Şadlıq evlərində müştərilərin üzərində standart menyu hegemonluğu hökm sürür

Tarix: 18.09.2014 / 02:24
Bölmə: Sosial

Məşhur filmlərdən birində belə ifadələr səslənir: "Elimizin toy kimi adəti var", "Bu toy ki var, həm çox qəlizdir, həm də...". Doğrudan da müasir dövr üçün toy olduqca qəlizdir. Xüsusilə də toy məclisləri şadlıq evlərində keçirilən gündən etibarən xeyir mərasimləri qəlizə çevrilib.
Bu gün şadlıq evlərində toy menyularının qiyməti 30-250 manat arasında dəyişir. Menyular fərqlidir. Restoranlarda əsasən "gümüş", "qızıl", "brilyant" adlı menyular toy sahibinə təqdim olunur. Toy sahibi bu menyulardan birini seçməlidir. Düzdür, son zamanlar bahalı restoranlarda bu 3-4 sistemli menyular da ləğv olunmaqdadır. Bu, restoran sahibinə sərf etmir. Çünki onsuz da onlara müraciət edən toy sahibləri üçün 100-200 manatın o qədər də önəmi yoxdur.
Şadlıq evi menyularına əsasən qırmızı kürü, kərə yağı, kütüm ləvəngisi, kənd toyuğunun soyutması, kolbasa, dana delikatesi, toyuq ruleti, hinduşka döşü, dil, basdırma, blinçik (ət və kəsmiklə), pendir, göyərti, xiyar, pomidor, sezar salatı, "krabovıy" salatı, mimoza salatı, paytaxt salatı, ekzotik salat, duzlu pomidor, duzlu heyva, duzlu göyəm, duzlu xiyar, qara zeytun, yaşıl zeytun, tumsuz zeytun, qara çörək, təndir çörəyi, lavaş, limon, kabab, buğlama, lülə-tikə kababı, qızıl balıq, kartof lüləsi, badımcan-pomidor kababı, toyuq kababı, bildirçin kababı, toyuq lüləsi, sacda göbələk, şah plov və s. daxildir.
Toy sahibi menyudan nəsə çıxarmaq istəsə restoran nümayəndəsi qəti şəkildə etiraz edəcək. Şadlıq evlərində ehtiyac duyulmayan, süfrəyə düzülməsinə gərək olmayan nemətləri siyahıdan çıxartmaq mümkün deyil. Bunun səbəbini istənilən şadlıq evinin administratorundan soruşanda belə deyir - sizin toyunuzdan əlavə toy tutmaq istəyirik. Yəni toya gələn qonaqlar buradakı menyunu bəyənərlərsə, başqalarına da məsləhət görə bilərlər. Məhz bu üzdən menyularda ciddi dəyişiklik olmur. Hətta nəyi istəmirsənsə belə, o süfrədən çıxarılır, ancaq pulu ödəməyə məcbursan.
Şadlıq evləri tərəfindən elə bir sistem qurulub ki, vətəndaş menyudan nəyisə çıxara bilməz. Toy sahibinin ixtiyarı yoxdur ki, sahibkara desin ki, mən toyumda 5 cür salat deyil, 1 növ salat olmasını istəyirəm. Və ya çoxlu sayda içkilərin masaya düzülməsinə etiraz edə bilməz. Bu səbəbdən də təklif olunur ki, qanunvericiliyə məlum məsələ ilə bağlı dəyişiklik olunsun. İstehlakçılara hüquq verilsin ki, onlar restoran menyusundan istədiyi təamı çıxara bilsin.
Azad İstehlakçılar Birliyinin sədri Eyyub Hüseynov hesab edir ki, mərasimlər haqqında qanun qəbul olunmalıdır: "Qanunla istehlakçıya menyunu dəyişdirmək hüququ verilməlidir. Həmin qanunda şadlıq evlərində masaya hansı çeşid təamın düzülməsi qeyd olunmalıdır. Bəli, düzdür, bu gün şadlıq evlərində israfçılıq baş alıb gedir. Tərkibi eyni olan, lakin görünüşü fərqli olan çoxlu sayda salat toy sahibinə maliyyə baxımından ziyan vurur. Yaxşı olar ki, həmin salat növləri yığışdırılsın. Ya da toy sahibi övladının xeyir işində hansı xörəyin süfrəyə verilməsini istəyirsə, onu da sifariş etsin".

DİGƏR XƏBƏRLƏR

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...