Bakı məktəblərində müəllimlərin andiçməsi necə həyata keçirilib?

Tarix: 17.09.2014 / 02:30
Bölmə: Sosial

236 nömrəli məktəb - Aynur Qənbərova: "Müəllimlər and içməyib"

Ölkəmizdə yeni dərs ili başlayıb. "Bilik Günü"ndə orta və ali məktəblər qapılarını şagirdlərin, tələbələrin üzünə açıb. Bu il bir çox yeni məktəblər və yenidən qurulub, əsaslı təmir olunan təhsil ocaqları istifadəyə verilib. İlk dəfə sinfə girən müəllimlər and içib.
Sentyabrın 15-də ilk dəfə sinfə daxil olaraq vəzifəsinin icrasına başlayan 1405 müəllim and içib. "Azərbaycan Respublikası Konstitusiyasına va qanunlarına riayət edərək Azərbaycan təhsilinin ənənələrinə sadiq qalacağıma, keyfiyyətli təhsil xidməti göstərəcəyimə, peşəkar fəaliyyət zamanı qeyri-etik davranışın hər hansı bir formasına yol verməyəcəyimə, həmkarlarım, təhsilalanlar, valideynlər və digər şəxslərlə münasibətləri hörmət, şərəf və ləyaqət əsasında quracağıma, müəllim adını və şərəfini uca tutacağıma and içirəm". Onlar bu andı içdikdən sonra müəllim kimi fəaliyyətə başlayıblar.
Xatırladaq ki, təhsil sahəsində ilk dəfə tətbiq olunan andiçmə təhsil naziri Mikayıl Cabbarovun bu ilin mayında imzaladığı "Müəllimlərin etik davranış qaydaları" barədə əmrinə əsasən həyata keçirilir. Təhsil Nazirliyinin İnsan resursları şöbəsinin müdiri Fərzəli Qədirov mətbuata açıqlamasında deyib ki, təhsil nazirinin əmri ilə yeni təsdiqlənən "Müəllimlərin etik davranış qaydaları"nda "Müəllim andı" öz əksini tapıb. Qaydalara əsasən, and Azərbaycan Respublikası ilə müəllim arasında açıq hüquqi borc və sədaqət münasibətlərini təsdiq edir. Onun sözlərinə görə, Azərbaycanda 2014-2015-ci tədris ilində ümumtəhsil müəssisələrinə və peşə liseylərinə 1700-ə yaxın müəllim işə qəbul olunubsa da, onların hamısı and içməyəcək: "Andiçmə bu ildən ilk dəfə müəllim işləyəcək şəxslərə şamil olunur. Belə müəllimlərin sayı təxminən 1500 nəfərdir. Belə ki, bu il ilk dəfə olaraq müəllim kimi fəaliyyətə başlayacaq 1500 müəllim üçün andiçmə keçirilib. Bu il imtahan verib, müəllimlik peşəsinə yiyələnən pedaqoqlar ilk and içən müəllimlər olublar".
Bakıda mövcud olan bir neçə orta məktəblə əlaqə saxladıq.
Sorğu keçirdiyimiz məktəblərdə andiçmə prosesinin necə keçirildiyini öyrəndik. Əlaqə saxladığımız məktəblərdən bildirdilər ki, bu il həmin təhsil müəssisəsinə gənc pedaqoq işə götürülmədiyi üçün andiçmə prosesi keçirilməyib.
307 nömrəli orta məktəb direktorunun təlim-tərbiyə işləri üzrə müavini Məryəm Gəncəliyeva bizə açıqlamasında qeyd etdi ki, çalışdığı məktəbdə bu il andiçmə keçirilməyib: "Səbəb isə yeni müəllimlərin işə götürülməməsi ilə bağlıdır. Əsasən bu il bizə başqa məktəbdən köçürülən müəllimlər gəlib. Onlar da orta yaşlı pedaqoqlar olduğu üçün and içməyiblər".
167 nömrəli orta məktəbdə də andiçmə prosesi keçirilməyib. Çünki tədris ocağına gənc müəllim işə götürülməyib. Əvvəlki heyət olduğu kimi qalır. 236 nömrəli orta məktəbdə çalışan Aynur Qənbərova adlı müəllimə bildirdi ki, gənc müəllim işə götürülmədiyi üçün andiçmə keçirilməyib: "Bu il belə bir proses bizim məktəbdə yaşanmadı. Yəqin ki, növbəti təhsil ili ərəfəsində belə bir mərasim bizim məktəbdə də düzənlənər". Təhsil sahəsi üzrə ekspert Rafiq İsmayıl hesab edir ki, müəllimlərin and içməsi təhsil sahəsində müsbət dəyişikliklərə səbəb olacaq: "Bu, müəllimə etimadın və inamın artmasında xüsusi rol oynayacaq. Bununla yanaşı, müəllimin özünün məsuliyyətini qanun qarşısında artıracaq. Bu tək etik davranış üçün deyil, həmçinin müəllimlərin maddiyyat məsələlərinin tənzimlənməsinə gətirib çıxaracaq".
R.İsmayıl qeyd etdi ki, gənc müəllimlər ilk dərs günü şagird və müəllim heyətinin qarşısında and içərək sinfə daxil olublar.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...