Azərbaycan Səhiyyə Nazirliyində "Ebola əmri" imzalandı

Tarix: 26.08.2014 / 03:01
Bölmə: Sosial

Afrikanın bir neçə ölkəsində yayılan və artıq sərhədləri aşan dəhşətli ebola virusu ilə bağlı təşviş artır. Ümumdünya Səhiyyə Təşkilatının (ÜST) son məlumatına görə, Ebola qurbanlarının sayı artıq 1100 nəfəri ötüb. Ölümcül virusa yoluxanların sayı isə 2000-ə yüksəlir.
Artıq bütün dünya ebolaya qarşı səfərbərlik elan edib. Azərbaycanın Səhiyyə Nazirliyi də ebola virusu ilə bağlı mübarizəyə qatılıb. Səhiyyə nazirinin müavini Abbas Vəlibəyov ebola virusu ilə bağlı əmr imzalayıb.
Virusa qarşı profilaktik və əks-epidemik tədbirlərin gücləndirilməsi, eləcə də bu xəstəliyin ölkəyə keçməsinin qarşısının alınması məqsədilə tədbirlər müəyyənləşdirilib. Ebolaya yoluxmaqda şübhəli bilinən şəxslər Elmi-Tədqiqat Ağ Ciyər Xəstəlikləri İnstitutunda yaradılmış xüsusiləşdirilmiş şöbəyə yerləşdiriləcək.
Virtualaz.org saytının müxbirləri bu dəhşətli virusun Azərbaycana keçmə ehtimalını və xəstəliklə mübarizə üçün xüsusiləşdirilmiş şöbədə yaradılmış şəraiti yerindəcə öyrənib.
Qeyd edək ki, 8 palatadan ibarət şöbə 2006-cı ildə yaradılıb. Şöbənin müdiri Sevda Mustafayevanın sözlərinə görə, şöbə yenidən qurulub və artıq virusa yoluxan bütün xəstələri qəbul etmək üçün şəraitləri var.
"Bu şöbədə ilk dəfə "quş qripi" virusuna yoluxan xəstələri müalicə etmişik. Sonradan "donuz qripi" virusuna yoluxmaqda şübhəli bilinənlər də şöbəyə yerləşdirildi. 2008-2009-cu ildə xəstələrimiz olub. Lakin son illər ölkədə epidemioloji vəziyyət sabit olduğundan, xəstə qəbul etməmişik" - deyə S.Mustafayeva virtualaz.org saytına açıqlamasında bildirib.
Şöbədə hər palataya bir çarpayı qoyulub. Geyinib-soyunma otağı, sanitar qovşaq ayrıdır. Palataların qapıları və burada quraşdırılan aparatlar da diqqət çəkir. Şöbə müdiri deyir ki, xəstələrin ətraf mühitdən təcrid edilməsi üçün süni ventilyasiya aparatı quraşdırılıb. Bundan əlavə, hər palatada süni nəfəs aparatı var. Ayrıca palatalarda monitorlar və xəstəyə nəzarət edəcək aparatlar qoyulub.
S.Mustafayeva hava-damcı yolu ilə keçən təhlükəli viruslara yoluxmuş xəstələrin müalicəsi üçün dərmanla təchiz edildiklərini söyləyib: "Bu şöbə ağır və yüksək patagen viruslar üçün nəzərdə tutulub. Burada hava-damcı yolu ilə ağır viruslara yoluxanları müalicə edirik. Doğrudur, hələlik ebola virusuna qarşı vaksin və ya hansısa dərman yoxdur. Lakin biz qabaqlayıcı tədbirləri görürük, hər ehtimallara hazırlaşırıq".
Bəllidir ki, ebola xəstələrlə təmas nəticəsində yayılır. Bir çox həkimlər ebolaya yoluxanları müalicə etməkdən imtina edib. Amma xüsusi şöbədə çalışanların ebola qorxusu yoxdur.
