Təzə yayılan virus barədə nə bilirik?

Tarix: 24.09.2014 / 02:52
Bölmə: Sosial

Yayılan məlumatlara görə, Azərbaycanda yeni virus yayılıb. Azərbaycan Tibb Universitetinin Tədris Terapevtik Klinikasının infeksionist-həkimi, dosent Samir Cavadov mətbuata açıqlamasında bildirib ki, son vaxtlar rota (adino) virusu deyilən xəstəliklə bağlı müraciətlər çoxalıb: "Bu virus fəsil dəyişkənliyi ilə əlaqədardır.
Xüsusən uşaqlarda, immuniteti zəif olan insanlarda xəstəliyə rast gəlinir. Amma hələlik virus epidemiya halını almayıb".
Həkim bildirib ki, qeyd edilən xəstəlik müalicə edilməzsə, ishal hallarının artması çoxlu su itirilməsinə səbəb ola bilər: "Bunun da nəticəsində xəstələrdə özündən getmə, mineral çatışmazlığına rast gəlinə bilər".
S.Cavadov onu da vurğulayıb ki, bu xəstəlik 5-10 gün müddətində davam edir.
Qeyd edək ki, rota virusu 48 saatdan az davam edən qızdırma, qusma ilə başlayır. Sulu, əsasən pis qoxu gələn qansız ishal bu əlamətlərə aiddir. Südəmər uşaqlarda qusma, ishal bədəndə suyun azalmasına gətirib çıxarır. İmmuniteti zəif olan insanlarda xəstəlik uzunmüddətli və ağır olur.
Gigiyenik tədbirlər (əlin yuyulması, suyu qaynadaraq içmək) xəstəliyin qarşısını alır.
Rota virusu barədə professor, həkim-ekspert Adil Qeybulla "Bakı-Xəbər"ə açıqlama verdi. Həkimin dediyinə görə, bu cür xəstəliklər daha çox insanların iqlim şəraitinə uyğun geyim formasını düzgün seçməməsi ilə əlaqədar baş verir: "Hava dəyişərkən orqanizmin üzərinə müdafiə reaksiyaları üçün çox ciddi bir yük düşdüyünü nəzərə almaq lazımdır. Bu prosesi sağlam adamlar normal keçirə bilir, amma müxtəlif xroniki xəstəlikləri olan, hamilə qadınlar və s. immunitet sistemində problemi olanlar mövsüm dəyişikliyinə hazır olmadıqları üçün müxtəlif problemlər yaşayır. Sovet dövründə buna kəskin respirator xəstəlik deyilirdi. Kəskin respirator xəstəlik qripə bənzər bütün yuxarı tənəffüs yollarının xəstəliklərini özündə cəmləşdirir. Bu adı ona görə ümumiləşmiş qoymuşdular ki, bu konkret bir xəstəlik deyil. Kəskin respirator xəstəlik o deməkdir ki, yuxarı tənəffüs yollarında normada 15-dən yuxarı infeksiya var. Onlar adi halda xəstəlik törətmir. Amma soyuqdəymə olduqda, müqavimət aşağı düşdükdə həmin mikroblar fəallaşır və yuxarı tənəffüs yollarının zökəm, burun axması, asqırma, boğazın şişməsi və s. qripə bənzər əlamətlərlə müşahidə olunan xəstlikləri baş verir".
Müsahibimizin sözlərinə görə, bu cür xəstəlikləri el arasında qrip adlandırırlar: "Amma əslində bu qrip deyil, müxtəlif mənşəli kəskin respirator xəstəliklərdir. Bu xəstəliklər soyuqdəymə xəstəlikləridir. İnsanlar bəzən bunu keçirdirlər və ondan sonra müxtəlif ağırlaşmalar qalır. Qrip infeksiyası daha çox bu vaxtlar artır. Əslində qrip virus infeksiyasıdır. Bu, karantin infeksiyalar qrupuna aiddir və Ümumdünya Səhiyyə Təşkilatının raportu ilə həmin infeksiyalar barədə əhaliyə məlumat verilir və bunların epidemiyası ilə bağlı mütləq əhali məlumatlandırılır. Qalan hallarda isə söhbət kəskin soyuqdəymədən gedir. Bu baxımdan əhali bunu nəzərə almalıdır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...