Azərbaycanlı tələbələrlə bağlı Türkiyədəki təhsil müşavirliyinə konsulumuzun çağırışı dəstəkləndi

Tarix: 29.08.2014 / 09:56
Bölmə: Sosial

Azərbaycanın İstanbul şəhərindəki baş konsulu, Qara Dəniz İqtisadi Əməkdaşlıq Təşkilatında Azərbaycanın daimi nümayəndəsi, fövqəladə və səlahiyyətli səfir Həsən Zeynalovun son müsahibəsində bir sıra vacib mətləblərə toxunulub. Konsul müsahibəsində iki ölkə arasında təhsil sahəsində mövcud əməkdaşlıqdan da geniş bəhs edib.
O, həmçinin, xarici ölkələrdəki səfirliklərdə fəaliyyət göstərən təhsil müşavirliklərinin fəaliyyətindən də narazılığını ifadə edib. Onun sözlərinə görə, çalışmalıyıq ki, tələbə mübadiləsi ilə yanaşı, elmi dairələrimizin nümayəndələri arasında da əlaqələr inkişaf etsin, birgə layihələr həyata keçirilsin, araşdırmalar aparılsın":Bir məsələni də qeyd etmək istəyirəm. Azərbaycan Prezidenti İlham Əliyevin Azərbaycan gənclərinin inkişafına, savadlı və bacarıqlı mütəxəssislərin hazırlanmasına, gənclərimizin dünyanın qabaqcıl ali məktəblərində təhsil almasına göstərdiyi qayğı və diqqət nəticəsində təhsil sahəsində qabaqcıl sayılan bir sıra ölkələrdə, o cümlədən Türkiyədə təhsil müşavirliyi təsis edilib. Lakin hesab edirəm ki, təhsil müşaviri 20 il bundan öncənin metodları ilə işləməməli, müşavirliyin işində köklü dəyişiklik edilməli, fəaliyyətin koordinasiyası həyata keçirilməlidir. Baş Konsulluq bu istiqamətdə hər zaman lazımi dəstək göstərməyə hazırdır.
Bundan əlavə, ərazimizdə fəaliyyət göstərən bir sıra qeyri-hökumət təşkilatlarının fəaliyyətinə də toxunmaq istərdim. Müşahidələrimiz onu göstərir ki, bəzi dərnəklər və QHT-lər tələbələrlə ünsiyyətini müəyyən ideoloji xətt üzrə qurmağa, öz işini bu prinsipə uyğun olaraq təşkil etməyə çalışır. Hesab edirəm ki, bu yanlış mövqedir və doğru nəticələrə gətirib çıxarmayacaq".
"Türkiyə Universitetləri Məzunları" İctimai Birliyinin rəhbəri Çingiz Bayramov "Bakı-Xəbər"ə açıqlamasında bildirdi ki, Həsən Zeynalovun təhsil müşavirliyinin fəaliyyətilə bağlı səsləndirdiyi fikirlərlə tam razıdır. Müsahibimizin sözlərinə görə, Türkiyədə təhsil alan ilk tələbələrdən olub: "Biz 1991-ci ildə universitetə qəbul olunanda belə bir struktur formalaşmamışdı. Həmin vaxt Azərbaycan müstəqilliyini yenicə elan etmişdi. Təxminən 2 ildən sonra belə bir struktur yaradıldı.Qurumun vəzifəsi Türkiyədə təhsil alan tələbə və müəllimlərin işini koordinasiya etməkdən ibarətdir. Hesab edirəm ki, Türkiyədə buna xüsusilə böyük ehtiyac duyulurdu. Çünki bizim tələbələrin təhsil aldığı əcnəbi ölkələrin sırasında Türkiyə ön sıralarda qərar tutur. Müstəqilliyin ilk illərində müşavirliyin fəaliyyəti normal qurulmuşdu. Dövlətimizin o qədər də varlı olmaması səbəbindən bəzi işlərin yaxşı koordinasiya olunmasında müəyyən problemlər ortaya çıxırdı. İndi isə vəziyyət başqa cürdür. Azərbaycanın büdcəsi, dövlətin həmin sahəyə göstərdiyi qayğı imkan verir ki, bu iş daha səmərəli görülsün. Biz Türkiyə ilə yaxın təmasda olduğumuz üçün tam məsuliyyətilə deyə bilərəm ki, Həsən Zeynalovun iradları tam haqlıdır. Hazırda dünyanı texniki baxımdan kiçildən virtual məkan və digər vasitələr var. Müşavirlik tələbələrin problemlərini operativ öyrənib onları həll etmək imkanına malikdir. Ancaq təəssüflər olsun ki, köhnə metodlarla işin qurulmasına şahidlik etməli oluruq. Təhsil müşavirliyi azərbaycanlı tələbələrin yad ideologiyaların təsiri altına düşməməsi istiqamətində də fəaliyyətini zəif qurub. Biz şahidi oluruq ki, çox vaxt azərbaycanlı tələbələr həmin cərəyanlara məxsus evlərdə pulsuz qalır. Bax, təhsil müşavirliyi belə hallarla mübarizə aparmalıdır ki, tələbələrimiz beyni zəhərlənmiş halda ölkəyə dönməsin".

DİGƏR XƏBƏRLƏR

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...