Toy sahibləri ilə sahibkarlar arasında müqavilə təklifi dəstəklənir

Tarix: 11.09.2014 / 03:57
Bölmə: Sosial

Yas mərasimlərində süfrəyə müxtəlif çeşiddə naz-nemətin düzülməsi gündəmin əsas mövzularından biridir. Artıq bu məsələyə rəsmi şəkildə son qoyulacağı gözlənir. Yas mərasimlərindən sonra toy məclislərində də süfrəyə verilən təamlara nəzərət olunması təklif olunur.
Bunun ardınca Standartlaşdırma, Metrologiya və Patent üzrə Dövlət Komitəsi şadlıq evlərində israfçılığın qarşısının alınması üçün toy sahibləri ilə sahibkar arasında müqavilə bağlanması təklifi ilə çıxış edib. Artıq komitə bu istiqamətdə bəzi hazırlıqlar həyata keçirir. Bu barədə Standartlaşdırma, Metrologiya və Patent üzrə Dövlət Komitəsinin Texniki tənzimləmə və standartlaşdırma üzrə dövlət nəzarət xidmətinin şöbə rəisi Mənsim Babayev mətbuata açıqlamasında məlumat verib. Son zamanlar qiymət və yemək çeşidlərinin həddən çox şişirdildiyini deyən komitə rəsmisi bildirib ki, israfçılığın və bəzi qanunsuz hərəkətlərin qarşısını almaq üçün belə bir müqaviləyə ehtiyac yaranıb: "Bilirsiniz ki, hər bir şadlıq evində sifarişlər toy sahibi ilə sahibkar arasında olan razılıqla baş tutur. Amma bu razılıq rəsmi şəkildə olmur. Ona görə də biz şadlıq evi rəhbərliyinə yemək çeşidi və standart menyu qiymətinin toy ərəfəsi bir qədər də bahalaşması barədə iradlar tutanda çox vaxt bu cavabı verirlər: "Toy sahibi belə istəyir"... Bu səpkili bəhanələrin son zamanlar həddən çox artması müşahidə olunur. Hesab edirik ki, müqavilələrin bağlanması standartda öz əksini taparsa, bu məcburi tələb olarsa və bu müqavilənin şərtləri pozularsa, sahibkarı məsuliyyətə cəlb etmək olar".
Şadlıq evlərində aparılan yoxlamalarla bağlı son 7 ayın statistikası barədə məlumat verən Mənsim Babayev onu da dilə gətirib ki, bu müddət ərzində ümumilikdə 75 restoranda yoxlamalar aparılıb ki, onların da 36-da standart şərtlərinin pozulduğu qeydə alınıb: "Əsas problem salatlar və mənşəyi məlum olmayan konservləşdirilmiş məhsullardan istifadə olunmasıdır. Hətta elə restoranlar var ki, 5-6 cür salatın hazırlanmasına qadağa qoymuşuq. Amma xeyri yoxdur, sabah başqa bir adla həmin salatı süfrələrə verirlər. Elə salatlar var ki, müddəti cəmi altı saatdır. Restoranlarda isə bunu səhər hazırlayıb axşama kimi saxlayırlar. Ümumiyyətlə, mayonez tərkibli salatların saxlanma rejiminə və müddətinə əməl edilmir. Bundan əlavə, şadlıq evlərinin, demək olar ki, əksəriyyətində peşəkar təcrübəyə malik insanlar yoxdur".
M.Babayevin dediyinə görə, qüsurlar aşkarlanan şadlıq evləri müəyyən məbləğdə cərimələnsə də, bu cür cəza mexanizmi heç bir nəticə verməyib: "Fiziki şəxslər 1500 manat, hüquqi şəxslər 5000 manat cərimə olunur. Əksəriyyət fiziki şəxs adı altında fəaliyyət göstərir. Bu cərimə məbləği olduqca azdır. Hətta elələri də var ki, onlar üçün əslində çox xırda olan cərimələri belə hissə-hissə, məhkəmələrin təsiri ilə ödəyirlər. Yəni bu o deməkdir ki, indiki cəza mexanizmləri onları qəti şəkildə narahat etmir və bildiklərini edirlər. Cərimələmək əvəzinə bu cür şadlıq evlərinin fəaliyyəti dayandırılmalıdır. Bəlkə onda bir təsir oldu. Bugünkü inzibati məsuliyyətin təsiri yoxdur, qazancın müqabilində cərimə çox azdır".
İqtisadçı-ekspert Rəşad Həsənov "Bakı-Xəbər"ə açıqlamasında qeyd etdi ki, xeyir məclislərində israfçılığa müqavilə əsasında son qoyulması inandırıcı görünmür. İqtisadçının sözlərinə görə, toy məclislərində israfçılığın qarşısı hər hansı müqavilə ilə deyil, inzibati qaydada alına bilər: "Bunun üçün ilk növbədə insanların toyla bağlı təfəkkürü dəyişməlidir. Dəb-dəbəli toy deyil, sadə toy fikri hər kəs tərəfindən qəbul olunmalı və cəmiyyətə aşılanmalıdır. Öncə rəsmi şəxslər yaxınlarına toy edərkən sadə toya üstünlük verməlidir. Əgər dövlət nümayəndələri öz övladlarına toy edərkən həmin məclisdə heç bir israfçılıq qeydə alınmazsa, sadə adamlar da bu cür toya üstünlük verəcək".
Həmsöhbətimiz onu da əlavə etdi ki, toy menyusunda çoxlu sayda salat növü deyil, hər kəsin yeyə biləcəyi təam olmalıdır: "Menyuda təamların çeşidləri artdıqca sahibkar qazanır, toy sahibi isə müflis olur. Toy o deməkdir ki, ailə quran gənclərin sevincinə dost-tanış şərik olsun. Təəssüf ki, son illər şadlıq evlərində keçirilən toylar sayəsində gənclər heç də ürək dolusu sevinə bilmir. Çünki toy sahibi xeyir məclisindən ya müflis olur, ya da yalnız toy üçün xərclədiyi pulu çıxara bilir. Yaxşı olar ki, toy məclislərinə də dövlət tərəfindən nəzarət olunsun. Toy sahibi sahibkara bildirsin ki, məclisində bir və ya bir neçə cür yemək vermək istəyir və başqa çeşiddə təam masaların üzərinə düzülməyəcək. Sahibkar da toy sahibinin istəyinə hörmətlə yanaşmalıdır. Toy yiyəsi sahibkara yalnız şadlıq evi üçün kirayə pulu verməlidir. Belə olan halda toy edən ailə heç də müflis olmayacaq".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...