Bunu da Sevda Mustafayeva deyib: "Şöbədə həkim və tibb bacılarından ibarət 10 işçimiz var. Burada çalışanlar xüsusi təlimlər keçib, onlara viruslu xəstələrə qulluq qaydaları öyrədilib. əməkdaşlarımız xüsusi təhlükəli virusdan qorunma yollarını bilirlər. Xəstənin təmasda olduğu əşyaların dezinfeksiyası, yataqların dəyişdirilməsi, təmizlənməsi qaydalarını öyrənmişik, amma daim məlumatları yeniləyirik.
Bundan əlavə, Səhiyyə Nazirliyi şöbəni xüsusi geyimlər, maskalar, eynəklər , dezinfeksiya aparatları, dərmanlarla təmin edir. Ebolaya yoluxduğu ehtimal edilən xəstələrə sintomatik yardımlar edilməsi üçün bütün dərmanlarımız var".
Virusun qeydə alındığı ölkələrə səyahət edən və ya belə xəstələrlə təmasda olanlar mütləq həkimə müraciət etməlidir.
Şöbə müdiri deyib ki, yüksək hərarət virusa yoluxmanın ilk göstəricisi ola bilər: "Xəstəliyə yoluxanlarda yüksək hərarət, əzələ-sümük ağrısı, ürəkbulanma, qusma, ishal, bədəndə suyun tükənməsi müşahidə edilir. Qanda və digər orqanlarda dəyişikliklər olur. Amma xarici ölkələrə səyahət etməyənlər, belə xəstələrlə kontaktda olmayanlar narahat olmamalıdır. Bizə gətirilən xəstələr laboratoriyada müayinə olunur. Amma kəskin virus infeksiyalarının müayinəsi üçün analizlər Respublika Taun Əleyhinə Stansiyasına göndərilir. Bizim şöbənin xüsusi konteynerləri var. Stansiyaya göndərilən qan və ya digər analizlər xüsusi qablarda daşınır. Yenə də qeyd edim ki, narahatçılığa əsas yoxdur, Azərbaycanda ebola virusuna yoluxma qeydə alınmayıb".
Şöbə müdiri ebolaya yoluxanlar arasında ölüm faizinin yüksək olmasının xəstəliklə mübarizə aparılan ölkələrin həyat səviyyəsi ilə bağlı olduğunu da deyib: "Ebola virusu ilk dəfə Afrika ölkəsində aşkarlanıb. Virusun meymun və yarasalardan insana keçdiyi deyilir. Lakin xəstəliyin ən risqli tərəfi ebolanın insandan insana yoluxmasıdır. Virus qan, nəcis, sidik və digər ifrazatlarla yayılır. Amma virusa yoluxanların sağalma ehtimalı da var. Sadəcə olaraq xəstəliyin erkən dövrdə aşkarlanması və müalicə məqsədilə görülən tədbirlər rol oynayır. Ümumiyyətlə, təkcə ebola virusu ilə bağlı vəziyyət deyil, digər viruslar da göstərdi ki, xəstəliklərlə mübarizədə ölkələrin yaşayış səviyyəsi, tibbi inkişafı, müalicənin effektliyi öz təsirini göstərir. Azərbaycan səhiyyəsi inkişaf edib, istənilən xəstəliklə mübarizə imkanlarımız var, dərmanlarla təminat yüksək səviyyədədir. Amma ölüm faizi yüksək olan ölkələrin səhiyyəsinin inkişafı göz önündədir".
S.Mustafayevanın fikrincə, ebola ilə bağlı təşvişə əsas yoxdur: "İstənilən virusun yayılmasının qarşısını almaq üçün profilaktik tədbirlər görülür. Ebola virusunun Azərbaycana keçmə ehtimalı yoxdur. Buna baxmayaraq, Səhiyyə Nazirliyi tədbirlər görür. İnsanlar yalnız eboladan deyil, adi qripdən də qorunmalıdır. Bunun üçün şəxsi gigiyenik qaydalara əməl etməlidirlər. Əllərin gigiyenası və təmizliklə xəstəliklərdən qorunmaq mümkündür".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...