Dəfn ağırlığını bələdiyyələr öz üzərinə götürə bilər

Tarix: 22.09.2014 / 02:48
Bölmə: Sosial

Hökumətin yas mərasimlərində israfçılığın qarşısını almaq qərarının ardınca dəfn məsələlərinin də nizamlanması ilə bağlı təklif gəlib. Edilən təkliflərdən biri də dəfn xərclərinin bələdiyyə tərəfindən qarşılanmasıdır. Dəfn xərclərinin bələdiyyə tərəfindən həyata keçirilməsi bir sıra əcnəbi ölkələrdə də mövcuddur. Elə qonşu Türkiyə və Rusiyada dəfn xərcləri bələdiyyə tərəfindən ödənilir.
Rusiyada qayda belədir ki, müraciət edilən andan etibarən 24 saat ərzində mərhumun ailəsinə dəfn üçün yer göstərilməlidir və dəfnin xərci də çox zaman bələdiyyə və ya dövlət tərəfindən həyata keçirilir. Türkiyədə də eyni mənzərəni müşahidə etmək olar. Hər hansı bir şəxs ölən zaman yerli bələdiyyə özü yer ayırır, xərcləri də tamamilə qarşılayır. Analoji təcrübənin Azərbaycanda da həyata keçirilməsi zəruri sayılır.
Milli Məclisin Sosial siyasət komitəsinin sədr müavini Musa Quliyevin sözlərinə görə, mövcud qanunvericiliyə əsasən, qəbir yerləri icra hakimiyyəti orqanları, yaxud bələdiyyələr tərəfindən vətəndaşlara verilir: "Ancaq qəbrin hazırlanması, qəbir daşının sifarişi, qoyulması, ümumiyyətlə, dəfn prosesinin təşkili xərclərini vətəndaşlar ödəyirlər. Dəfn üçün müavinətlə yanaşı, dəfn prosesinin özü də dövlət və bələdiyyə tərəfindən həyata keçirilməlidir. Bu xüsusilə aztəminatlı və orta təbəqəyə aid olan insanlar üçün dövlət və bələdiyyə tərəfindən göstərilmiş böyük dəstək olar".

Millət vəkili onu da əlavə etdi ki, həm dövlət, həm bələdiyyə, həm də özəl qəbiristanlıqlar yaradılmalıdır. Qəbiristanlıqlarla bağlı vahid standartlar tətbiq edilməli, İslam qaydalarına uyğun olaraq vahid başdaşı formaları tətbiq olunmalıdır.
Bələdiyyə sahəsi üzrə ekspert Vüqar Tofiqli qeyd etdi ki,
belə bir metoddan bizdə də istifadə olunması əhaliyə yardım üçün məqsədəuyğun olardı. Ancaq hazırda bələdiyyələrin büdcəsi buna uyğun deyil: "Əslində, tam olaraq belə olmasa da, Azərbaycanda da ölüm haqqında şəhadətnamə təqdim edildikdə hökumət tərəfindən 50 manat məbləğində kompensasiya verilir. Lakin bu, Rusiyada edilən dəstək qədər effektli olmur. Həqiqətən də son dönəmlərdə yas mərasimləri ilə bağlı başlamış kampaniyalar çərçivəsində hökumət hansısa problemi həll edərsə, bu, həqiqətən əhaliyə çox yararlı olar. Nəzərə alsaq ki, Azərbaycanda yas mərasimlərinə hazırlıqsız kifayət qədər vətəndaş var və eyni zamanda, ölkə əhalisinin 8-10 faizə qədəri dövlət tərəfindən ünvanlı sosial yardım alır, bununla öz həyatını, güzəranını keçirir, bu o deməkdir ki, həmin insanlar sosial yardımdan hansısa formada yığım edib gələcəkdə dəfn xərclərini qarşılaya bilməz. Eyni zamanda, bir məsələni də nəzərə almaq lazımdır ki, toylarla bağlı da müəyyən müzakirələr getməsinə baxmayaraq, əsas problem yaslarla bağlıdır. Bu onunla əlaqəlidir ki, yas, ölüm halı fövqəladə haldır və bunu əvvəlcədən heç kim proqnozlaşdıra bilmir. Buna görə də əvvəlcədən hazırlıq görə bilmir. Bu o deməkdir ki, əksər hallarda insanlar bu kimi vəziyyətlərlə gözləmədikləri halda qarşılaşırlar. Bu vəziyyətdə, təbii ki, dövlət tərəfindən hansısa dəstək yerində olardı. Azərbaycanda da bunun hansısa formada, bələdiyyələr və ya icra hakimiyyətinin dəstəyi formasında qanuniləşməsi və belə bir təcrübənin formalaşması təqdirəlayiq hal ola bilər. Doğrusu, bu gün üçün belə bir addımın atılacağı hələ gözlənilmir. Çünki hansısa qanunvericilik, normativ aktların qəbul edilməsi ilə bağlı nəsə yoxdur.
Lakin gözlənir ki, gələcəkdə Azərbaycan Rusiyanın bu təcrübəsindən istifadə etsin. Ümumiyyətlə götürəndə, bu, Rusiyada olsun, ya dünyanın hansısa ölkəsində olsun, fərq etməz, ünvandan asılı olmayaraq, yaxşı təcrübələrdən istifadə etmək lazımdır. Lakin indiki halda bələdiyyələrin bu xərcləri qarşılamağa vəsaitləri çatmaz. Bu yük bələdiyyələrin üzərinə qoyularsa, mütləq məsələlər dövlətdən ayrılan dotasiyalar hesabına həll edilməlidir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...