İsrafçılığa yol verilən məclislərdə iştirak edən mollalar cərimələnə bilər

Tarix: 08.09.2014 / 04:09
Bölmə: Sosial

Azərbaycanda yas mərasimlərinin təmtəraqla keçirilməsi son illər dəb halını alıb. Nəticədə dünyasını dəyişənin yasını tutmaq bir tərəfdə qalır, ölü yiyəsi 3, 7, 40 mərasimlərini necə verəcəyinin dərdini çəkir. Əksər hallarda ölü sahibi "qonşudan geri qalma" prinsipi ilə hərəkət edərək borca düşür. Bu isə olur ikitərəfli yas.
Məsələ ciddi problemə çevrildiyindən, bir müddətdir cəmiyyətdə müzakirə mövzusu olub.
Dini Qurumlarla İş üzrə Dövlət Komitəsinin məsələyə son kəskin reaksiyasından sonra ayrı-ayrı dövlət qurumlarının nümayəndələri, millət vəkilləri, səlahiyyətli şəxslər fakta etinasız yanaşmır. Bütün bunları nəzərə alan Qafqaz Müsəlmanları İdarəsinin yas mərasimlərində baş verən israfçılığın qarşısını almaq üçün verdiyi bəyanat öz səmərəsini verməyə başlayıb. Artıq ölkənin ayrı-ayrı bölgələrində qaldırılan məsələnin həlli üçün konkret addımlar atılır.
Artıq bölgələrdə keçirilən yas mərasimlərində iştirak edən
mollalara ciddi xəbərdarlıq olunub. Yas mərasimlərində iştirak edən mollalara bildirilib ki, süfrədə müəyyən olunmuş təamlardan əlavə yeməklər verilərsə, onlar həmin mərasimlərə qatılmaqdan imtina etsinlər. Bunun əksini edənləri isə nə az, nə çox, düz 2 min manat məbləğində cərimə gözləyir.
Məsələdən hali olan din xadimləri cəriməyə düşməmək üçün qoyulan qaydalara ciddi riayət etdiklərini söyləyiblər. Beləcə, hüzr sahibi də birmənalı olaraq yasın mollasız keçməməsi üçün "dəb"i bir kənara qoymağa məcbur olur.
Qeyd edək ki, Qafqaz Müsəlmanları İdarəsi yas mərasimlərində israfın əleyhinə olduğunu bildirib və bu mərasimlərin sadə şəkildə keçirilməsi ilə bağlı tövsiyələr verib.
Yas mərasiminə daxil olub, məclisdə ehsan süfrəsini görüb etiraz etmədən həmin məclisdə iştirak edən mollaların 2000 manat dəyərində cərimə olunması ekspertlər tərəfindən də müsbət dəyərləndirilir.
"Yeni Üfüq" İctimai Birliyinin sədri Sevinc Əzimbəylinin sözlərinə görə, yas mərasimləri əslində yaxınını itirən ailə üzvləri üçün bir mənəvi dəstək olmalıdır: "Sevimli peyğəmbərimiz Həzrət Məhəmmədin öyrətdiyi kimi, birisi dünyasını dəyişdikdə şəriət qaydalarımıza uyğun ayinlər yerinə yetirildikdən sonra vəfat edəni tanıyanlar gəlib onun ailəsinə başsağlığı verər, dualar oxuyar, ailə üzvlərinə mənəvi dəstək olub, onlara təskinlik verərmişlər. Ailəyə itki üz verdiyindən və ailə üzvləri hüzn içində olduğundan, peyğəmbərimiz (s) buyurub ki, yaxınlar, qonşular, qohumlar-dostlar bu üç günü hətta yemək bişirib yas içində olan ailəyə gətirsinlər, onlara bu baxımdan da yardım etsinlər. Evə gəl-getlər olur, ailə üzvlərinə çətin olmasın deyə, bu kimi dəstək verilərdi.
Əfsuslar olsun ki, bu gün bunun tam əksinin şahidiyik. Zənnimcə, yas mərasimləri təmtəraqlı yeyib-içmək məclisi deyil, bundan tez bir zamanda qurtulmaq olduqca zəruridir. Mən bu sahədə dövlətin atdığı addımı dəstəkləyirəm".
Mollaların 2000 manat dəyərində cərimə olunmasına gəlincə, S.Əzimbəyli bildirdi ki, bu çox müsbət qərardır: "Yas mərasimlərində iştirak edən əksər mollalar ehsan süfrəsinin necə təşkil olunması barədə yas sahibinə sifariş verir. Filan yemək olmalıdır, filan şirniyyat qoyulmalıdır. Mərasim bitəndən sonra isə məclis yiyəsi süfrəyə verilən ehsandan mollaya pay qoyur. Beləliklə, mollalar həmin məclis sayəsində həm pul qazanır, həm də şam yeməklərini. Ehsan süfrəsinin ləğv olunması qərarı ölüsü öləndən çox mollaları narahat edir. Hətta bu qərarın şəriətə uyğun olmadığını əsas gətirən mollalar da az deyil".
S.Əzimbəyli hesab edir ki, ehsan süfrəsində iştirak edən mollanın 2000 manat məbləğində cərimə olunması təqdirəlayiqdir: "Molla yas sahibinə ehsan verilməsinin düzgün olmadığı deyərsə, hər kəs tərəfindən böyük hörmətlə qarşılanacaq. Ehsanın verilməsinin tərəfdarı olan mollanın cərimə olunması daha məqsədəuyğundur".

DİGƏR XƏBƏRLƏR

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...