Gəlinin toydan qaçması bəlası da bizə seriallardan gəldi

Tarix: 18.09.2014 / 02:51
Bölmə: Sosial

Daha çox seriallarda, Türkiyə və digər xarici ölkə filmlərində təqdim olunan "evdən qaçan gəlin" mövzusu artıq günümüzə daşınıb. Xaricilərdə gəlinlər toyun depressiyasına dözmədikləri, evliliyin çətinliyinə tab gətirməyəcəklərini anladıqları üçün "yol yaxınkən" əyinlərində ağ gəlinlik libası məkanı tərk edirlər.
Artıq bizim qızlar da ya toy günü ağ gəlinlik libasında, ya da toydan bir gün qabaq yoxa çıxırlar.
Ekspertlər bildirir ki, qızların belə bir addım atmasına səbəb onların xarici filmlərin təsirinə düşməsidir. Ötən il Türkiyə telekanallarından birində yayımlanan serialın adı məhz belə idi: "Kaçak gelinler". Sevmədiyi adamla evlənməmək üçün qaçan bir gəlin, onu toy günü tərk edən adamın arxasınca qaçan gəlin. Hərəsinin bir hekayəsi vardı. Kim təminat verə bilər ki, bizim gənc qızları bu hekayələr "yoldan çıxarmayıb"?
Statistik rəqəmlərə görə, toyundan qaçan gəlinlərin sayına görə Türkiyə ön sırada dayanır. Həmin ölkədə gəlinlər toy günü qonaqların hədiyyə olaraq verdiyi zinət əşyaları və pulları da götürüb aradan çıxır. Çox vaxt da Türkiyədə dələduz qızların, qadınların asan yolla pul qazanmaq üçün belə toy şoularından istifadə etdiyi üzə çıxır.
Mütəxəssislər bildirir ki, gəlinlərin toy günü qaçmasının səbəbi sosial problemlərlə bağlıdır.
Avqustun 26-da Oğuzun Muxas kəndində gəlin toy günü evdən qaçıb. Hətta xəbər yayıldı ki, qızları Sevincin qaçdığını görən ailə onu bacısı ilə əvəzləyib və toy da gəlinin bacısının iştirakı ilə keçirilib. Qızın qaçmasına səbəb nişanlısı Abidi sevməməsi olub. O, toydan sevdiyi şəxslə qaçıb.
Cəlilabadın Günəşli kəndində də oxşar hadisə baş verib. 1 il nişanlı qalan qız oğlan toyuna saatlar qalmasına baxmayaraq, başqa bir oğlana qoşularaq qaçıb. Sakinlərin sözlərinə görə, qız azyaşlı olmayıb. Onun kiminlə qaçması isə hələlik məlum deyil. Digər məqam isə toy günü bəyin də başqa bir qızı qaçırması olub. Belə ki, gəlinin qaçdığını eşidən oğlan toyu təxirə salmamaq üçün kəndin subay qızlarından birini qaçıraraq toyunu edib.
Lənkəranda isə iki gün sonra gəlin olacaq nişanlı qız evdən qaçıb. Onun bu addımından sonra 8 avqusta təyin edilmiş toy təxirə salınmayıb. Baş verənlərdən xəbərsiz olan qonaqlar toyda iştirak ediblər. Lakin Nəriman (ad şərtidir) adlı gənc bəy kürsüsünə tək oturub. Rayon sakinlərinin mətbuata verdiyi məlumata görə, 28 yaşlı Nəriman 19 yaşlı qızla 3 il nişanlı olublar. Nəriman Bakıda ev təmiri işləri ilə məşğul olub, qız isə Lənkəran şəhərindəki kolleclərin birində oxuyurmuş. İlk günlər münasibətləri normal olan nişanlılar son zamanlar yola getməyiblər. Qız dəfələrlə nişanı qaytarmaq istəsə də, oğlan qəti olaraq buna qarşı çıxıb. Qızın valideynləri də oğlan tərəfi ilə danışaraq nişanı qaytarmağı təklif ediblər. Bu barədə bir kəlmə belə eşitmək istəməyən oğlanın tərsliyi sonda özünə baha başa gəlib. Qız "mən bu toyun əleyhinəyəm, rəfiqəmgilə gedirəm, məni axtarmayın" yazaraq evdən qaçıb. Toydan bir neçə gün əvvəl qızlarının gəlin gedəcəyi evə cehizlərini daşıyıb bəzəyən valideynlər övladlarının harada olduğundan xəbərsiz olduğunu deyirlər.
Bu yaxınlarda Sumqayıtda gəlinin toy günü bəyi qoyub qaçması ilə bağlı video da yayılmışdı. Həmin videoda görünür ki, bəylə gəlin şadlıq sarayının qapısı ağzında avtomobildə mübahisə edirlər. Gəlin avtomobilin qapısını hirslə açıb qaçır, bəy də onun dalınca.
