, milli-mənəvi dəyərlərə də yiyələnmək lazımdır. Yəni bizim kənar təsirlərin qarşısında mənəvi immunitetimiz olmalıdır. Bu immunitet də bizi mədəniyyətimizə, mənəviyyatımıza xas olmayan ziyanlı təsirlərdən qorumalıdır. Ona görə də, belə düşünürəm ki, bu tip nikahların Azərbaycanda geniş yayılması, ümumiyyətlə, mümkün deyil və Azərbaycanın mənəvi dəyərlərinə ziddir".

DİGƏR XƏBƏRLƏR

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...