Yas çadırları da kasıb-varlı prinsipi ilə sortlaşdırılıb

Tarix: 02.09.2014 / 11:34
Bölmə: Sosial

Son günlər yas çadırlarının qiymətində müəyyən artım müşahidə olunur. Elə vəziyyət yaranıb ki, öləndən çox, dirilərin halına ağlanmalıdır. Ölən ölüb, yazıq onun yasını yola verənin halına. Varlı olsan, nə var ki! Puluna minnət. Necə ki, paytaxtımızın mağazalarında dünyanın öndə gedən firmalarının malları pulu olanların gözünü oxşayır, satışda bol-bol çeşiddə hər şey var, yas çadırları da eləcə.
Pulunu ver, sənin üçün elə çadır qursunlar ki, Beyrəyin toy çadırı onun yanında yalan olsun.
Qeyd edək ki, insanlarımızın yas və toy mərasimlərində əndazəni aşması o dərəcəyə çatıb ki, məsələyə artıq Milli Məclis səviyyəsində müdaxilə edilməsi zərurəti yaranıb. Gözlənti bundan ibarətdir ki, Milli Məclis toy və yas mərasimləri haqqında bir qanun qəbul etsə, bəlkə bu kimi işlərə son qoyular.
Yas çadırlarının qiyməti ilə bağlı araşdırma apardıq. Məlumat üçün qeyd edək ki, yas çadırları üç kateqoriyaya bölünür: elita, orta və kasıb təbəqələr üçün çadırlar.

Elitar çadırlar
Elita çadırlarına el arasında ağ çadır deyirlər. Bu növ çadırlar ən son model çadırlar hesab edilir. Bu cür çadırlarda ayaqyolu və əl-üz yumaq üçün təkərli kabinələr olur. Çadır həyətdə qurulursa, ayaqyolunun axarı ümumi kanalizasiya xəttinə birləşdirilir. Ağ çadırların sahibi və onu sifariş edənlər yas məclisinə gələnlərin hər cəhətdən rahat olmasını təmin edir.
Deyilənə görə, ağ çadırlardan şəhərdə 5-6 dənə ola, ya olmaya. Bu tip çadırların içində hər şey olur. Çadırın iç tərəfdən tavanına ağ "tend" çəkirlər ki, dəmir dayaqlar görünməsin. Yaraşıqlı çilçıraqlar, divar və döşəmədə xalçalar. Pərdələr zövqə görə taxılır. Kim istəyir "teatralnıy" və ya "qotazlı" pərdələr asır. Açılıb-yığılan masa və stullar, döşəkçə ilə birgə. Bu çadırlara istilik sobası yox, qışda istilik, yayda sərinlik verən kondisionerlər quraşdırılır. Ağ çadırların uzunluğu 25-30 metrədək uzanır. Ağ çadırların qab-qacağı da bahalı farfordan servislər, dəstəyi qızıllı çəngəl-bıçaqdır. Masanın üstündə diş çöpündən başlamış, ətirli, nəm əl dəsmallarınadək hər şey düzülür. Ağ çadırların qulluq personalı da olur: çayçı, aşpaz və xidmətçilər. Məlumat üçün bildirək ki, bu cür çadırların bir günü 3000-5000 manatdır.

Orta təbəqənin çadırları
Bunlar ənənəvi yaşıl çadırlardır. Onların da divarında xalçası, döşəmədə "kovrolit"i var. Ancaq keyfiyyət, əlbəttə, bir az aşağıdır. Həmçinin, kondisioner əvəzinə sobalardır. Yaşıl çadırlarda çayçı və xidmətçilər var, aşpaz isə yoxdur. Aşpazı yas evi özü gətirir. Belə çadırların 24 saatı 500-1000 manatdır. 3 günlük çadır sifariş edirsənsə, ümumi məbləğ 1500 manat olur.

Kasıb çadırları...
Bu çadırların 24 saatı 200-300 manat arasıdır. Onlar da qab-qacaq, stol-stul, samovar verir. Ancaq daha çayçı-ofisiant yoxdur. Gərək qohum-əqrəbanı, dost-tanışı səfərbər edəsən. Çadırı gətirənlər, sadəcə, onu quraşdırıb təhvil verib gedirlər. İmkanın çatsa, qabyuyanı, çayçını əlavə "tuta" bilərsən. Qabyuyanın günü 20-30 manat, çayçının günü isə 50 manatdır.
Sosial sahə üzrə ekspert İlqar Hüseynli "Bakı-Xəbər"ə açıqlamasında qeyd etdi ki, yas mərasimlərində istifadə olunan avadanlıqlar, o cümlədən, çadırların təşkili də rəsmiləşdirilməlidir: "Yas mərasimlərinin təşkili üçün dövlət tərəfindən xüsusi yerlər təşkil olunmalıdır. Həmin yerlərdə insanlar öz kədərini paylaşmalıdır. Bir sıra xarici ölkələrdə, o cümlədən, qonşu Türkiyədə yas mərasimlərinin təşkili üçün xüsusi yerlər olur. Həmin yerlər bələdiyyənin ixtiyarında olur. Ölüsü olan adam bələdiyyəyə müraciət edərək bildirir ki, doğması rəhmətə gedib, məclis yerində acısını qohum-tanışlarla birlikdə bölüşmək istəyir. Bələdiyyə tərəfindən yas mərasimi olan şəxsə yer ayrılır və ona hər bir dəstək olunur. Belə bir təcrübə Azərbaycanda da tətbiq olunarsa, yaxşı olar. Çünki heç kim yas çadırı dərdi çəkməz".
Ekspert onu da əlavə etdi ki, yas mərasimlərində süfrəyə verilən ehsan məsələsi hazırda millət vəkillərini ciddi şəkildə narahat edir: "Yaxşı olar ki, rəsmilər tək ehsan süfrəsini deyil, eyni zamanda, yas çadırları məsələsini də diqqətdə saxlasınlar".

DİGƏR XƏBƏRLƏR

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...