Sosial şəbəkənin yeni fəsadları - qız kütləvi zorlanmaya məruz qaldı

Tarix: 25.09.2014 / 03:08
Bölmə: Sosial

"İnternetdə tanışlıq, çatlaşmalar cəmiyyəti uçuruma aparır, bu mesajlaşmalar bir gün evimizi yıxacaq" deyənlərin sözü təsdiqini tapır. Artıq internetin əsirinə çevrilən azyaşlı qızlar çatlaşma ilə kifayətlənməyib, tanış olduqları oğlanlarla birgə yaşamağa can atırlar. Elə onların bu istəyi də evdən qaçan 15 yaşlı qızların sayını sürətlə artırıb.
Məktəb şagirdlərinə qarşı nəzarətin zəifliyi nəticəsində bir çox nüanslar gözdən yayınmağa başlayır. Sonra baş verən hadisələrin isə qarşısını almaq mümkün olmur.
Övlada həddindən artıq sərbəstlik verilməsi nəticəsində məktəb şagirdlərinin xoşa gəlməyən xəbərləri, xüsusən də məktəbli qızların evdən getmə halları artıb. Belə ki, valideynlərinə acıq edərək evdən qaçan daha iki məktəbli qız "ov tilov"una düşüb. Qeyd edək ki, dünən Azərbaycanda 14 yaşlı qızın cinsi zorakılığa məruz qalması barədə hüquq-mühafizə orqanlarına məlumat daxil olub. Bir neçə gün əvvəl Zərdab rayonunda Ağdaş rayon sakini olan yeniyetmə qız zorlanıb. Məlumatda bildirilir ki, Ağdaş şəhərində yaşayan 14 yaşlı S.M və onunla qonşuluqda yaşayan 15 yaşlı A.H bir neçə gün əvvəl analarına acıq edərək evdən qaçıblar. Onlar əvvəlcədən internetdən tanış olduqları və sosial şəbəkədə Vüqar adı ilə qeydiyyatdan keçmiş Zərdab şəhər sakininin dəvəti ilə həmin rayona gediblər. Lakin burada həmin şəxs qızları qarşılamayıb və onları evdə yerləşdirməyib. Qızlar axşam saatlarında Zərdabda çaş-baş vəziyyətdə var-gəl ediblər, qalmağa yer, otel axtarıblar. Bu zaman rayondakı bir qrup oğlan qızların arxasınca düşüb və onlara seksual xarakterli təkliflər ediblər. Polisə daxil olan müraciətdə qeyd olunur ki, 14 yaşlı S.M bir neçə oğlan tərəfindən zorla cinsi əlaqəyə məcbur edilib. Səhər saatlarında hər iki qız polis tərəfindən aşkar edilərək şöbəyə gətirilib və daha sonra ailələrinə təhvil verilib.
Hazırda faktla bağlı araşdırmalar davam etdirilir.
Məsələ ilə bağlı fikir bildirən sosioloq Aytəkin Kamranqızı bizimlə söhbətində bildirdi ki, tanışlıq saytları narkomaniyadan daha təhlükəlidir. Onun sözlərinə görə, internetdən istifadənin getdikcə kütləviləşməsi yaxşı hal olsa da, əhalinin əxlaqının, milli təfəkkürün pozulmasında çox güclü rol oynayır. Bəzi qüvvələr də öz çirkin niyyətlərini həyata keçirmək üçün bundan məharətlə istifadə edirlər. Tanışlıq saytlarından daha çox ziyan çəkənlər isə iradəsi zəif olan insanlardır: "İnsanlar internetdən daha çox əyləncə vasitəsi kimi istifadə etdiyini deyirlər. İnsanlar tanışlıq səhifələrinə əsasən iki məqsədlə girir. Ya kiminləsə tanış olmaq üçün, ya da intim münasibətlər qurmaq məqsədilə. Tanışlıq saytlarından ən çox zərər görənlər isə azyaşlı qız uşaqları olur. Təsəvvür edin ki, bir tərəfdə 12-13 yaşlı bir qız uşağı, o biri tərəfdə isə 50-60 yaşlı daha təcrübəli, dünyagörüşü daha geniş olan bir insan oturub. Belə olan təqdirdə özünü cavan oğlan kimi qələmə verən həmin