Azərbaycan "Quran əzbərçiləri" məsələsində də başqa müsəlman ölkələrindən fərqlənir

Tarix: 23.09.2014 / 02:45
Bölmə: Sosial

Əziz Peyğəmbərimizin bizə əmanət qoyub getdiyi Qurani-Kərim bu günümüzə qədər heç bir dəyişikliyə və təhrifə məruz qalmadan, tam kamil surətdə qorunub saxlanmaqdadır. Allah-təalanın: "Biz onu nazil etdik və biz onu qoruyacağıq" kəlamı hamıya məlumdur. Quranın bu günə qədər qorunub saxlanmasında müstəsna rol oynamış Quran hafizləri (Quranı əzbər bilənlər) İslam aləmində daim böyük məqama malik olublar.
Bu məqalədə müasir Quran hafizlərindən söhbət açacağıq.
Qeyd edək ki, bu günlərdə Moskvada Quran hafizləri müsabiqəsi keçirilib. Bu il 15-ci yubileyini qeyd edən Moskva Beynəlxalq Quran oxuma müsabiqəsi yenə də dünyanın dörd bir yanından ən məşhur Quran hafizlərini bir araya gətirib. Müsabiqənin iştirakçıları sadəcə Quranı əzbər oxumaq bacarıqlarını deyil, həm də tilavət, yəni gözəl oxuma qabiliyyətlərini nümayiş etdirib.
Rusiya Xarici İşlər Nazirliyi və Müftilər Şurası tərəfindən birlikdə keçirilən Beynəlxalq Quran oxuma yarışmasında yüzə yaxın hafiz iştirak edib. Gərgin mübarizəyə səhnə olan yarışmanın finalına beynəlxalq münsiflər heyətinin daha çox rəğbətini qazanan 6 yarışmaçı qalıb. Gərgin keçən finalda Səudiyyə Ərəbistanından Ömər Ənvari adlı yarışmaçı ən yaxşı Quran hafizi seçilib.
Tilavətdə, yəni Quranı gözəl oxumaqda isə Bruneydən Məhəmməd bin-Əli birinciliyə layiq görülüb.
Builki yarışmanın xüsusi qonağı isə Səudiyyə Ərəbistanı Krallığından şeyx Saad Əl Hamidi idi.
Kareliya müftisi Visam Əli Bardvil deyib ki, Rusiya müsəlmanları on illərcə Quran oxuma həsrətilə yaşayıblar: "Bu kitabı evlərində gizlincə saxlayıb və oxuyublar. İndi isə Allaha çox şükürlər olsun, hər tərəfdə Quran öyrənmək üçün kurslar açılır. Belə bir yarışmanın Rusiyada keçirilməsi isə, əlbəttə ki, Quranın ölkəmizdə daha çox oxunmasına və ona əməl edilməsinə kömək edəcək".
Beynəlxalq müsabiqənin iştirakçıları arasında bu il də Azərbaycan təmsilçisinin olmaması təəssüf hissi doğurur. Azərbaycan müsəlman ölkəsidir, amma adıçəkilən müsabiqədə Azərbaycan təmsilçisi iştirak etməyib. Müsabiqədə azərbaycanlı təmsilçinin iştirak etməməsi belə bir sualın yaranmasına səbəb olur: Azərbaycanda Quran hafizi varmı? Elə bu sualla dinşünaslara müraciət etdik.
Şərqşünas Seyid Camal Əzimbəyli "Bakı-Xəbər"ə açıqlamasında qeyd etdi ki, Azərbaycanda Quran hafizi var, amma çoxlu sayda deyil. Onun sözlərinə görə, Quran hafizliyi müəssisəsi Azərbaycanda çox zəif inkişaf edib: "Digər müsəlman ölkələri ilə müqayisədə Quran hafizliyi müəssisəsi Azərbaycanda, demək olar ki, yox dərəcəsindədir".
S.C.Əzimbəyli bildirdi ki, müstəqillik dövründən sonra insanlar daha çox Quran mütaliə etməyə meyl ediblər.
Müsahibimizin bir neçə gün öncə Moskvada Quran hafizləri müsabiqəsində Azərbaycandan heç kimin iştirak etməməsi məsələsinə münasibəti belə oldu: "Həmin yarışmada azərbaycanlının iştirak etməməsi şəxsən məni utandırdı. Halbuki, dünyanın onlarla müsəlman ölkəsindən, hətta xristian ölkəsindən belə hafizlər iştirak edirdi. İslam dininə sitayiş edən bir ölkədən həmin müsabiqədə nümayəndənin iştirak etməməsi utancverici bir hadisə idi".
Şərqşünasın fikrincə, hafiz olan şəxs cəmiyyətə nümunə olmalıdır.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...