Naxçıvan reyslərində boş qalan "biznes-klass" problemi...

Tarix: 12.09.2014 / 04:12
Bölmə: Sosial

Məlum səbəblərə görə Azərbaycanın Naxçıvan bölgəsi blokada şəraitində yaşamağa məhkum edilib. Bu vəziyyət orada yaşayan və əslən həmin bölgədən olan əhali üçün böyük çətinliklər yaradır. Xüsusilə də ilin müəyyən dövrlərində belə çətinliklər özünü bölgəyə gediş-gəlişdə daha ciddi şəkildə büruzə verir.
Naxçıvana gediş-gəliş üçün ən çox istifadə edilən yol təyyarə nəqliyyatıdır. Düzdür, son vaxtlar İran ərazisindən istifadə etməklə avtobuslarla gediş- gəlişə də icazə verilir. Araşdırdıqda məlum olur ki, bunun da özünəməxsus çətinlikləri var. Əsasən də belə problemlər əhalinin bayramlar ərəfəsində və ya məzuniyyət vaxtları marşrutdan daha çox istifadəsi zamanı meydana çıxır.
Verilən məlumatlara görə, hazırda Naxçıvandan Bakıya təyyarə ilə gediş-gəlişdə problemlər yaranıb. Sakinlərin bildirdiyinə görə, Naxçıvan Hava Limanından Bakıya gəlmək istəyən sərnişinlər bilet tapa bilmir.
Əslən Naxçıvandan olan və indi Bakıda yaşayan Samir Novruzov adlı vətəndaş bilet tapa bilmədiyindən hava limanında gecələməli olub: "Naxçıvana tətilə gəlmişdim. Məzuniyyətimin vaxtı bitib, bu gündən işdə olmalı idim. Geri qayıtmağa bilet tapa bilmirəm. Sentyabrın 15-dək biletlər satılıb. Yalnız biznes səviyyəli biletlər qalıb, o da çox bahadır. Heç kim almaq istəmir. "Biznes-klass" yerlərə bilet alınmadığına görə həmin yerlər boş qalır. Təyyarə Bakıya boş qayıdır, camaat isə qalıb yerdə. Bilet tapa bilməyən onlarla adam mənim kimi burada gecələyir. Hələlik camaat tətildən qayıdır deyə sıxlıqdır. "Biznes-klass"ı ləğv edib normal qiymətə bilet satsalar, belə sıxlıq da olmaz".
Hava limanında yaranan sıxlıq İran ərazisindən keçib Bakıya sərnişin daşıyan avtobuslara tələbatı artırıb. Sərnişinlər bildirir ki, həmin avtobuslara da biletlər bir neçə gün öncədən satılıb.
Naxçıvan sakini Bahəddin Vəliyev isə bilet tapa bilmədiyindən Naxçıvandan Bakıya ayaq üstə gəldiyini deyir: "Gündə 4 avtobus gəlir Bakıya. Sıxlıq yaranandan ikisini də artırıblar. Yenə tələbatı ödəmir. Biletlər öncədən satılıb. Bakıya toya gəlməli idim. Bilet tapa bilmədiyimdən məcbur qalıb ayaqüstə gəlmişəm. Avtobusda mənim kimi bir neçə nəfər vardı. Qadınlar oturacaqların arasına xalça-palaz salaraq oturub gəliblər".
AzAL-ın mətbuat xidmətinin rəhbəri Məhərrəm Səfərli Naxçıvan Hava Limanında yaranmış sıxlıqdan xəbərsiz olduğunu bildirdi: "Bu haqda məlumatım yoxdur. Naxçıvana gün ərzində qrafiklə 4 reys təyyarə uçur. Biz hazırda iki reys də əlavə etmişik. Bu da tələbatı ödəyir".
Xatırladaq ki, Naxçıvana uçan təyyarələr 150 yerlikdir. Bu yerlərdən 20-si "biznes-klass"dır. Normal yerlərin qiyməti 50, "biznes-klass" yerlərin qiyməti isə 120 manatdır.
Belə vəziyyətlərdən çıxış yolunu necə tapmaq olar?
Əslən naxçıvanlı olan Dünya Azərbaycanlıları Konqresinin aparat rəhbəri Samir Adıgözəlli "Bakı-Xəbər"ə bildirdi ki, ildə azı 10 dəfə Naxçıvana gedib-gəlir: "Bəlli səbəblərə görə İran ərazisindən gediş-gəliş üçün istifadə edə bilmirəm. Yeganə yol təyyarə olduğu üçün, yalnız bu nəqliyyat növündən istifadə etməli oluram. Bayramlar ərəfəsinə təsadüf etməyən vaxtlar əvvəlcədən biletimi sifariş edib 50 manata gedə bilirəm. Ancaq ilin elə dövrləri var ki, həmin vaxt heç əvvəlcədən də bilet almaq olmur. İnsanlar 50 manata bilet tapanda sevinirlər. Baxmayaraq ki, Naxçıvanın mövcud vəziyyəti üçün 50 manat da çox bahadır. Görünən odur ki, gündəlik 4 reys bəs etmir. Lazım olan vaxtlarda əlavə reyslərin yaradılması zərurəti yaranır ki, çox vaxt da bunu etmirlər. Ən acınacaqlı vəziyyət isə "biznes-klass"la bağlıdır. Bir neçə gün əvvəl Naxçıvandan qayıdanda əhalinin bilet tapa bilmədiyinin şahidi oldum. Təyyarədə isə çoxlu sayda boş yerin olduğunu gördüm. Maraqlandıqda dedilər ki, "biznes-klass"ın yerləridir. Eyni təyyarədəki bu yerlərin arasında 2 dəfədən artıq fərq var. Burada bir təzad yaranır ki, nəticədə əhali əziyyət çəkir. Mən əminəm ki, "AzAL" rəhbərliyinin bundan xəbəri yoxdur. Hər halda boş qalan "biznes-klass"a əvvəlcədən sifariş yoxdursa, şərait yaratmaq lazımdır ki, aeroportda qalan vətəndaşlar həmin yerlərdən istifadə edə bilsin. Vəziyyətdən çıxış üçün ikinci yol isə əlavə reyslərin açılmasıdır".

DİGƏR XƏBƏRLƏR

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...