şəxs azyaşlı qızla xoşagəlməz söhbətlər edir. Bu isə həmin qızın tərbiyəsinin pozulmasına səbəb olmaqla yanaşı, psixikasına mənfi təsir göstərir. Buna görədir ki, belə söhbətlərin nəticəsi olaraq sonradan bir çox cavan oğlan və qızlar psixiatrik xəstəxanalara düşürlər. Rusiyada internetdən daha çox istifadə edən insanlar arasında aparılan yoxlamalar zamanı müəyyən olunub ki, onların bir çoxu özünü kompyuterə həddindən artıq aludə olmuş xəstə sayıblar. Buna görə də onlar bu xəstəlikdən müalicə olunmaq üçün kömək istəyiblər. Sorğuda iştirak edənlərin bir çoxu özləri də hiss etmədən əxlaqsızlığa yuvarlandıqlarını etiraf ediblər. Halbuki, onlar belə olacaqlarını təsəvvür belə etməzdilər".
Həmsöhbətimiz qeyd etdi ki, bu problem qlobal xarakter daşıdığından, bəzi ölkələr ciddi tədbirlər görməyə başlayıb. Məsələn, Çində internetdən istifadəyə nəzarət son vaxtlar daha da gücləndirilib. Bir çox başqa ölkələrdə isə arzuolunmaz nəticələrin qarşısını almaq üçün tanışlıq saytlarına nəzarət edilir və lazım gələrsə, müdaxilə etməyə icazə verilir: "Bu kimi tədbirlərin Azərbaycanda da tətbiq edilməsini vacib sayan sosioloqun fikrincə, əks halda, ölkəmizdə tanışlıq saytları ilə bağlı yarana biləcək problemlərin qarşısını almaq qeyri-mümkün olacaq. Tanışlıq saytları bir çox hallarda ailələrin dağılmasına səbəb olur. Tanışlıq saytları çox böyük təhlükə olmaqla nəinki gəncləri, hətta orta yaşlı qadınları və kişiləri də əxlaqsızlığa sürükləyir. Hətta ailələrin dağılmasına da gətirib çıxara bilir. Təsəvvür edin ki, evli bir qadın həyat yoldaşını işə yola saldıqdan sonra oturur internetin qarşısında və kimlərləsə tanış olmaq istəyir. İki-üç gün söhbət etdikdən sonra həmin tərbiyəli qadın tədricən əxlaqsız bir insana çevrilir. Tanış olduğu kişilərdən biri onu yoldan çıxara və bu da son nəticədə ailənin dağılması, hətta ölümlə nəticələnə bilər".
Psixoloq Könül Vaqifqızının sözlərinə görə, azyaşlıların internetdən nəzarətsiz istifadəsi çox təhlükəlidir: "Bəzi qruplar var ki, internetdən cinayət üçün istifadə edirlər. Həmin qruplar tanışlıq adı ilə uşaqlarla tanış olur və bu da sonda zorakılıq və uşaq alveri ilə nəticələnir. Bu qızların hansı səbəbdən qaçdığını özündən başqa heç kəs bilmir. KİV, hüquq-mühafizə orqanları, valideynlər müxtəlif səbəblər göstərə bilər. Məsələni tam təfərrüatı ilə araşdırmadan 15 yaşlı qızı ittiham etmək də düzgün deyil. Axı bu qızın gələcəyi qabaqdadır! Ola bilsin ki, bu hadisə sadəcə yeniyetməlik səhvi olub. Ona görə də o qızı gözdən salmaq, cəmiyyətdən təcrid etmək də düzgün deyil. Ona qarşı bu münasibət onun gələcəyini məhv etməkdir. Həm də ki, bu hadisə təkcə həmin qızın günahı deyil, burada əsas məsuliyyət valideynin üzərinə düşür. Çünki uşaqlara nəzarət etmək və qayğı göstərmək valideynlərin borcudur. Əgər bir uşaq problemlə qarşılaşırsa, deməli, valideyn övladına biganə yanaşıb, onun istəkləri və duyğuları ilə maraqlanmayıb".

DİGƏR XƏBƏRLƏR

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...