Məsələ ilə bağlı fikir bildirən "Təmiz Dünya" İctimai Birliyinin sədri Mehriban Zeynalova qeyd etdi ki, 4 gəlinin toydan qaçması cəmiyyətdə qadına, qıza qarşı basqı olduğunu göstərir. Bu o deməkdir ki, hələ də onların qərarı nəzərə alınmır: "Buna son zamanlar Türkiyə telekanallarında yayımlanan seriallar da təsir edə bilər. Hətta bir serial da var. Səhv etmirəmsə, adı "Qaçqın Gəlin"dir. Məncə, həmin serial çox izləndiyindən, cəmiyyətə müəyyən qədər təsiri var. Ümumiyyətlə, evlənən şəxslər arasında şəffaflıq yoxdur. Bir-birilə fikirlərini, hisslərini açıq şəkildə bölüşə bilmirlər. Nəticədə ortaya bu cür şeylər çıxır. Bundan əlavə, qızlarda bir az özlərini qəhrəman kimi göstərmək istəyi də yaranıb. Sanki mən istədiyimi etdim, qaçdım, hamı gördü ki, mən bunu bacardım və s. göstərmək düşüncəsi var sanki. Ailədə münasibətlərin düzgün tənzimlənməməsi, qız uşaqlarının həyata hazırlıqsız olması və bir sıra psixoloji amillər də gətirib bu cür şeylərə çıxara bilər".
Həmsöhbətimizin fikrincə, bu cür addımlar gəlinin qarşısındakına hörmətinin olmaması ilə bağlıdır: "Bu hörmət eyni zamanda ailə üzvləri arasında da özünü göstərir. Ailənin nüfuzu, ailənin cəmiyyətdə rolu və s. aşağı səviyyəyə düşür. İki tərəfin bir-birinə olan aqressiyası sonda belə nəticələrə gətirir. Qızın sonda toydan qaçması isə, bütün maneələrə baxmayaraq, "qəhrəmanlıq" edib öz istəyinə çatmaq arzusunu büruzə verir. Amma bunun nəticəsi necə olacaq? Qarşı tərəf bu addımı qəbul edəcəkmi? Yeni ailə qızın hərəkətini ömrü boyu başına qaxınc edəcəkmi? Tərəflər arasında toqquşmalar, ölüm hallarının olmayacağına kimsə qarantiya vermir. Qız həmin ailədə sonacan qala biləcəkmi, ya yox? Bunu da kimsə bilmir. Hansısa konfliktlərə ailə dəstək verəcəkmi? Çox ehtimal, qız belə halda tək qalacaq, ailəsindən kifayət qədər dəstək ala bilməyəcək. İstənilən halda, toy günü evdən qaçmış qızdır. Bu da gətirib uşaqla küçədə qalmağa, fahişəliyə və s. çıxaracaq. Bizim cəmiyyətdə həmin qızın atdığı addım onun seçimi kimi qiymətləndirilməyəcək".
Ekspert hesab edir ki, cəmiyyətdə qızların zorla, istəmədiyi insanla ailə qurmasına məcbur edilməsinin qarşısı yalnız bir şəkildə alına bilər: "O da ki, həmin şəxsləri polisə şikayət etməkdir. Qonşuda, qohumda belə hallar barədə eşidən insanlar mütləq polisə məlumat verməlidirlər. Və ya zərərçəkən şəxslər özləri də polisə müraciət edə bilər. Şikayətlər intensivləşsə, bəlkə bu cür halların qarşısı alınar".
Sosioloq Aytəkin Kamranqızı bizimlə söhbətində bildirdi ki, toyundan qaçan xanımlar bir neçə kateqoriyaya bölünür: "Birinci yerdə zorla evləndirilən qadınlar dayanır. Bu qadınlar ailənin basqısı ilə evlənir. Ailə ya pulun gücü, ya da böyüklərin məsləhəti ilə qızı sevmədiyi oğlanla evləndirməyə qərar verir. Əgər qız cəsarətlidirsə və hər şeyi göz önünə alıbsa, ilk fürsətdə evdən qaçır. Təbii ki, qaçanda da özünü maddi cəhətdən təmin etmək üçün toyda alınan qızıl əşyalarını və pulları da götürür.
Qadınların toydan qaçmasının bir səbəbi də soyğunçuluqla bağlıdır. Toy günü yığılan pulu, zinət əşyasını götürüb aradan çıxırlar.
Üçüncü kateqoriya isə ailə təzyiqindən qurtulmaq üçün evlənən qızlardır. Bu cür qızlar ailəsindən qurtulmaq üçün bu yola baş vururlar. Saçına, makiyajına, küçəyə çıxmasına qarışılan bu qadınlar ya qohum-əqrəbadan, ya da məhəllənin gənclərindən birini "qurban" olaraq seçir, evləndiyi gün aradan çıxır. Bu kateqoriyadan olan qızların zinət əşyalarını özü ilə aparması və sair dələduzluq etməsi görünməyib".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...