Millət vəkili nazirə "toy çağırışı" etdi

Tarix: 09.09.2014 / 10:56
Bölmə: Sosial

Uzun müddətdir ölkədə yas və toy mərasimlərində baş alıb gedən israfın necə aradan qaldırılması ilə bağlı müzakirələr aparılır. Gedən diskussiyalardan bəlli olur ki, sosial təbəqəsindən asılı olmayaraq, əhalinin bütün kateqoriyalarına aid olanlar bu vəziyyətdən cana doyub. Görünür, ictimai qınaq, maarifləndirmə bu prosesi nizama salmaq gücündə deyil.
Yaslarda israfın qarşısını almaqla bağlı ilk layihə Naxçıvanda həyata keçirildi və demək olar ki, öz effektini verdi. Aydındır ki, bu nəticənin alınmasında yerli icra orqanlarının müəyyən inzibati metodlara əl atması da böyük rol oynadı. Artıq bir neçə gündür bir sıra millət vəkilləri və dövlət rəsmiləri bu məsələnin tənzimlənməsinə böyük ehtiyacın olduğunu bildirir. Hiss olunur ki, dövlət bu sahədə olan özbaşınalığı və israfı yoluna qoymaqda maraqlıdır. Hətta parlamentin payız sessiyasında "Mərasimlər Haqqında" qanunun qəbul ediləcəyi də gözlənir. Artıq bəzi böyük şəhərlərin icra başçıları yas mərasimlərinin tam şəriət qaydalarına uyğun keçirilməsilə bağlı hərəkətə keçib.
Bəllidir ki, bizim ən böyük israfa yol verdiyimiz məclislərimiz həm də toylardır. Bu istiqamətdə də lazımi işlərin görülməsinə ehtiyac var. Yaslarda israfın qarşısının alınması ilə Dini Komitə və icra hakimiyyətləri məşğul olursa, bəs toylarda belə bir nizamı kim yaratmalıdır?
Millət vəkili Fazil Mustafanın sözlərinə görə,
son illər ən çox məmnun qaldığı mənzərənin şahidi olub. Müsahibimizin sözlərinə görə, illərdir bu mövzuda danışmaqdan insanlar yorulmuşdu və israfçılığın qarşısının alınmasının vacibliyi təkrar-təkrar vurğulanırdı: "Təşəkkür edirəm Dini Qurumlar üzrə Dövlət Komitəsinə, xüsusilə də Mübariz Qurbanlıya ki, illər boyu həlli təxirə salınan bu problemi, yarıinzibati üsullarla da olsa, çözməyə başladı. Tam qətiyyətlə deyirəm - ağlı başında olan hər bir Azərbaycan vətəndaşı üzdə də, içində də bu addıma sevinir. Yas sahiblərinin işi xeyli yüngülləşib. Artıq kiminsə qarnını doyurmaq əvəzinə vəfat etmiş yaxınını, onun himayəsində olanların taleyini düşünməyə daha çox vaxt ayıra biləcəklər. Hələ qəbir yerlərinin ayrılmasında rüşvət də ortadan qaldırılsa, qəbiristanlıqlar mavzoleylərdən qurtulub səliqəli ziyarət məkanlarına çevrilsə, bu faydalı iş daha çox rəğbətlə qarşılanar. Narazı qalanlar, təbii ki, olacaq. Çadır mafiyası, qəbiristanlıq mafiyası, bəzi geriçi mollalar və s. Əsas vətəndaşın razı qalmasıdır".
Millət vəkilinin sözlərinə görə, indi sıra gəlir toy və şadlıq evi mafiyasına qarşı qətiyyətli hərəkətlərə: "Məncə, bu məsələlərlə də birbaşa Mədəniyyət Nazirliyi, şəxsən nazirin özü məşğul olmalıdır. Niyə? Çünki bugünkü toylar Azərbaycan xalqının mədəniyyətini deyil, birbaşa mədəniyyətsizliyini dünyaya təbliğ edir. Bəlkə də Qobustan qayalıqlarında ibtidai insanlar bu cür şərtlərdə rəqs etməkdən, şənlənməkdən utanardılar. İnsanlara menyu adı ilə on-on iki növ yeməyi zibil kimi məcburi yedirdirlər. Bir salat 6-7 toyu yola verir. Hər şeyin pulunu ödəyirsən, ancaq götürüb evə apara bilməzsən. Xatırlayıram, bir dəfə toy sahibi təkid etmişdi ki, stollara viski qoymayın, şadlıq evinin sahibi bildirmişdi ki, menyudan bunu çıxa bilmərəm. Məclisin gedişində toy sahibi viskiləri yığıb evə göndərmək istəyəndə icazə verilməmişdi ki, ancaq burada içə bilərsiniz. O zaman toy sahibi hər stola yaxınlaşıb qonaqlara, içdi-içmədi, ucdantutma viski süzəndə şadlıq evinin sahibi yaxınlaşıb bildirmişdi ki, xahiş edirəm, ikisini götür apar, amma məni ziyana salma.
500 nəfər qonaq üçün yemək pulu ödənir, heç onun yarısı bişirilmir. Bəzən toyda şadlıq evinə çatacaq yetərli pul da yığılmır. Hətta bəzi toylarda yetərli pul yığılmadığına görə gəlinin girov saxlandığını da eşitmişəm. Musiqinin səsi ayrıca bir terrordur, insanların səsdən toyu tez tərk etməsini qəsdən düşünürlər ki, yeməklər az yeyilsin. Toya salınan pulun da 70 faizi bu və ya digər yolla şadlıq evinə qalır. İndi bunun adı mədəniyyətsizlik, vəhşilik deyil, nədir?
Buyurun, mədəniyyət naziri, siz də bu sahədə vətəndaşı razı salan cəsarətli hərəkət edin. Bu məsələdə vətəndaşların böyük əksəriyyətindən dəstək alacağınızdan əmin ola bilərsiniz".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...